Display Style:
Column Style
चिनियाँ कम्युनिष्ट उपमन्त्री गुओ येचौ थौं येँ वइगु
लहानान्युज | थिंलाथ्व त्रयोदशी ११४० पुस १२ आइतवाःब
चिनियाँ कम्युनिष्ट पाटी अन्तर्राष्ट्रिय विभागया उपमन्त्रीसहितया टोली थौं नेपाः वये त्यःगु दु।
नेपाल कम्युनिष्ट पार्टी नेकपाया राजनीतिक संकट वःगु इलय् चिनियाँ कम्युनिष्ट पाटी अन्तर्राष्ट्रिय विभागया उपमन्त्री गुओ येचौया नेतृत्वया टोली थौं येँ वयेत्यःगु खः।
उगु टोली बेइजिङपाखे छङ्तुया लँ जुया थौं न्हिनय् येँ वइगु ज्याझ्वः दु। तर भ्रमणबारे चिनियाँ दूतावास व नेपाल सरकार धाःसा छु न जानकारी बिःगु मदु। उपमन्त्री गुओसहित प्यम्हसिया नेकपाया शीर्ष नेतापि नाप लायेत वयेत्यःगु खः। नेकपाय् विभाजन वयेवं चिनियाँ कम्युनिष्ट पार्टी च्यूता कया स्वयाच्वंगु दु।
नेकपा विभाजन लिपा थ्व स्वया न्ह्यः चिनियाँ राजदूत होउ यान्छी न राष्ट्रपति, प्रधानमन्त्रीया नाप नेकपाया शीर्ष नेतापिन्त नापलाःगु खः ।
८४० म्ह कोरोना संक्रमितपि डिस्चार्ज,स्वम्ह मन्त
लहनान्युज | थिंलाथ्व द्धादशी ११४० पुस ११ सनिवाः
वःगु २४ घण्टाया दुने ८४० म्ह कोरोना संक्रमितपि डिस्चार्ज जुया छेँ लिहावःगु दु ।
थ्व नाप आःतक २ लाख ४९ हजार १३२ म्ह डिस्चार्ज जुया छेँय् लिहावःगु दु। देय्न्यक सक्रिय संक्रमितपि आःतक ६ हजार ७४९ म्ह दु।
मन्त्रालयया कथं अःतक पीसीआर विधिपाखे १९ लाख ५ हजार ८२६म्हेसिगु परीक्षण याये धुकुगु दु। २४ घण्टाय् जम्मा ५ हजार ४३४ म्हेसिगु पीसीआर परीक्षण याःगु दु।
क्वारेन्टाइनय् च्वनाच्वपि ३६९ म्ह दु । कोरोना संक्रमणं २४ घण्टाय् थप स्वम्ह सी धुकुगु दु। थ्व नाप आःतक कोरोना संक्रमणािखे सीपि १ हजार ८१९ म्ह थ्यःगु दु।
देयन्यक ५०० म्ह कोरोना सक्रमित
लहनान्युज | थिंलाथ्व द्धादशी ११४० पुस ११ सनिवाः
वःगु २४ घण्टाय् थप ५०० म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
संक्रमण पुष्टि जूपि मध्ये मिसापि २१३ म्ह व २८७ म्ह मिजंपि खः।
थ्व नाप आःतक नेपालय् २ लाख ५७ हजार ७०० म्ह संक्रमितपि थ्यःगु दु।
राष्ट्रिय सभाया हिउँदे अधिवेशन पुस १७ गते
लहनान्युज | थिंलाथ्व द्धादशी ११४० पुस ११ सनिवाः
मन्त्रिपरिषदया शुक्रवाः बहनि च्वंगु बैठकं संघीय संसद् राष्ट्रिय सभाया हिउँदे अधिवेशन सःतिगु लागि राष्ट्रपतियात सिफारिस यायेगु निर्णय याःगु दु।
स्वास्थ्य तथा जनसंख्यामन्त्री हृदयेश त्रिपाठी न राष्ट्रिय सभाया हिउँदे अधिवेशन सःनिगु निर्णय मन्त्रिपरिषदं याःगु दु धका धाःगु दु । मन्त्री त्रिपाठीं बिःगु जानकारी कथं राष्ट्रिय सभाया हिउँदे अधिवेशन पुस १७ गतेया लागि आह्वान यायेत राष्ट्रपतियात सिफारिस याःगु दु। मन्त्रिपरिषदया बैठक शुक्रवाः बहनि ९ः३० बजे लिपा च्वंगु खः।
प्रधानमन्त्रीकेपी शर्मा ओलीं म्हिगः शुक्रवाः ७ बजे लिप च्याम्ह मन्त्री व छम्ह राज्यमन्त्री थपे याःगु खः । संसदया निगु अधिवेशनया दथुइया ई खुला स्वया अप्वो जुइ मजुगु संवैधानिक व्यवस्था कथं पुस १७ गतेनिसे च्वनेगु कथं राष्ट्रिय सभाया अधिवेशन आह्वान याःगु खः ।
