प्रतिनिधिसभा विघटनविरुद्धया रिटय् सर्वोच्च अदालतं अन्तरिम आदेश बिइत अस्वीकार याःगु दु। सं

सद विघटनविरुद्ध बिःगु १२ गु रिटय् बुधवाः प्रधान न्यायाधीश चोलेन्द्रशम्शेर जबराया इजलासय् सुनुवाई याःगु खः । इजलासय् दक्को रिटय् संवैधानिक इजलासपाखे सुनुवाई यायेगु कथं आदेश छ्वःगु दु। तर संसद विघटनया पलाः रोके यायेगु कथं अन्तरिम आदेश बिइत अस्वीकार याःगु खः ।

आः दक्को रिटय् शुक्रवाः संवैधानिक इजलासय् सुनुवाई जुइ। प्रधानमन्त्री केपी शर्मा ओलीं प्रतिनिधिसभा विघटन यायेग् सिफारिस व राष्ट्रपति विद्यादेवी भण्डारीं स्वीकृति बिःगु असंवैधानिक धाःसे सत्तारुढ नेपाल कम्युनिस्ट पाटीया सांसदपि देव गुरुङ, कृष्णभक्त पोखरेल, शशी श्रेष्ठ व रामकुमारी झाँक्रीपिन्स रिट बिइगु लागि सर्वोच्च अदालत वःगु खः।

थौं बुधवाः कञ्चनकृष्ण न्यौपाने, समृत खरेल, लोकेन्द्र केसी, ज्ञानेन्द्रराज आरण शालिकराम सापकोटा, कमलबहादुर खत्री, मनिराम उपाध्याय, दिनेश त्रिपाठी, अनिता गौतम पौडेल, दीपक राई व तुलसी शिंखडापिन्स न रिट दायर याःगु खः। उगु बहसय् शम्भु थापा, हरिहर दाहाल, कृष्णप्रसाद भण्डारी, गोविन्द बन्दी लगायतपिन्स प्रधानमन्त्रीयात संसद विघटन यायेगु अधिकार दु धका धाःसे अन्तरिम आदेशया माग याःगु खः।

रिट निवेदकपिनिगु पाखे बहस न्यय्ने धुका प्रधानन्यायाधीश जबरां दक्को रिटयात संवैधानिक इजलासय् छ्वय्गु निर्णय याःगु खः।

छापावाला लुँ म्हिगः मंगलवाः प्रतिया ९४ हजार ९०० थ्यःगु खःसा थौं गुसः क्वहा वया ९४ हजार कायम जूगु दु धका नेपाल सुनचाँदी व्यवसायी महासंघं धाःग् दु।

अथेहे तेजाबी लुँ ९३ हजार ५०० न कारोवार जुगु दु।

अथेहे वहः तोलां न्यय्तका क्वहा वःगु दु।

थौं न्यय्तका क्वहावयाः १२६५ थ्यःगु दु धका महासंघ धाःगु दु।

संघीय राजधानी येँ महानगरपालिका व जुम्लाया चन्दननाथ नगरपालिका दथुइ भगिनी सम्बन्ध स्थापना जूगु दु। जुम्लाया उद्योग बाणिज्य महासंघया हलय् निगु नगर दथुइ भगिनी सम्बन्ध स्थापना जूग दु।

निगु नगर दथुइ भगिनी सम्बन्ध स्थापना जुगु लिपा उगु नगरपालिकाया वडा–३ य् धिमी पार्क निर्माणया लागि साझेदारी ज्याझ्वलय् सम्झौतापत्रय् ल्हाचिं तयेगु ज्या जूगु खः। पर्या–पर्यटन नाप धार्मिक पर्यटनया लागि निर्माण जूगु उगु पार्कया लागि येँ महानगरपालिकां आर्थिक वर्ष २०७७÷०७८ य् स्वीकृत बजेटपाखे १ करोड ५० लाख बिइगु घोषणा याःगु खः। उ

गु सम्झौतापत्रय् येँ महानगरपालिकाया मेयर विद्या सुन्दर शाक्य व चन्दननाथ नगरपालिकाया प्रमुख कान्तिका सेजुवाल दथुइ ल्हाचिं तयादीगु खः। ल्हाचिं तये धुका सम्वोधनय् येँ महानगरपालिकाया मेयर शाक्यं एकताय् अनेकता मजुतले अनेकताका दथुइ एकता मालेगु उदेश्यं थःगु देय् या नगर दुने हे नगर–नगर साझेदारी ज्याझ्वःयाना वनेमाः धका धयादीगु खः ।

