प्रधानमन्त्री केपी शर्मा ओली विश्वासया मत काइगुलि संसदय् कोरोना संक्रमित सांसदपिन्स न मतदान याये दइगु जुगु दु।

प्रधानमन्त्रीें विश्वासया मत कायेगु प्रयोजनया लागि संसदया विशेष अधिवेशन कन्ह्य सोमवाः सःतूगु दु । संसद अधिवेशनया न्ह्यः परीक्षण यागुलि २६ म्ह स्वया अप्वो सांसदपिन्त कोरोना संक्रमण पुष्टि जूगु दु ।

आइतवाः च्वुंगु प्रतिनिधिसभाया कार्यव्यवस्था परामर्श समितिया बैठकं कोरोना संक्रमित सांसदपिन्त मतदानय् सहभागी यायेगु व्यवस्था मिले यायेगु निर्णय यागु दु ।

प्रतिनिधिसभाया बैठकय् पीसीआर टेष्ट याना रिपोर्ट नेगेटिभ वंपि सांसदपि जक दुहा वने दइ। आःतक ५० स्वया अप्वो सांसदपिनिगु परीक्षण याये ल्यःनिइ ।

उमिगु थौं आइतवाः स्वाब संकलन याना कन्ह्य तक रिपोर्ट वइगु व्यवस्था मिले यायेगु धका कार्यव्यवस्था परामर्श समितिें निर्णय यागु दु ।

पूर्वसचिव माधवप्रसाद रेग्मी लोक सेवा आयोगया अध्यक्षय् सिफारिस यागु दु ।

प्रधानमन्त्री निवास बालुवाटारय् थौं आइतवाः सुथय् च्वंगु संवैधानिक परिषदया बैठकं रेग्मीयात लोक सेवा आयोगया अध्यक्षय् सिफारिस यागु दु ।

थौंया उगु बैठकय् सभामुख अग्नि सापकोटा व प्रतिपक्षी दलया नेता शेरबहादुर देउवा उपस्थित मजुगु खः।

संवैधानिक परिषदया अध्यक्ष तक जुयादीम्ह प्रधानमन्त्री कपी शर्मा ओली, राष्ट्रिय सभा अध्यक्ष गणेशप्रसाद तिमिल्सिना व प्रधानन्यायाधीश चोलेन्द्रशम्शेर जबराया बैठक उगु नियुक्ति सिफारिस यागु खः ।

नेपाल उद्योग वाणिज्य महासंघं कोभिड–१९ लक्षित यासे हेलो डाक्टर अभियान सुरु यागु दु।

‘एफएनसीसीआई अपरेसन कोभिड रिलिफ नेपाल’ नां बिया थुगु  अभियानय् डाक्टर अन कलया चिकित्सकपिन्स स्वास्थ्य परामर्शदाताया रूपं सेवा बिइत्यंगु खः ।

महासंघं थुगु ज्याझ्वः भाइवरनाप सहकार्यं जुइत्यंगु खः। कोभिड संक्रमित जूपि छेँ वा आइसोलेसनय् च्वपि व चिकित्सकपिनिगु सल्लाह परामर्श काय थाकुपिन्त हे

ल्लो डाक्टर पाखे परामर्श बिइत्यंगु खः। हेल्लो डाक्टर, भाइवर पाखे कोभिड संक्रमित विरामी व डक्टर दथुइ प्रत्यक्ष सम्पर्क याना परामर्श बिइगु ज्या महासंघं यायेत्यंगु खः।

आःयात न्याम्ह डाक्टरपाखे परामर्शया ज्या जुइत्यंगु खः । थुकिया लागि सुथय् ९ बजे निसे १२ बजे तक व न्हिनय् ३ बजेनिसे ६ बजे तक या ई तयातःगु दु धका महासंघं धागु दु। नां दर्ता यायेत विरामीपिन्स २११११२११११ भाइवर नम्वरय् म्यासेज यायेमाः।

उगु म्यासेजया आधारय् डाक्टरपिन्स परामर्शया लागि विरामीपिन्त ई क्वछिइ।

प्रतिनिधि सभाया कार्यव्यवस्था परामर्श समितिया बैठक सुरु जुगु दु ।

उगु बैठक कन्ह्य जुइगु प्रतिनिधि सभाया बैठकय् कोभिड–१९ संक्रमित सांसदपि व कोभिड परीक्षण मयापि सांसदपिन्त विश्वासया पक्ष–विपक्षय् मत बिइगु व्यवस्थापन याये धइगु विषयय् छलफल जुइ धका सभामुखया सचिवालयं जानकारी बिगु दु ।

बैठक संसदया ल्होत्से हलय् सुरु जुगु खः। प्रतिनिधि सभाय् २६ म्ह सांसदपि कोरोना संक्रमण जूगु दु ।

प्रधानमन्त्री केपी शर्मा ओली कन्ह्य संसदय् विश्वासया मत काइगु खः।

लुम्बिनी प्रदेशया मुख्यमन्त्री शंकर पोखरेलविरुद्ध अविश्वासया प्रस्ताव दर्ता जूगु दु ।

नेपाली कांग्रेस, नेकपा माओवादी केन्द्र, जनता समाजवादी पार्टी व राष्ट्रिय जनमोर्चाया ४० म्ह प्रदेशसभा सदस्यपिनिगु ल्हाचिं ज्वना प्रदेशसभाय् अविश्वास प्रस्ताव दर्ता जूगु दु ।

थ्व स्वया न्ह्यः ६ वैशाखय् मुख्यमन्त्री पोखरेलविरुद्ध अविश्वासया प्रस्ताव दर्ता यागु खः । उमिसं बिगु समावेदनया आधारय् १९ वैशाखय् प्रदशेसभाया विशेष अधिवेशन सःतूगु खः ।

तर अधिवेशन सुरु जुइ न्ह्यः हे पोखरेलं मुख्यमन्त्री पदपाखे राजीनामा बिया व बहुमतं सरकारया दाबी यागु खः 

प्रदेशसभाया अधिवेशन सःतिइगु माग यासे प्रदेश प्रमुखसमक्ष थौं हे समावेदन बिइगु धका कांग्रेस संसदीय दलया प्रमुख सचेतक फखरुद्दिन खानं जानकारी बिगु दु ।