वःगु २४ घण्टाय् कोरोना भाइरस संक्रमणमुक्त जूपि १०७९ म्ह थ्यःगु दु ।

थ्व नाप आःतक संक्रमणमुक्त जूपि २ लाख ४४ हजार ७४३ म्ह थ्यःगु दु।

आःतक सक्रिय संक्रमितपि ७९७६म्ह थ्यःग् दु। वःगु २४ घण्टाय् कोरोना भाइरस संक्रमितपि न्ह्यम्ह सीगु दु ।

थ्व नाप आःतक १७९५म्ह सी धुकुगु दु धका स्वास्थ्य तथा जनसंख्या मन्त्रालयं धाःगु दु।

वःगु २४ घण्टाय् थप ७४२ म्हेसित कोरोना भाइरस संक्रमण जूगु दु।

स्वास्थ्य तथा जनसंख्या मन्त्रालयया कथं ६३५१ म्हेसित परीक्षण याःगुलि ४४८ मिजंम्ह व मिसापि २९४ म्ह याना ७४२ म्ह संक्रमण पुष्टि जूगु दु ।

थ्व नाप आःतक नेपालय् कोरोना भाइरस संक्रमित जूपि २ लाख ५४ हजार ५१४ म्ह थ्यःगु दु।

सत्तारुढ नेकपा निम्ह अध्यक्ष केपी शर्मा ओली व पुष्पकमल दाहाल दथुइ स्पष्ट जुगु दु।

निम्ह नेतां थःथःगु पक्षया नेतापिनिगुस्पष्ट चित्र प्रस्तुत याये धुकुगु दु। सोमवाः सुथय् प्रधानमन्त्री निवास बालुवाटारय् ओली पक्षं भेला सःतूगु खः।

उगु भेलाय् गृहमन्त्री रामबहादुर थापां ब्बति मकाः । अथेहे सोमवाः न्हिनय् दाहाल व वरिष्ठ नेता माधव नेपाल समूहया दथुइ न्हुगु बानेश्वरय् थःथःगु समूहया भेलां विघटित प्रतिनिधिसभाया सदस्यपिनिगु हस्ताक्षर संकलन याःगु खः। उगु भेलाय् उपाध्यक्ष नाप सचिवालय सदस्य वामदेव गौतम न उपस्थित मजु।

संसद विघटन प्रधानमन्त्रीया पलाःया विरोधय् विज्ञप्ति पिकाम्ह गौतमं उगु भेलाय् उपस्थित जुइगु अनुमान याःगु खः।

तर गृहमन्त्री रामबहादुर थापा थे गौतम न उगु भेलामा उपस्थित मजु। थापा व गौतम निगु हे भेलाय् ब्बति काःगु मदु।

ब्लड डोनर्सएशोसिएसन नेपाल (ब्लोदान) केन्द्रया आह्वानय् सर्वहित नेपालं ग्वसाः ग्वःया छगु हिंदान ज्याझ्वः जुगु दु ।

उगु ज्याझ्वः जागरुक युवा समाज, ब्लोदान काठमाडौं, ब्लोदान काठमाडौं मध्य क्षेत्र सह आयोजनाय् जुगु खः ।

ज्याझ्वलय् संघीय सांसद जीवनराम श्रेष्ठं ब्लड ब्याग बियाः हिदान ज्याझ्वः न्ह्याकूगु उगु ज्याझ्वलय् रक्त संकलन ज्या रक्तसञ्चार केन्द्र सोल्टीमोडपाखें जूगु खःसा संयोजन राजीव श्रेष्ठ यानादीगु खः। 

प्रधानमन्त्री व नेकपा अध्यक्ष केपी शर्मा ओलीं सरकारयात प्यख्यः घेराबन्दी याःगुलि प्रतिनिधिसभा विघटन याये माःगु धका धयादीगु खः ।

थौं सोमवाः न्हिनय् देशवासीया नामय् सम्बोधन यासे सरकारं याःगु गुलि न प्रस्तावय् संसदय् छलफल याके मबिइगुलि प्रतिनिधिसभा विघटन यानागु धका दाबी यानादीगु खः। वयकलं सम्बोधनया झ्वलय्, ‘वःगु छु महिनानिसे सरकारयात गज्यागु घेराबन्दी याःगु खः छिकपिन्स स्यू ह खः। प्रधानमन्त्रीविरुद्ध अविश्वासया प्रस्ताव दर्ता यायेगु कुतः जुल, पार्टी अध्यक्ष नाप संसदीय दलया नेतायात खवर हे मयासे संसद् अधिवेशन सनिगु ज्या जुल।

लिपुलेक, कालापानी व लिम्पियाधुरा सहितया नक्सा प्रकाशन लगायतया यक्को राष्ट्रवादी ज्या जुल तक सरकारयात घेराबन्दी यायेगु विडम्बणापूर्ण खः धका धयादीगु खः। वयकलं सत्तापक्षया हे गुलि नेता प्रतिपक्ष दलया नेता स्वया अप्वो आक्रामक रुपं पिहवःगु आरोप बियादीगु खः।

प्रधानमन्त्री ओलीं प्रधानमन्त्री जुइगु तयारीइ दुगु पार्टीया नेता व प्रतिपक्ष दलयात न्हुगु निर्वाचनं थःगु लोकप्रियता मापनया लागि ग्वाहालि जुइगु दाबी यानादीगु खः ।