कोरोना भाइरस संक्रमणया कारणं स्वास्थ्य तथा जनसंख्या मन्त्रालयया कम्प्युटर अधिकृत छम्ह मन्त।

मन्त्रालयया कम्प्युटर अधिकृत कथं ज्या याइम्ह यल गोदावरीया ५१ दँ दुम्ह कृष्णगोपाल श्रेष्ठ कोरोना संक्रमणं मदुगु खः।

श्रेष्ठ वासः याकेगु झ्वलय् थौं सोमबाः वीर अस्पतालय् मदुगु धका मन्त्रालयं धागु दु।

मन्त्रालयया सहप्रवक्ता समिरकुमार अधिकारीइ श्रेष्ठ मदुगु विज्ञप्तिपाखे जानकारी बियादिगु खः।

वःगु २४ घण्टाया दुने देयन्यक कोरोना संक्रमणया कारण सीपि १० म्ह थ्यःगु दु ।

थ्व नाप  कोरोनाया कारण सीपि नेपालय् २ हजार ११ म्ह थ्यःगु दु । स्वास्थ्य तथा जनसंख्या मन्त्रालयया कथं वःगु २४ घण्टाय् पीसीआर ४ हजार ८५८ म्हेसिगु यागुलि ३३९ म्ह कोरोना सक्रमित जुगु दु।

नेपालय् सोमवाः तक जम्मा संक्रमितपि २ लाख ६९ हजार ७८९ म्ह थ्यःगु दु। वःगु २४ घण्टाय् व जक ४०१ म्ह कोरोनामुक्त जुगु खः।

थ्व नाप देयन्यक कोरोनामुक्त जूपि २ लाख ६४ हजार ५३८ म्ह थ्यगु दु ।

गृहमन्त्री रामबहादुर थापां प्रतिनिधिसभाया विघटन मुद्दाय् अदालतं फैसला लिवातकि  निर्वाचन लिहावनि सङ्केत क्यःगु दु ।

प्रेस सङ्गठन नेपाल कालीकोटं थौं सोमवाः आयोजना याःगु पत्रकार सम्मेलनय् गृहमन्त्री थापां प्रतिनिधिसभा विघटन मुद्दा अदालतय् विचाराधीन जुगुलि निर्वाचन विषय अदालतया फैसलाय् भरपरे जुइ धका धाःगु दु । वैशाखय् निर्वाचन नुइ मजुइथु विषय अदालतया फैसलाय् भरपरे जुइ धका गृहमन्त्री थापा धयादीगु दु । “वैशाखय् चुनाव यायेगु सरकार तयारी अवस्था दु ।

निर्वाचन आयोग, सुरक्षा निकायया दक्को तयारी यानाच्वनगु दु”, वयकलं धयादीगु दुे, “अदालतया फैसला पियाच्वनागु दु । अदालतया फैसला लिबातकि निर्वाचन लिछाय् माली धका धाःगु खः । अदालतं सरकारया निर्णय सदर याइगु जुइ ।” माओवादी जनयुद्धया झ्वलय् अपाङ्गता व शहीद परिवारया नयेगु त्वनेगुलि सरकार सचेत व उमिगु व्यवस्थापन यायेत सरकारं निर्णय याःगु धका गृहमन्त्री थापां जानकारी बिःगु दु।

थ्व स्वया न्ह्यः कालीकोट वनेगु झ्वलय् सुर्खेत विमानस्थलय् सञ्चारकर्मीपि नाप खँ ल्हानादिसे वयकलं प्रतिनिधिसभा विघटन सम्बन्धी मुद्दाय् सर्वोच्च अदालतं राजनीतिक स्थायित्वया पक्षय् फैसला बिइगु भलसा कयादीसे प्रतिनिधिसभा पुनःस्थापना याये वलय् देश प्रतिगमनपाखे वनिइगु व ताजा जनादेशय् वनेयेगु हे राजनीतिक स्थायित्वया दृष्टिं बालाइ धका थःःगु धारणा तयादीगु खः ।

प्रधानमन्त्री केपी शर्मा ओलीं अदालतयात प्रभाव यायेगु कुतः यागु धाःसे थौें बालुवाटारय् विरोध प्रदर्शन याःगु दु ।

उगु प्रदर्शनय् मानव अधिकार व शान्ति समाज नेपालया अध्यक्ष नाप २६ म्हेसित प्रहरीं ज्वःगु दु।

प्रधानमन्त्री निवास बालुवाटारया न्ह्यने प्रदर्शन यानाच्वंगु इलय् अध्यक्ष कृष्ण पहाडी, सभापति उत्तम पुडासैनी, संस्थापक सदस्य कृष्ण कँडेल, सचिव बलबहादुर गाहा मगर लगायतपि नाप २६ म्हेसित प्रहरीं ज्वःगु दु ।

विरोध प्रदर्शनय् सहभागीपिन्स आपत्तिजनक अभिव्यक्ति बिःगु बन्द याः, किर्तेतन्त्र बन्द याः, अदालतयात प्रभाव यायेगु दुष्प्रयास बन्द याः, च्वयातःगु प्लेकार्ड ज्वना प्रदर्शन याःगु खः ।