हिमपात जुया हुम्लाया जनजीवन कष्टकर जुया वःगु दु। हुम्ला उच्च हिमाली जिल्ला जुगु हिमपात लिपा सदरमुकाम सिमकोटया उत्तरी नाम्खा गाउँपालिका थासय् ख्वाउसे च्वना जनजीवन तसकं कष्टकर जुगु दु 

आइतवाः बहनि निसे सिमकोट लगायत जिल्लाया उच्च क्षेत्रय् हिमपात जुगु जुगु बेँसीइ वाः वया जनजीवन कष्टकर जुगु दु। तसक चिकुगुलि व हिमपात जुया अन आइतवाः निसे तापक्रम माइनसय् क्वहा वःगु दु ।

हुम्लाय् तापक्रम माइनस ८ डिग्री सेन्टिग्रेडय् क्वहा वःगु दु। ख्वाउगुलि सिमकोट जःखः सडक तक अवरुद्ध जुगु दु। सडकय् हिउँ जमे जुया सिमकोट जःखः न आन्तरिक सडकय् अवरुद्ध जुगु दु।

थौं यलय् थीथी थासय् मत मवइगु जुगु दु ।

पुलचोक वितरण केन्द्रया रिंगरोड फिडर अन्तर्गत नख्खु चोक, बागडोल, धोबिघारा, मालपोखरी, धोबीघाट, नयाँबाटो, सनराइज टावरलगायत थासय् ट्रान्सफर्मर जडान यायेमाःगु जुगुलि मत मवइगु जुगु दु। ट्रान्सफर्मर जडानया लागि पुलचोक वितरण केन्द्रया रिंगरोड फिडर सटडाउनय् तयेमाःगु जुगुलि न्हिनय् १ बजे निसे ४ बजे तक मत वइ मफु धका नेपाल विद्युत प्राधिकरणं धाःगु दु।

अथेहे प्राधिकरणं निर्धारित इलय् ट्रान्सफर्मर जडानया ज्या क्वचाये वः मत वइ धका प्राधिकरणं धाःगु दु।

प्रतिनिधिसभा विघटनविरुद्ध रिटय् थौंनिसे सर्वोच्च अदालतय् निरन्तर सुनुवाइ जुइ ।

वःगु १० गते प्रधानन्यायाधीश चोलेन्द्रशमशेर जबरा नेतृत्वय् न्यायाधीशपि हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा व तेजबहादुर केसी सम्मिलित संवैधानिक इजलासं थौंनिसे मुद्दाय् निरन्तर सुनुवाइ यायेगु आदेश बिःगस खः।सर्वोच्चष आदेश कथं राष्ट्रपति कार्यालय, प्रधानमन्त्री केपी शर्मा ओली व सभामुख अग्निप्रसाद सापकोटां सर्वोच्चय् लिखित जवाफ पेस याये धुकुगु दु।

लिखित जवाफय् प्रधानमन्त्री ओलीं संसद् विघटन याये माःगु राजनीतिक बाध्यता जुगु न्यायिक पुनरावलोकनया विषय जुइ फइ मखु धाःसे मुद्दा खारेजी जुइमाः धका उल्लेख याःगु खः। सभामुख सापकोटां संविधानमा विकल्प दयेक न प्रतिनिधिसभा विघटन जुइ फइ मखु धाःसे पुर्नस्थापना याये माःगुलि बः बियादीगु खः।

प्रतिनिधिसभा विघटनविरुद्ध राष्ट्रपति कार्यालय व प्रधानमन्त्रीविरुद्ध १३ गु रिट निवेदन वःगु खः।

स्वास्थ्य मन्त्रालय नं मौसमय् छु दिंनिसे वःगु ह्यूपाया कारण वायु प्रदूषण अप्वोया वःगुलि मर्निङ वाक मयायेत इनाप याःगु दु।

मन्त्रालयया सहप्रवक्ता डा. समीरकुमार अधिकारीपाखे छगु अपिल यासे अथे इनाप यानादीगु खः। “छु दिं निसे मौसमय् वःगु ह्युपाःया कारण स्वनिगः दुने वायु प्रदूषण अप्वोया वःगु दु,” वयकलं धयादीगु दु, “थुकिइ सासः ल्हाय्गु नाप थीथी स्वास्थ्य समस्या खने दइ । वायु प्रदूषणया कारण जनस्वास्थ्यय् वयेफुगु प्रभावयात मध्यनगर यासे नेपाल सरकारं मापदण्ड तोक्के याये फइगु व्यवस्था जनस्वास्थ्य सेवा ऐन २०७५या दफा ४० य् दु। उगु व्यवस्था कथं मापदण्ड आःतक तोके याःगु मदुनि व आः वायु प्रदुषणया अवस्थायात मध्यनजर यासे आकस्मिक रुपं थुकथं ज्या यायेत रोकारवालापिन्त स्वास्थ्य तथा जनसंख्या मन्त्रालय इनाप यानागु दु।”

१–मर्निङवाक वनिइगु व छेँय् न पिने वना शारीरिक व्यायाम याना च्वनागु दु सा छु दिंया लागि मयायेगु।

२–फोहोर उचित व्यवस्थापन यायेगु तर फोहोर च्याकिइगु ज्या मयायेगु व मयाकेगु। सू ना नं फोहोर च्याकल धाःसा च्याके मबिइगु।

३–छेँ न पिहा मवनेइगु। पिहा वनेमाःगु खःसा मास्क अनिवार्य तया पिहा वनेयेगु व कोभिड १९ या लागि तोके याना तःगु जनस्वास्थ्यया मापदण्ड पालना यायेगु व याकेयेगु।

४–धुँ कुँ ब्वइगु ज्या, व्यवसाय, निर्माण ज्या छु दिंयात मयायेगु व मयाकेगु। छु दिं थज्यागु पेसा, व्यवसाय, निर्माण ज्या याये वलय् धुँ व कुँ कम जुइगु व्यवस्था यायेगु व याकेयेगु।

५–म्वाय्क म्वाय्कं सवारी साधन मछ्यलेय्गु ।

वःगु २४ घन्टाया दुने स्वनिगलय् थप २३२ म्हेसित कोरोना संक्रमित जुगु दु धका स्वास्थ्य मन्त्रालयं धाःगु दु ।

थौं   मंगलवाः संक्रमित जूपि ९३ म्ह मिसा व मेपि मिजंपि खः। अथेहे देयन्यक ४५५१म्हेसिगु पिसीआर परीक्षण याःगु खःसा उकिइ ५२२ म्ह संक्रमित जूगु दु।

अथेहे ५७८ म्ह संक्रमणमुक्त जुगु दु सा च्याम्ह सीगु दु धका मन्त्रालयय् धाःगु दु ।