संघीय संसदया थ्व स्वया न्ह्यःया अधिवशेन असार १८ गते प्रधानमन्त्रीया सिफारिसय् राष्ट्रपतिं अन्त्य याःगु खः।
३२ गु संस्था संसद विघटनया विरोध
लहनान्युज | थिंलाथ्व द्धादशी ११४० पुस ११ सनिवाः
थीथी सामाजिक व नागरिक संघ, संस्थापिन्स संसद विघटनया विरोध याःगु दु ।
थौं सनिवाः थीथी ३२ गु संस्थाया प्रमुख व प्रतिनिधिपिन्स मंकाः विज्ञप्ति जारी यासे सत्तारुढ राजनीतिक दलया आन्तरिक कलह व शक्ति संघर्षया सिकार संसदयात दयेके मज्यु धका धाःगु दु।
असंवैधानिक रुपं संसद विघटन याःगु लोकतन्त्रया मूल्य, मान्यता व प्रतिपादित सिद्धान्तविपरीत जूगु धका धाःसे उमिसं थज्यागु हस्तक्षेप स्वीकार्य मजुगु धका धाःगु खः।
नाप संसद विघटन लिपा आम नागरिक व दलपि दथुइ दुरी अप्वोगुलि राजनीतिक अस्थिरता वये फइ धका धाःसे संघ संस्थापिन्स तत्काल दलपि दथुइ सार्थक वार्ता याना संविधानया जगय् दना निकास मालेत इनाप याःगु दु।
विज्ञप्ति जारी याःपि संघसंस्था थुकथं दु
डा. गोपाल कृष्ण सिवाकोटी, अध्यक्ष, ईन्हुरेड इन्टरनेशन
श्री भवानी प्रसाद खरेल, अध्यक्ष, राष्ट्रिय मानव अधिकार प्रतिष्ठान
डा. कपिल श्रेष्ठ, मानव अधिकारकर्मी
श्री चरण प्रसाई, जवाफदेहिता निगरानी समिति नेपाल
श्री तारानाथ दाहाल, अध्यक्ष, सूचनाको हकको लागि नागरिक अभियान
श्री हरिबिनोद अधिकारी, अध्यक्ष, फ्रिडम फोरम
प्रोफेसर डा. तारा प्रसाद सापकोटा
श्री शोभाकर बुढाथोकी, मानव अधिकारकर्मी तथा द्वन्द्व बिशेषज्ञ
श्री शान्ता लक्ष्मी श्रेष्ठ, लैंगिक तथा मानव अधिकारमकर्मी
श्री नरेन्द्र खतिवडा, अध्यक्ष, युथ एडभोकेसी नेपाल
श्री दयासागर श्रेष्ठ, अध्यक्ष, दिगो विकासको लागि राष्ट्रिय अभियान नेपाल
श्री जगदिश ऐर, अध्यक्ष, आयोन नेपाल
श्री भवानी लोहोरुङ अध्यक्ष, आदिवासी तथा जनजाति गैरसरकारी संस्था महासंघ नेपाल
श्री दिल्लु प्रसाद घिमिरे, सचिव, गैरसरकारी संस्था महासंघ नेपाल तथा महासचिव, जलवायु परिवर्तन महासंघ
श्री मुकुन्द दाहाल, अध्यक्ष, NAIDP नेपाल
श्री त्रिलोक चन्द विश्वास वि.क., नेपाल राष्ट्रिय दलित समाज कल्याण संघ
श्री रबिन्द्र नाथ ठाकुर, अध्यक्ष, मधेस मानव अधिकार होम, (Mahuri-Home)
श्री संजोक ठकुरी, अध्यक्ष, हामी दाजुभाई
श्री सुमन खड्का, प्रमुख कार्यकारी अधिकृत, Youth Initiative Nepal
श्री कृष्ण तामाङ्ग, सामाजिक अभियन्ता
श्री भुपेन्द्र घिमिरे, संस्थापक अध्यक्ष, Volunteers Initiative Nepal (VIN)
श्री बिष्णु कुँवर, ग्रामीण विकास फाउण्डेशन जनकपुर
श्री सि.एम. गुरागाई, अध्यक्ष, DEFAN उदयपुर
श्री शोभा IWL नेपाल
श्री महेन्द्र खनाल, मानव अधिकारकर्मी तथा अधिवक्ता, कपिलबस्तु
अध्यक्ष, सामाजिक न्याय मञ्च सुनसरी
श्री सुभलाल राई, अध्यक्ष, किरात युवा समाज
श्री निर्मला राई, अध्यक्ष, किरात चाम्लिङ भाषा संस्कृति उत्थान संघ
श्री हिरन राई, अध्यक्ष, किरात युवा संघ
श्री मुना थापा, अध्यक्ष, क्रियाशिल समाज, नेपाल
श्री वर्ष राई, अध्यक्ष जनएकता युवा समाज
श्री विर्सना राई अध्यक्ष, किरात चाम्लिङ विद्यार्थी संघ