‘निगु नगरपालिका दथुइ भगिनी सम्बन्ध स्थापना यासे हितैषी व मैत्रीपूर्ण सम्बन्धपाखे संस्थागत प्रणालीयात अझ वांलाक्क थःपिनिगु हित व सहकार्ययात प्राथमिकता बिइगु, असल अभ्यास व अनुभव आदन–प्रदान यासे स्थानीय स्वायत्व शासन, स्वशासन व समृद्ध नगर निर्माणया अभियानय् थःगु समन्वय, साझा प्रयत्न व सहकार्य यायेगु उदेश्यं थुगु सम्बन्ध स्थापना याये त्यनागु खः,’ शाक्य धयादीगु दु, ‘थुगु सम्बन्धं संस्थागत सबलता व सुदृढिकरणय् सहकार्य, वालाःगु अभ्यास नाप सफल अनुभवया आदन–प्रदान, स्थानीय पर्यटन प्रवद्र्धन, प्रकृति प्रर्यावरणया संरक्षण, स्थानीय सुशासनय् सहकार्य, साझेदारीया लागि थुगु ग्वाहालि जुइगु भलसा कयादीगु खः।’

मेयर शाक्यं स्थानीय उत्पादन तथा बजार व्यवस्थापनय् सहकार्य यायेत, मानवीय नगर दयेकेगु सहकार्य यायेत, थःगु हितया लागि अध्ययन व अवलोकन यायेत न थुगु सम्बन्धं ग्वाहालि जुइगु भलसा कयादीगु खः। ‘भगिनी सम्बन्धपाखे झीगु सम्पदा व पर्यटनयात स्वाइगु धका धयादीगु खः,’ वयकल धयादीगु, ‘जुम्ला ऐतिहासिक थाय्, थ्व जिल्लाय् सिंजा नेपाली खस भाषाया उत्पति जूगु थाय् या रुपय् म्हसिका दगु थाय् खः धका धयादीगु खः।

ज्याझ्वलय् चन्दननाथया मेयर सेजुवालं निगु नगर िदथुइ सम्बन्ध स्थापना जूगु लसताया खँ जुगु धका धयादीसे वइगु दिं मतया व्यवस्थापन, सडक व भौतिक पूर्वाधार निर्माण, पर्यटन मार्ग निर्माण लगायतया लागि न सहकार्य याये फइ धका धयादीगु खः। चन्दननाथ बाबाया नामं प्रख्यात जुम्लाया चन्दननाथ नगरपालिका पर्यटकीय हिसावं तसक महत्वपूर्ण दुगु  धका धयादीसे येँ महानगरपालिकाया सहकार्यय् निर्माण जुइगु पार्क निर्धारित इलय् ज्या क्वचायकेगु प्रतिवद्धता व्यक्त यानादीगु खः।

नेकपाया पुष्पकमल दाहाल, माधव नेपाल समूहया केन्द्रीय कमिटी बैठकं पार्टीया अध्यक्षय् माधव नेपालया नामय् पारित याःगु दु।

बैठकय् वरिष्ठ नेता झलनाथ खनालं स्थायी कमिटीं निर्णय कथं नेता नेपालय् नां अध्यक्षया रुपय् प्रस्ताव याःगु खः।

थौं च्वंगु समूहया स्थायी कमिटीया बैठकं नेपालयात केपी ओलीया थासय् अध्यक्ष दयेमेगु प्रस्ताव केन्द्रीय कमिटीइ यकेगु निर्णय याःगु खः।

केन्द्रीय कमिटीया बैठकं केपी ओलीया कारबाही यायेगु अध्यक्षपाखे नां लिकायेगु निर्णय यायेवं नेपालयात अध्यक्ष दयेकेगु प्रस्ताव पारित याःगु खः।

सरकारं बेलायत वइपिन्त नेपाल दुहावइपिन्त रोके यायेगु निर्णय याःगु दु।

बेलायतय् कोरोना भाइरसया स्वरूप ह्यिलेवं संक्रमण अप्वो जुया वःगुलि मंगलवाः बहनि निसे कोभिड नियन्त्रणसम्बन्धी उच्चस्तरीय निर्देशक समितिया बैठकं बेलायतपाखे नेपाल वइपिन्त दुहावयेगुलि रोके यायेगु निर्णय याःगु दु ।

लन्डनय् हिथ्रो विमानस्थलया पार्किङ यायेत तया तःपि भर्जिन एअरलाइन्सया वैज्ञानिकपिन्स बेलायतय् कोरोना भाइरसया स्वरूप ह्यूपाः वःगुलि यक्को फैलै जुया वःगु धका बेलायती प्रधानमन्त्री बोरिस जोन्सनया धाःगु खः।

आइतवाः निसे डिसेम्बर लिपा तक टियर फोरय् न्हुगु प्रतिबन्ध लागू यायेगु घोषणा याःगु खः। अथेहे, निर्देशक समितिं बेलायतबाहेक मेगु देय् पाखे बेलायतय् ट्रान्जिट जूया नेपाः वइपिन्त तक रोके यायेगु निर्णय याःगु दु।