नेपाल पत्रकार महासंघ जिल्ला शाखा भक्तपुरया २२ क्वःगु साधारण सभां निम्ह पत्रकार राससया रत्नकृष्ण श्रेष्ठ व देशान्तर साप्ताहिकया कविर राणायात सम्मानित याःगु दु।

उगु साधारणसभां पत्रकार राणायात भगवान महर्जन स्मृति पत्रकारिता पुरस्कार व श्रेष्ठया मैंयादेवी स्मृति पत्रकारिता पुरस्कारपाखे सम्मानित याःगु खः। पत्रकार राणायात नगद १० हजार व दोसल्ला नाप सम्मान पत्र लल्हागु खः । अथेहे मेम्ह पत्रकार श्रेष्ठयात नगद २ हजार ३ सय नाप दोसल्ला व सम्मान पत्र लल्हागु खः ।

उगु साधारण सभाया मूपाहाँ नेपाल पत्रकार महासंघया पूर्व अध्यक्ष वरिष्ठ पत्रकार हरिहर विरही, उपाध्यक्ष दिलिप थापा मगर, महासचिव रमेश विष्ट, केन्द्रीय सदस्यपि गोविन्द चौलागांई व लक्ष्मण काकी, महासंघया उपत्यका प्रदेश महासचिव श्रृजन झा, ललितपुर अध्यक्ष ज्ञानप्रसाद पौडेलपिनिगु न उपस्थिति दुगु खः।

नेपालय् कोरोना भाइरस न्हापा सङ्क्रमण पुष्टि जुगु दँच्छि खनेदुगु दु। चीनया वुहान युनिभर्सिटीइ अध्ययन याना लिहावम्ह ३२ दँ दुम्ह मिहेसित वःगु माघ १० गते कोरोना पुष्टि जुगु खः ।

दच्छिया इलय् आःतक नेपालय् निगु लाख ६९ हजार १८० म्ह सङ्क्रमण पुष्टि जूगु दु सा १९९४ म्ह कोरोना सङ्क्रमणं सीपि थ्यःगु दु । सङ्क्रमण पुष्टि जूपि मध्ये निगु लाख ६३ हजार ७३४ म्ह कोरोनामुक्त जुइ धु्कुगु दु सा स्वास्थ्य तथा जनसंख्या मन्त्रालयं धाःगु दु ।

आः तक नेपालय् स्वद्धः व ४५२ म्ह सक्रिय संक्रमित जुगु दु सा उकि मध्ये १४७ म्ह आईसीयू व २६ म्ह भेन्टिलेटरय् तया उपचार जुयाच्वंगु दु । बेलायतय् खने दुगु कोरोना भाइरसया न्हुगु प्रकारया नेपालय् स्वम्हेसित सङ्क्रमण पुष्टि जुइ धुकुगु दु।

सङ्क्रमण नियन्त्रणया लागि सरकारं वःगु चैत ११ गते निसे साउन छ गते तक १२० दिं देशव्यापी लकडाउन व वयालिपा थीथी थासय् निषेधाज्ञा लगे याःगु खः ।

वःगु इलय् परीक्षण, उपचार व खोप लगायत महामारी नियन्त्रणया ज्याय् सरकारं लय ज्वःगु खः ।

वःगु २४ घण्टाय् थप २३२ म्ह कोरोना भाइरस (कोभिड(१९) या संक्रमण पुष्टि जूगु दु। देयन्यकया प्रयोगशालाय् ३५४१ म्हेसिगु नमुना परीक्षण याःगुलि ९१ मिसा व १४१ म्ह मिजंपिन्त संक्रमण पुष्टि जुगु दु ।

थ्व नाप आःतक कुल संक्रमितपि २ लाख ६९ हजार १८० म्ह थ्यःगु दु । उकि मध्ये २ लाख ६३ हजार ७३४ म्ह सक्रमितमुक्त जुइ धुकुगु दु सा १९९४ म्ह सी धुकुगु दु धका स्वास्थ्य तथा जनसंख्या मन्त्रालयं धाःगु दु।

आःतक देयन्यक ३ हजार ४५२ म्ह सक्रिय संक्रमितपि दु । उकि मध्ये ७७८ म्ह संस्थागत आइसोलेसनय् च्वना च्वंगु दु, १४७ म्ह आईसीयू व २६ म्ह भेन्टिलेटरय् उपचार यानाच्वंगु दु ।

कोभिड–१९ विरुद्धया खोप ‘कोभिशिल्ड’ न्ह्यगू हे प्रदेशय् छ्वय्गु तयारी दु।

भारतं अनुदानय् उपलब्ध याःगु खोप न्ह्यःगु प्रदेशय् छ्वयत स्वास्थ्य तथा जनसङ्ख्या मन्त्रालयया प्रवक्ता प्राडा जागेश्वर गौतमं जानकारी बिःगु दु । भारतपाखे हःगु खोप स्वास्थ्य सेवा विभाग टेकुया केन्द्रीय चिस्यान केन्द्रय् तया तःगु दु। वयकःया कथं प्रदेशपाखे जिल्ला अस्पतालय् खोप आवश्यकताया आधारय् वितरण याइगु व आइतवाः तक दक्को प्रदेशय् खोप थ्यनिइ। न्हापागु चरणय् खोप अस्पतालयात हे खोप केन्द्र दयेका बिइगु 

न्ह्यःगु प्रदेश व ७७ जिल्ला यााना करीब ३०० अस्पतालय् खोप बिइगु। स्वनिगलय् १० गु स्वया अप्वो अस्पतालय् खोप वितरण याइ । खोप स्वास्स्थ्य संस्थाय् ज्या याइपि कोभिड–१९ व्यवस्थापनय् न्ह्यने वनिपि स्वास्थ्यकर्मी, सहयोगी कर्मचारी, एम्बुलेन्स व शववाहन चालक, कोभिड–१९ या सङ्क्रमणपाखे सीपिनिगु शवया व्यवस्थापनय् खटे जुइपि सुरक्षाकर्मी, स्थानीय तहय् ज्यायाइपि फोहोर व्यवस्थापन व सरसफाइकर्मीपिन्त बिइ ।

न्हापागु खोप बिइ धुका लच्छि महिना वा प्यला लिपा निक्वःगु मात्रा बिइ धका मन्त्रालयया प्रवक्ता डा गौतम धाःगु खः । खोप बिइ शुरु जगु छवाः लिपा हे दक्को खोप बिइगु धका मन्त्रालयं यायेगु तयारी दु ।