थौं सुथय् हे मौसमय् ह्यूपाः वःगु दु । पश्चिमी न्यून चापीय प्रणाली प्रभावया कारण मौसमय् ह्यूपाः वःगु दु धका मौसम पूर्वानुमान महाशाखां धाःगु दु ।

आःतक सुदूर पश्चिम, कर्णाली, गण्डकी व लुम्बिनी प्रदेशय् सामान्य व बागमती प्रदेशय् आंशिक बदली जुइ धुकुगु दु। महाशाखाया कथं थौं सुथय् हे पश्चिम नेपालय् गन गन वाः वयेगु सुरु जुइ धुकुगु दु  उच्च हिमाली क्षेत्रय् हिमपात जुइगु अनुमान याःगु दु ।

थौं न्हिनय् व चान्ह्य सुदूर पश्चिम, कर्णाली, गण्डकी प्रदेश, लुम्बिनी प्रदेशया यक्को थासय् व प्रदेश १ नाप बागमती प्रदेशया गन गन थाय् हल्का वाः वइ।

आइतवाः तक मौसम खुले जुइग्ु महाशाखाया पूर्वानुमान दु ।

सत्तारुढ नेपाल कम्युनिस्ट पार्टी (नेकपा) केपी ओली समूह न थौं शक्ति प्रदर्शन यायेत्यःगु दु ।

थ्व स्वया न्ह्यः प्रचण्ड–माधव समूह न येँया शक्ति प्रदर्शन यायेवं ओली समूह न थौं प्रदर्शन नाप नारायणहिटी न्ह्यने आमसभा याये त्यःगु खः। थ्व समूह न शक्ति प्रदर्शनया लागि थीथी जिल्लापाखे कार्यकर्ता येँ क्वत हयेत्यःगु खः। थौं याःगु सभाय् स्वगू ३ लाख कार्यकर्ता क्वत हयेगु धका दाबी ओली समूहया नेतापिन्स याःगु दु ।

सभायात कामचलाउ सरकारया प्रधानमन्त्री केपी शर्मा ओली लगायत मन्त्री व नेतापिन्स सम्बोधन यायेगु ज्याझ्वः दु । ज्याझ्वलय् प्रचारया लागि युवा संगठनं म्हिगः बिहीवाः बहनि मार्चपास याःगु खः । येँ जम्मा जूपि कार्यकर्तापिन्स थीथी १३ थासय् प्रदर्शन नाप पिहावयेत्यःगु खः । वया लिपा मध्याह्न १२ बजे नारायणहिटीइ थ्यका आमसभा यायेत्यःगु दु।

प्रधानमन्त्रीया सिफारिसय् राषट्रपति विद्या भण्डारीं संसद विघटन यायेव नेकपा निगु टुक्रा जुगु खः ।  वया लिपा निगु समूह न सतकय् प्रदर्शन व भेलाय् तीव्रता बिःगु खः।

कोरोना भाइरस (कोभिड १९) विरुद्धया खोप अभियान अन्तर्गत बिहीवाः तक देयन्यक छगु लाख ५८ हजार स्वया अप्वोसिया खोप काये धुकुगु दु ।

स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं बिहीवा छगु प्रेस विज्ञप्ति जारी यासे ७७ जिल्लाया २०१ खोप केन्द्रपाखे कुल १ लाख ५८ हजार ४८७ म्ह लक्षित वर्गपिन्स खोप लगे याये धुकुगु दु धका जानकारी बिःगु दु ।

प्रदेश १ य् २१ हजार ७५४म्ह, प्रदेश २ य् २१ हजार १८५म्ह, बागमती प्रदेशय् ५५ हजार ५०४म्ह, गण्डकी प्रदेशय् १७ हजार २६७म्ह, लुम्बिनी प्रदेशय् २३ हजार ७९८म्ह, कर्णाली प्रदेशय् ८ हजार ७२ म्ह व सुदूरपश्चिम प्रदेशय् १० हजार ९०७ म्हेसिया खोप काये धुकुगु दु धका मन्त्रालयं धाःगु दु ।

नेकपा ओली समूहया ल्याम्हय्पि थौं शुक्रवाः सभाया तयारी स्वरुप येँ छगु मार्चपास याःगु दु।

थौंया उगु ज्याझ्वलय् राष्ट्रिय युवा संघ, अनेरास्ववियु, खेलकुद महासंघ, सम्पर्क मञ्चया समन्वय कमिटीया युवापि प्रदर्शनी मार्गपाखे पुतलीसडक जुया कमलादीतक मार्चपास याःगु दु ।

नेकपाया केन्द्रीय कमिटी सदस्य महेश बस्नेतं २३ गतेय् जनसभायात स्वयंसेवकपिन्स सुरक्षा बिइफु धइगु सन्देश बिइत मार्चपासया ग्वसाः ग्वःगु दु ।

वःगु २४ घन्टाया दुने देयन्यक १७१ म्हेसित कोरोना सङ्क्रमण पुष्टि जूगु दु । आःतक नेपालय् कोरोना सङ्क्रमण पुष्टि जूपि निगु लाख ७१ हजार ६०२ म्ह थ्यःगु दु ।

अथेहे थप २२७ म्ह कोरोना सङ्क्रमणमुक्त जूगु दु सा निगु लाख ६७ हजार २९२ म्ह थ्यगु दु धका स्वास्थ्य तथा जनसङ्ख्या मन्त्रालयं धाःगु दु।

अथेह सङ्क्रमणया कारण सीपि २०३३ म्ह थ्यःगु दु। वःगु २४ घण्टा् थप निम्ह सीगु दु धका मन्त्रालयं धाःगु दु ।

नेपालय् आःतक २२७७ म्ह सक्रिय सङ्क्रमितपि दु ।