नेपाली सेनां अवकाशप्राप्त सैनिक स्वास्थ्यकर्मीपिन्त सेवाय् लिहा वयेत तयार जुयाच्वनेत निर्देशन बिगु दु।

प्रधानसेनापति पूर्णचन्द्र थापाया अध्यक्षताय् च्वंगु विशेष बैठकं २०७२ साल लिपा नेपाली सेनाय् स्वास्थ्य सेवापाखे अवकाश जूपि स्वास्थ्यकर्मीपिन्त मागु इलय् सःत्येफुगुलि तयारी जुयाच्वनेत निर्देशन जारी यागु दु।

लिपागु इलय् कोरोना संक्रमितपिनिगु ल्याः तसकं अप्वाया वंगुलि सेनां अवकाश काय धुकुपि स्वास्थ्यकर्मीपिन्त तयारी अवस्थाय् च्वनेत धागु दु।

बुधवाः सेयर कारोबार मापक नेप्से परिसूचक ५ दशमलव ०९ अंकं घटे जुया २ हजार ६ सय ४९ दशमलव ६० अंकय् कुहावंगु दु ।

उखे क वगया कम्पनीया कारोबार मापन याइगु सेन्सेटिभ इन्डेक्स न १.६३ अंकं घटे जुगु दु। कारोबार रकम ६ अर्ब स्वया अप्वोगु दु ।

न्हिच्छि यक जुगु ७८ हजार ७ सय ७१ कारोबारपाखे १ करोड ४८ लाख ६७ हजार ९ सय ९५ कित्ता सेयर किनबेच जुया कारोबार रकम ६ अर्ब २१ करोड ६८ लाख १४ हजार ३ सय १३ रुपैयाँ थ्यंगु दु ।

लगातार भाः थहा वना च्वंगु विशाल बजार कम्पनी व महिला लघुवित्तया सेयर भाः थौं न करिब १० प्रतिशत थहा वंगु दु ।

मेगु रैराङ हाइड्रोपावरया सेयरया भाः थौं न १० प्रतिशत थहा वंगु दु।

बाँकेय् कोरोना भाइरस संक्रमण पुष्टि जुपि मध्ये बुधवाः जक २९३ म्ह संक्रमुक्त जुगु दु ।

बाँकेय् कोरोना फोकल पर्सन तेज ओलीया कथं १२३ म्ह मिसा व १७० म्ह मिजं नाप जम्मा २९३ म्ह संक्रमुतm जुगु धका धागु दु।

थ्व स्वया न्ह्यः मंगलवाः जक बाँकेय् ३४२ म्ह संक्रमुतm जुगु खः ।

भारतं निवाः लिपा उडानपाखे नेपाल लिहा वइपि यात्रुपिन्त च्यागु होटेलय् क्वारेन्टिन तोके यागु दु।

संस्कृति, पर्यटन तथा नागरिक उड्डयन मन्त्रालयया कथं भारतपाखे वइपि हवाई यात्रुपि गोदावरीया भ्यू भृकुटी, गुहेश्वरीया माधव होटेल, एयरर्पोटया एयरर्पोट होटेल, गौसालाया अमादब्लम होटेल, गौशालाया रिडर्स इन, गौशालाया आनन्द आश्रम, जगातीया फार्म हाउस रिर्सोट व जगाती ए–वान रिर्सोटयात होटेल क्वारेन्टिनया रुपय् तोके यागु खः ।

उगु होटेलय् १० निसे ९१ कोठा तक उपलब्ध याना तगु दु । मन्त्रालयया कथं उगु होटेलं यात्रुपिन्त विमानस्थलपाखे होटेल हया  नयेगु द्यनेगु सुविधा बिइ। मूल्यअभिवृद्धि कर व सेवा शूल्क नाप छम्हेसिया ३ हजार रुपैयाँ तक शूल्क काये दइ कथं होटेल तोके यागु खः। यात्रु अनिवार्य १० दिं क्वारेन्टिन च्वने मागु ब्यवस्था सरकारंभारतं लिहा वइपि यात्र निवाः अनिवार्य क्वारेन्टिनय् भारतं निवाः लिपा उडानपाखे नेपाल लिहा वइपि यात्रुपिन्त च्यागु होटेलय् क्वारेन्टिन तोके यागु दु।

संस्कृति, पर्यटन तथा नागरिक उड्डयन मन्त्रालयया कथं भारतपाखे वइपि हवाई यात्रुपि गोदावरीया भ्यू भृकुटी, गुहेश्वरीया माधव होटेल, एयरर्पोटया एयरर्पोट होटेल, गौसालाया अमादब्लम होटेल, गौशालाया रिडर्स इन, गौशालाया आनन्द आश्रम, जगातीया फार्म हाउस रिर्सोट व जगाती ए–वान रिर्सोटयात होटेल क्वारेन्टिनया रुपय् तोके यागु खः । उगु होटेलय् १० निसे ९१ कोठा तक उपलब्ध याना तगु दु ।

मन्त्रालयया कथं उगु होटेलं यात्रुपिन्त विमानस्थलपाखे होटेल हया  नयेगु द्यनेगु सुविधा बिइ। मूल्यअभिवृद्धि कर व सेवा शूल्क नाप छम्हेसिया ३ हजार रुपैयाँ तक शूल्क काये दइ कथं होटेल तोके यागु खः। यात्रु अनिवार्य १० दिं क्वारेन्टिन च्वने मागु ब्यवस्था सरकारं यागु खः ।

चितवनय् थप १३० म्हेसित कोरोना संक्रमण पुष्टि जुगु दु ।

भरतपुर अस्पतालय् २२४ म्हेसिगु नमुना परीक्षण यागुलि जिल्लायकं १०१ म्ह व पिने जिल्लाया २९ म्ह याना १३० म्हेसित संक्रमण खनेदुगु धका भरतपुर कोभिड प्रयोगशालां धागु दु।