नेपाल भ्रमणय् वम्ह चिनियाँ टोली राष्ट्रपति कार्यालय, शितलनिवास वःगु दु ।

छु ई न्ह्य जक चिनियाँ कम्युनिष्ट पाटीया अन्तर्राष्ट्रिय विभागया उपमन्त्री गुओ येचौ नेतृत्वय् प्यम्ह सदस्यीय टोली शितल निवास दुहा वःगु दु ।

उगु टोलीं राष्ट्रपति विद्यादेवी भण्डारीया थाय् नेपाल भ्रमणय् वःपि चिनियाँ टोली राष्ट्रपति कार्यालय, शितलनिवास थ्यःगु खः। उगु टोलीं राष्ट्रपति विद्यादेवी भण्डारी नाप भेटवार्ता यायेगु ज्याझ्वः दुगु खः । थौं आइतवाः न्हिनय् एयर चाइनाया विमानपाखे नेपाः वःगु खः।

उगु टोली राष्ट्रपति भण्डारीलिपा प्रधानमन्त्री केपी शर्मा ओली, नेकपा प्रचण्ड–माधव समूहया अध्यक्षपि पुष्पकमल दाहाल प्रचण्ड व माधव नेपाल, जनता समाजवादी पार्टीया संघीय परिषद् अध्यक्ष डा. बाबुराम भट्टराई लगायतपिन्त नापलायेगु ज्याझ्वः जुगु दु।

चि बाखंमि सुरेन्द्रलाल भुजुया चिबाखं मुना सफू ‘हाकूगु सुपाँय सिथय्या जः’ पिदंगु लसताय् चियापान ज्याझ्वः जूगु दु ।

ज्याझ्वलय् साहित्यकार व प्राज्ञ धु्रव मधिकर्मी, नेपाल साहित्य मन्दिरया नायः तिलकप्रकाश, विराट गुथिया नायः महेन्द्रगोपाल कर्माचार्य, दिनेश भुजु, सुधीर ख्वबि, धर्मराज राजकर्णिकार, विमल ताम्राकार, नरेश अमात्य, तुयु पुं, सौरभ, श्याम आशा, हरिगोविन्द भ्वमि, सुलोचना सैंजु, न्हुछेभक्त कवां, रविन्द्र आशीष शैलीलिसेंं थीथी ख्यःया व्यक्तित्वपिनि उपस्थिती दुगु खः।

ज्याझ्वलय् सफूया च्वमि भुजुं पाहांपिंत थःगु चिबाखं सफू देछानादीगु खः । ज्याझ्वलय् साहित्यकार धु्रव मधिकर्मीं सफूति दुथ्याःगु बाख नं समाजया थीथी विषययात उलाब्यूगु धयादिल । विराट गुथिया नायः महेन्द्र गोपाल व सफूया पिकाकः विमल ताम्राकारं च्वमियात भिंतुना बियादिल ।

च्वमिभुजुं समाजय् थम्हं खनागु विषययात बाखंया रुपय् न्ह्यब्वयागु धयादिल । कुतः पिकाक व सिर्जना अभियान समाजया मंकाः ग्वसालय् जूगु ज्याझ्वलय् कोरोनाया हुनिं भौतिक दूरी तयाः चीधंक ज्याझ्वः याय् मागु धाःगु दु । सफूतिइ थीथी समाज व अवस्थायात कयाः च्वया तःगु ४८ पु चिबाखंत दुथ्याः ।

महाकवि गिरिजाप्रसाद जोशीया समालोचना मुना ‘गिरिजाप्रसादया समालोचना’ सफू पितब्वज्या जूगु दु ।

वंगु शनिबाः सक्वय् जूगु ज्याझ्वलय् सफू उलेज्या जूगु खः । कवि राजदास श्रेष्ठ, प्राज्ञ सभाया दुजःध्रुव मधिकर्मी, कुतःपिकाकःया कजि विमल ताम्राकार, कवि नारद बज्राचार्य, बाखंमि ज्ञानीराजा मानन्धर, पत्रकार रत्नकाजि महर्जन, बाखंमि सुरेन्द्रलाल भुजु, ईलोहँ प्रकाशनया कजि नरेशबीर शाक्यं मंकाः कथंया उलेज्या यानादिल ।

ज्याझ्वलय् साहित्यकार ध्रुव मधिकर्मीं नेपालभाषा साहित्यया विकासय् गिरिजाप्रसादं विविध विधाय् च्वसा न्ह्याकाः महत्वपूर्ण योगदान ब्यूगु खँय् बः बियादिल । कवि राजदास श्रेष्ठं गिरिजाप्रसाद बहुमुखी प्रतिभायाधनी खःगु धासें वय्कलं नृत्य, गायनलिसेंया संगीत विधाया विकासय् नं ब्यूगु योगदानयात ल्वःमंके मज्यूगु धयादिल ।

कुतः पिकाकः व सक्व कृषि फार्मया मंकाः ग्वसालय् जूगु ज्याझ्वलय् पिकाकःपाखें साहित्यकार विमल ताम्राकारं महाकवि जोशीया योगदान न्हूगु पुस्तां सीकेबीत वय्कःया बारे च्वया तःगु ‘समालोचकपिनि मिखाय् गिरिजा प्रसाद’ थज्याःगु सफू पिथना वनेगु धयादिल ।

ज्याझ्वलय् नरेशबीर शाक्य, सुरेन्द्रलाल भुजु, नारद बज्राचार्य, ज्ञानीराजा मानन्धर लिसें नं गिरिजाप्रसादया नेपालभाषा साहित्य ख्यलय् योगदानयात कयाः थःथःगु खँ तयादीगु खः । लिसे ंकविपिं धर्मराज राजकर्णिकार, रामेश श्रेष्ठ, प्रकाशमान व लक्ष्मीप्रसाद शाहीलिसें नं हाइकु, कविता लिसें म्ये नं न्यंकादीगु खः ।

सार्वजनिक जूगु सफू ‘गिरिजाप्रसादया समालोचना’ स बाखं, कविता व उपन्यासयात कयाः च्वयातःगु १३ व्यवहारीक, निपु सैद्धान्तिक समालोचना व न्यापु सफूया भूमिका दुथ्याना च्वंगु दु ।

वःगु २४ घण्टाय् ७३१म्ह कोरोना संक्रमणपि डिस्चार्ज जुगु दु। थ्व नाप आःतक २ लाख ४९ हजार ८६३ म्ह थ्यःगु दु।

देयन्यक सक्रिय संक्रमितपिनिगु ल्याः ६ हजार ७४९ म्ह दु।आःतक क्वारेन्टाइनय् च्वनाच्वपि ३६९ म्ह दु।

कोरोना संक्रमणपाखे वःगु २४ घण्टाय् थप खुम्ह सी धुकुग दु।

आःतक कोरोना संक्रमण सीपि १ हजार ८२५ म्ह थ्यःगु दु।

वःगु २४ घण्टाय् जक थौं आइतवाः थप ४८१ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

थ्व नाप आःतक नेपालय् कोरोना संक्रमितपि २ लाख ५८ हजार १८१ म्ह थ्यःगु दु।