पूर्वप्रधानमन्त्री नाप नेकपाया वरिष्ठ नेता माधवकुमार नेपालं प्रधानमन्त्री ओलीं संसद विघटन याःगु पलाःयात असंवैधानिक नाप लोकतन्त्रविरोधी खः धका धाःगु दु।

थौं आइतवाः सुथय् च्वंगु मन्त्रिपरिषद् बैठकं संसद भंग यायेत राष्ट्रपतिसमक्ष सिफारिस यागु नेता नेपालं असंवैधानिक नाप लोकतन्त्रविरोधी खः धका धाःगु खः।

संसद विघटन याये दइ मखु थ्व असंवैधासनिक पलाः खः धका धाःगु खः । वयकलं पार्टी दुने अल्पमतय् जुइवं हे संसद बिघटन याये मज्यु धका धाःग खः।

नेता नेपालं प्रधानमन्त्री ओलीया थुगु पलाः राजनीतिक रूप न थ्व लोकतन्त्रविरोधी व निन्दनीय खः धका धाःगु दु।

जनता समाजवादी पार्टीया नेता नाप पूर्वप्रधानमन्त्री डा. बाबुराम भट्टराई न संसद विघटनया सिफारिस संविधान विपरीत जुगु दु धका धाःगु ।

नाप, डा. भट्टराई थुकियात दक्को मिले जुया प्रतिवाद याये माः धका धाःगु दु ।

प्रधानमन्त्री केपी शर्मा ओली थौं आइतवाः मन्त्रिपरिषदया आकस्मिक बैठक सःता संसद विघटन यायेगु सिफारिस याःगु खः।

राष्ट्रपति विद्यादेवी भण्डारीया राजनीतिक सल्लाहकार लालबाबु यादवं प्रधानमन्त्री न याःगु संसद विघटनया प्रस्ताव रोके याये मज्यू धका धाःगु दु ।

राजनीतिक सल्लाहकार  यादवं राष्ट्रपतिं प्रस्ताव रोके याये मिले मज्यु, अदालतं छु याइ व मेगु विषय खः धका धाःगु दु ।

यादवं संविधानया धारा ७१ कथं संसदीय प्रणालीइ प्रधानमन्त्रीयात संसद विघटन यायेगु अधिकार दु धका धयादीसे कार्यकारी प्रधानमन्त्रीं हःगु प्रस्ताव संवैधानिक राष्ट्रपतिं रोके याये मिले मजु धका धाःगु दु । 

सर्वोच्च अदालत बार एशोसिएसनया अध्यक्षय् वरिष्ठ अधिवक्ता पूर्णमान शाक्य त्याःगु दु।

न्हुगु कार्यसमितिया लागि म्हिगः शनिवाः जुगु निर्वाचनय् प्रगतिशिल समूहया रविनारायण खनालयात पराजित यासे वरिष्ठ अधिवक्ता शाक्य निर्वाचित जूगु खः। प्रगतिशील, पेशागत, देशभक्त व समावेशी कानून व्यवसायी समूह वरिष्ठ अविधक्ता खनाल व वृहत लोकतान्त्रिक समावेशी (मेधेशी, आदिवासी, जनजाती) पेशागत कानून व्यवासायी समूह शाक्यया नेतृत्वय् चुनावी मैदानय् क्वहा वःगु खः ।

कार्यसमितिया पदाधिकारी नाप बहुमत सदस्य लोकतान्त्रिक समूह विजयी जूगु खः । उपाध्यक्षय् धाःसा प्रगतिशिल समूहया मुकुन्द प्रसाद पौडेल, सचिवय् लोकतान्त्रिक समूहया ऋषिराम घिमिरे, सहसचिव शर्मिला श्रेष्ठ व कोषाध्यक्षय् विनोदकुमार कार्की निर्वाचित जूगु खः।

अथेहे, मिसा सदस्यय् अमिता गौतम पौडेल व सदस्यपि अनन्त कार्की, अनन्तराज लुईँटेल, तिलकविक्रम पाण्डे, दिपनारायण शाह, विकास भट्टराई, राजेन्द्र प्रसाद शाह, मिराज श्रेष्ठ, डा. रामहरी त्रिपाठी व निर्मला भण्डारी निर्वाचित जूगु खः।

येँयाःया झ्वलय् कुमारी लिसें रथय् जात्रा यायेमाःम्ह सद्यः भैलःद्यः ह्यूगु दु । थौं कोहिति त्वालय् च्वंम्ह ४ दँया मचा कर्शनव शाक्ययात न्हूम्ह भैलःद्यः (भैरव) कथं प्रतिस्थापन याःगु दु ।

कीर्तिपुण्य महाविहारका शाक्य कुलपुत्र कर्शनवयात थौं परम्परा व विधि कथं सुथसिया ९ः०३ निसें ९ः१६ ताः ईया साइतय् न्हूम्ह भैरवकथं प्रतिस्थापन याःगु खः ।

ज्ञानुप शाक्य व मनिला शाक्यया काय् कर्शनवयात थौं तलेजुया मूल पुजारी उद्धव कर्माचार्यं विधि कथं पूजा यानाः भैलःद्यःया रुपं प्रतिस्थापन यानाद्यूगु खः ।

न्हूम्ह भैलःद्यः जूम्ह कर्शनव वइगु फागुन महिनाय् ४दँ पूवनेत्यंगु दु ।

शाक्य महाविहार संघया पहल १६ बहालय् ब्यूगु सुचंया लिधंसाय् ब्वति काःपिं शाक्य कुलपुत्रपाखें कर्शनव भैलःद्यः जुइत उपयुक्त खनेदयेधुंकाः वयकःयात चयन याःगु खः ।

थ्वयां न्ह्यः, ओमबहाःया रुजन शाक्य भैलःद्यः जुयाच्वनादीगु खः ।

म्हिगः तिनि हे येँयाःया मेम्ह सद्यः गणेशया रुपं पाछैगल्लीइ च्वंच्वनादीम्ह भाष्करदेव संस्कारित केशचन्द्र पारावर्त महाविहारया शाक्य कुलपुत्र रोदिन शाक्य प्रतिस्थापन याःगु खः ।

ई, परिस्थिती व उमेर हदया हुनिं पुलांपिं गनेद्यः व भैलःद्यःयात विदा बियाः न्हूपिं द्यःपिं प्रतिस्थापन यायेमाःगु संघं न्ह्यथंगु दु ।