प्रधानमन्त्री केपी शर्मा ओलीं थौं शुक्रवाः नारायणहिटी न्ह्यने यानादीगु भाषण न्यना संघीयता विरोधी नाप राजावादीपि निराश जुगु दु।

संघीय लोकतान्त्रिक गणतन्त्र प्रति थःगु प्रतिवद्धता क्यनेवं राजावादीपि असन्तुष्ट नाप निराश जुगु दु । प्रधानमन्त्री ओलीें थौं शुक्रवाः याःगु सम्वोधनय् संविधान विरोधी, संघीयता विरोधी नाप राजावादीपि निराश जुगु धाःसे, ‘सू ना वागु दशक स्वया अप्वो गणतन्त्रया लागि ल्वाना, सामाजिक न्यायया लागि ल्वाना, व केपी ओलीं राजतन्त्र लित हयेगु घोषणा याइला’ जिमिसं ल्वाना हयागु संघीय लोकतान्त्रिक गणतन्त्र हयागु खः। थ्व संघीय लोकतान्त्रिक गणतन्त्रात्मक व्यवस्थायात सूना न च्वय् क्वय् यायेत स्वयेमते ।‘

सूना न प्रतिगमन बिचाः यायेत मते, देय् न्ह्यने न्ह्यने वःगु दु ।’सभाय् प्रधानमन्त्रीं संघीय लोकतान्त्रिक गणतन्त्रप्रति प्रतिवद्धता क्यनादीगु दु । संविधानं प्रत्याभूत याना व्यवस्थाया विकास यात्राय् फाइदा जुइ धका वयकलं धयादीगु दु। कोभिड महामारीया इलय् स्थानीय तह न म्हितिगु भूमिकाया प्रशंसा यानादीगु दु ।

व, नेपालय् राजतन्त्र लिहा मवइगु, संघीय गणतन्त्रयात सूना नं च्वय् क्वय् याये फइमखु धका धयादीगु दु ।

ग्रिनलाइफ हाइड्रोपावरया प्रारम्भिक सार्वजनिक निष्कासन (आईपीओ) थौंनिसे बिक्री जुगु दु । ग्रिनलाइफ हाइड्रोपावरं प्रतिकित्ता १०० रुपैयाँ अंकित मुल्यया ३४ करोड ९६ लाख ४० हजार रुपैयाँ बराबरया ३४ लाख ९६ हजार ४०० कित्ता आईपीओ निष्कासन याःगु दु । ग्रिनलाइफ हाइड्रोपावरं थ्व स्वयान्ह्यः आयोजना प्रभावित स्थानीयया लागि निष्कासन याःगु १८ लाख कित्ता मध्ये बिक्री मजुगु १६ लाख ९६ हजार ४०० कित्ता सहित कुल ३४ लाख ९६ हजार ४०० कित्ता सेयर सर्वसाधारणया लागि बिक्री खुला याःगु खः ।

उकि मध्ये ५ प्रतिशत अर्थात् १ लाख ७४ हजार ८२० कित्ता सेयर सामुहिक लगानीकोष व २ प्रतिशत अर्थात ६९ हजार ९२८ कित्ता कर्मचारीयात सुरक्षित याःगु दु । बाँकी दुगु ३२ लाख ५१ हजार ६५२ कित्ता सेयर सर्वसाधारणपिन्स आवेदन बिइ फइ । कम्पनीं नेपाल धितोपत्र बोर्डपाखे जारी पुँजी १ अर्ब ८० करोड रुपैयाँ २० प्रतिशत अर्थात् ३६ लाख कित्ता आईपीओ निष्कासन यायेगु अनुमति दुगु खः । उकि मध्ये १८ लाख कित्ता आयोजना प्रभावित स्थानीय व १८ लाख कित्ता सर्वसाधराणया लागि छुटे यागुलि आयोजना प्रभावित जुगु थासय् खरिद मजुगुलि व नाप ३४ लाख ९६ हजार ४०० कित्ता यआईपीओ सर्वसाधारणपिन्त बिक्री सुरु याये त्यःगु खः ।

कम्पनीया आईपीओ याकन माघ २७ गते तक व उगु इलय् माग जुगु कथं आवेदन मवसा लिबाक्क फागुन ७ गते तक आवेदन बिइ फइ । थुगु कम्पनीं दोलखा जिल्लाया खानीखोला, हनापु खोला व नाप्के खोलाया लखय् ४० मेगावाट क्षमताया खानिखोला १ जलविद्युत आयोजना निर्माण याःगु खः ।

कम्पनीं आईपीओ निष्कासन तथा बिक्री प्रबन्धकया निति बि.ओ.के. क्पापिटल मार्केट याःगु दु।  सर्वसाधारणयात ग्रिनलाइफ हाइड्रोपावरय् ३२ लाख ५१ हजार ६५२ कित्ताया लागि आवेदन बिइ फइइ । धितोपत्र निष्कासन तथा बाँडफाँड नियमावली कथं दक्को आवेदकपिन्त थइकथं १० कित्ता मखुसा गोलाप्रथापाखे गुलि थः उलियात १० कित्ता दरं बाँडफाड याये मालिइगु खनेदु ।

येँया तारकेश्वर नगरपालिका बाहेक मेगु थासय् बर्ड फ्लूया सङ्क्रमण खने मदुगु धका पशुसेवा विभागं धाःगु दु।

थ्व स्वया न्ह्यः माघ १६ गते तारकेश्वरय् बर्ड फ्लू सङ्क्रमण खने दुगु खःसा अन झण्डै २५ सय पक्षी नष्ट याःगु खः । आःतक सङ्क्रमण खने दुगु थासय् सिल याःगु दु धका विभागं दैनिक निरीक्षण याना च्वनागु दु धका पशुसेवा विभागया प्रवक्तां धाःगु दु । सङ्क्रमण खने दयेवं अन न्हि न्हि विज्ञपिनिगु टोलीं अनुगमन याना वयाच्वंगु दु ।

नियमित रुपं अनुगमन यायेगु, शङ्कास्पद नमुना परीक्षण यायेगु व अध्ययन यायेगु ज्या जुया च्वंगु दु । सङ्क्रमण खनेदुगु फार्मय् ४२ दिं तक खा तये दये दइ मखु धका प्रवक्ता धयादीसे पीडित व्यवसायीपिन्स सरकारं २२ लाख रुपैयाँ राहत कथं बिइत्यःगु दु । पशुसेवा विभागं विज्ञ केन्द्र व नगरपालिकाय् सङ्क्रमण मजुइकेत सहकार्य याना च्वनागु दु धका धाःगु दु ।