बन्दाबन्दीया इलय् महानगरय् सडक कालोपत्रे, पूर्वाधार निर्माणज्या जुयाच्वंन बन्दाबन्दीया इलय न महानगरं पूर्वाधार निर्माणया ज्या जुयाच्वंगु दु।

न्हगु सतक गेट मर्मत व रंग रोगनया ज्या जुयाच्वंगु दु सा वडा ६ य् बागमती नगर व शान्ति नमूना पार्क, वडा ३ य् इको पार्क व वडा ४ य् धुम्वाराही पार्क  निर्माण जुयाच्वंगु दु।

जिल्ला प्रशासन कार्यालयपाखे जारी निषेध आदेश व स्वास्थ्य मन्त्रालयपाखे जारी स्वास्थ्य मापदण्डयो पालना याना पूर्वाधारया ज्या नियमित जुयाच्वंगु दु ।

सहरी पूर्वाधार विकास विभागया प्रमुख राम थापां धयादीगु दु, ‘वडा १६ य् ज्ञानदीप मार्ग, सिद्धार्थ मार्ग व जमाचो मार्गमा ढल निकास व सतक कालापत्रे जुयाच्वंगु दु ।

अथेहे वडा १३ य् जिलेट मार्ग व वडा १४ य् त्रिभुवन विश्वविद्यालय पखाः दयकेगु व सतक कालोपत्रे न जुयाच्वंगु दु । वडा ३१ य् सिर्जना नगर सतक सुधार न ज्या जुयाच्वंगु दु। 

बाँकेय् उपचार याना च्वंपि थप न्याम्ह कोरोना संक्रमितपि मन्त ।

सीपि प्यम्ह बाँकेयापि व छम्ह बर्दियायाम्ह खः। बाँकेका कोरोना फोकल पर्सन तेज ओलीया कथं नेपालगञ्ज उपमहानगरपालिका–१४ या ३८ दँ दुम्ह मिसा थौं शनिवाः सुथय्  भेरी अस्पतालय् मदुगु खः ।

भारतया लखिमपुरय् वैशाख १४ गते परीक्षण यागुलि कोरोना संक्रमण जुगु खः। अथेहे नेपालगञ्ज उपमहानगरपालिका–१० या ३८ दँ दुम्ह मेम्ह मिसा नेपालगञ्ज मेडिकल कलेज कोहलपुरय् थौं सुथय् ४ः३० बजे मदुगु खः । अथेहे नेपालगञ्ज उपमहानगरपालिका–१ बाँकेया ६४ दँ दुम्ह मिजंम्ह बहनि ८ बजे व नेपालगञ्ज उपमहानगरपालिका १२ बाँकेया ६७ दँ दुम्ह मिजंम्ह शुक्रवाः ४ः४५ बजे भेरी अस्पतालय् मदुगु खः ।

अथेहे बर्दियाया बढैयाताल–७ छेँ दुम्ह ५२ दँ दुम्ह मिजंम्ह शुक्रवाः बहनि ७ बजे भेरी अस्पतालय् मदुगु खः धका जानकारी बिगु दु।

प्रधानमन्त्री केपी शर्मा ओलीं थौं शनिवाः बहनि मन्त्रिपरिषदया आकस्मिक बैठक सःतूगु दु।

बैठक थौं बहनि ५ बजे प्रधानमन्त्री निवास बालुवाटारय् सःतगु खः।

प्रधानमन्त्री ओलीं विश्वासया मत कायेगु ई न्ह्यने वंगुलि वयकल थथे सक्रियता अप्वोगु खः।

अथेहे प्रधानमन्त्री ओलीं आइतवाः संवैधानिक परिषदया बैठक सःतूगु दु ।

चितवन जिल्लाय् कोरोना रोकथामया लागि खटे जूपि चिकित्सक व स्वास्थ्यकर्मीपि संक्रमित जुगु दु ।

जिल्लाया अस्पतालय् ज्यायाइपि चिकित्सक, नर्स, स्वास्थ्यकर्मी व कर्मचारीपि याना ८६ म्हेसित संक्रमित जुगु दु धका स्वास्थ्य कार्यालय चितवनं धागु दु ।

कार्यालयया जनस्वास्थ्य अधिकृतया कथं भरतपुर अस्पतालय् २२म्ह, चितवन मेडीकल कलेजय् २२म्ह, पुलागु मेडीकल कलेजय् १९म्ह व विपी कोइराला मेमोरियल क्यान्सर अस्पतालय् १६ म्ह दु

अथेहे बघौडा अस्पताल माडी, राप्ती अस्पताल भण्डारा, बकुल अस्पताल रत्ननगर, कालिका नगर अस्पताल लगायतय् अस्पतालया चिकित्सक, स्वास्थ्यकर्मी न्ह्यम्ह संक्रमित जुगु दु ।

वयकःया कथं  संक्रमित चिकित्सक व स्वास्थ्यकर्मीपि आः आइसोलेसनय् च्वना च्वंगु दु सा गुलि छेँ लिहावने धुकुगु दु ।

रुपन्देहीइ थप निम्ह कोरोना संक्रमितपि उपचारया झ्वलय मन्त ।

बुटवल उपमहानगरपालिका– १ या ४८ दँ दुम्ह व बुटवल–११ य् ३० दँ दुम्ह मिसा बुटवल धागो कारखानाय् सञ्चालन जुयाच्वंगु कोरोना विशेष अस्थायी अस्पतालय् मदुगु खः।

अस्पतालया प्रवक्तां बिगु जानकारी कथं ४८ दँ दुम्ह मिजंम्ह ११ बजे व ३० दँ दुम्ह मिसाम्ह शनिवाः सुथय् ५ः५२ बजे मदुगु खः ।

निम्ह निमोनिया व सासः ल्ह्यायेगु समस्या दुपि खः धका धागु दु ।