नेपाल कम्युनिष्ट पार्टी (नेकपा) या विभाजनय् न्हुगु ट्वीस्ट वःगु दु ।

निर्वाचन आयोगं निगु हे पक्षया मागदावीयात अस्वीकार यासे विभाजनयात मान्यता मबिइगु निर्णय याःगु दु । थौं च्वंगु आयोगया बैठकं उगु निर्णय याःगु धका प्रवक्तां धाःगु दु ।

वयकलं निगु पक्षया मागदावी कथं अभिलेखय् संसोधन, ह्यूपा व हेरफेर जुइगु खने मदु। आयोगय् साविक हे विवरण कायम जुगु जानकारी निगु पक्षयात बिइगु निर्णय जुगु दु।

आयोगया निर्णय लिपा निम्ह अध्यक्ष केपी शर्मा ओली व पुष्पकमल दाहाल (प्रचण्ड) नाप महासचिव विष्णु पौडेल नेकपाया भ्वँतय् नेतृत्वया कायम जुगु दु। ओलीया नेतृत्वय् नेकपा आःतक प्रचण्डयात अध्यक्षपाखे हटे याःगु मदुनि । प्रचण्ड–माधव पक्षं ओलीयात साधारण सदस्यपाखे तक हटे यायेगु निर्णय थौ याःगु खः।

तर, निर्वाचन आयोगं निर्णय न निगु पक्ष न्ह्यने न्हगु अन्योल वःगु दु। प्रधानमन्त्री केपी शर्मा ओलीं संसद विघटन यागु लिपा नेकपाया विभाजन खनेदगु खः ।

‘न्युज २४’ नं ‘सिधा कुरा जनतासँग’ ज्याझ्वः नियमित रुप हे प्रसारण जारी याःगु दु ।

रवि लामिछाने टेलिभिजनपाखे न्ह्याका वयाच्वंगु थुगु ज्याझ्वः लामिछाने पिहा वनेवं टेलिभिजन हे वैकिल्पक प्रस्तोतापाखे ज्याझ्वः नियमित रुपं प्रसारण याःगु दु।

तर, लामिछाने नं छु ई लिपा परिस्कृत सोच व स्वरुपय् पुनः ज्याझ्वः यायेगु धका न्ववाःगु खः। लामिछाने व टेलिभिजनया दावी न याना ‘न्युज २४’ व लामिछाने दथुइ ज्याझ्वःयो स्वामित्व कया विवाद जुगु खः 

करिब न्यादँ ‘न्युज २४’ य् ज्याझ्वः न्ह्याकावया च्वम्ह लामिछाने न ज्याझ्वः थःगु बौद्धिक सम्पत्तिया रुपय् दावी यासाः टेलिभिजन धाःसा लामिछाने ज्याझ्वः न्ह्याकामि जक खः धका धाःगु खः ।

प्रदेश १ या मुख्यमन्त्री शेरधन राईयां थौं इहिपा जुगु दु ।

ज्यांग्मु शेर्पालिसे राई नं परम्परागत संस्कार कथं इहिपा जुगु खः । मुख्यमन्त्री राई ५० दँ थ्यंगु दुसा शेर्पा २० दँ दुम्ह । शेर्पा सन् २०१८ या मिस मंगोल न खः ।

मुख्यमन्त्री राईया भम्चा शेर्पा ११ दँया उमेरय् हे मिस किड क्वनी नेपालय् ब्वति काःम्ह खः । संखुवासभा स्थायी छेँ दुम्ह शेर्पा येँय् च्वनाः वयाच्वंगु दु ।

शेर्पा मोडलिंग व म्युजिक भिडियोस नं सक्रिय जुयाच्वंम्ह खः ।

नेपालय् कोरोना भाइरस सङ्क्रमणपाखे सीपिनिगु ल्याः निद्धः स्वया अप्वो जुइ धुकुगु दु ।

वःगुे २४ घण्टाय् कोरोना सङ्क्रमणपाखे थप न्ह्यम्ह सीगु दु । थ्व नाप आःतक कोरोना भाइरसपाखे सीपि २००१ म्ह थ्यःगु दु धका स्वास्थ्य तथा जनसङ्ख्या मन्त्रालयं धाःगु दु।

अथेहे वःगु २४ घण्टाय् थप २७० म्हेसित सङ्क्रमण पुष्टि जुगु दु । थ्व नाप नेपालय् कोरोना भाइरसया सङ्क्रमण पुष्टि जूपि निगु लाख ६९ हजार ४५० म्ह थ्यःगु दु ।

वःगु २४ घण्टाय् प्यसः व स्वम्ह कोरोनामुक्त जुगु दु। थ्व नाप कोरोना सङ्क्रमणमुक्त जूपि निगु लाख ६४ हजार १३७ म्ह थ्यःगु दु।