सिद्धिकाली सिलाई प्रशिक्षण केन्द्रया ग्वसालय् सिलाई प्रशिक्षार्थीपिन्त छगु ज्याझ्वः दथुइ दसीपौं लल्हायेगु ज्याझ्वः जुगु दु।

केन्द्रया अध्यक्ष सुष्मा श्रेष्ठया सभाध्यताय् जुगु उगु ज्याझ्वलय् मध्यपुर थिमि नगरपालिकाया उपमेयर अञ्जनादेवी मधिकर्मी मूपाहाँ कथं झायादीगु खः । वःगु स्वला निसे न्ह्यानाच्वंगु उगु ज्याझ्वलय् मध्यपुर थिमिया मिसापि लेबल १ व २ सिलाई प्रशिक्षण बिःगु खः ।

प्रशिक्षण लेबल १ य् गंगा अवाल व लेबल २ य् तुल्सीकृष्ण श्रेष्ठ व सुष्मा श्रेष्ठ प्रशिक्षण बियादीगु खः। उगु प्रशिक्षणय् ब्बति काःपि ४० म्ह प्रशिक्षार्थी मिसापिन्त मूपाहाँ उपप्रमुख अञ्जनादेवी मधिकर्मी व पूर्व मेयर मदनकुष्ण श्रेष्ठं दसीपाखै लल्हानादीगु खः।

ज्याझ्वलय् प्रशिक्षक तुल्सीकृष्ण श्रेष्ठ, गोरी इन्टरनेशनल टेक्निकल ऐकेडेमी प्रा.लि.या अध्यक्ष राजेन्द्र राउट, मध्यपुर थिमि नपा वडा नं. ४ या वडाध्यक्ष कुमार श्रेष्ठ, पूर्व मेयर मदनकृष्ण श्रेष्ठ व मूपाहाँ उपमेयर मधिकर्मी नुँगः खँ तयादीगु खः। 

शंखधर प्रतिष्ठानया १५ क्वःगु साधारण राष्ट्रिय विभूति शंखधर साख्वाः प्रतिष्ठानया १५ क्वःगु साधारणसभा क्वचाःगु दु।उगु ज्यााझ्वलय् मूपाहा कथं मध्यपुर थिमि नगरपालिकाया मेयर मदनसुन्दर श्रेष्ठ छगु ज्याझ्वः दथुइ उलेज्या यानादीगु खः ।

मेयर श्रेष्ठं प्रतिष्ठानयात संस्थागत विकास यायेत थीथी योजना दयेका न्ह्या वने माःगु खँय् बःबियादीगु खः । प्रतिष्ठानयायत ग्वाहालि व मिले जुया न्ह्यावनेत नगरपालिका न्ह्यावलय् तयार दु धका धयादीगु खः।

वयकलं प्रतिष्ठानयात मध्यपुरया जक मखु राष्ट्रिय अन्तर्राष्ट्रिय स्तर तक वनेमाः धका धयादीगु खः। प्रतिष्ठानका निवर्तमान अध्यक्ष श्यामकृष्ण मानन्धरं लसकुस यानादीगु उगु ज्याझ्वलय प्रतिष्ठानया उपाधक्ष्य ज्ञानराम श्रेष्ठ ज्याझ्वः न्ह्याकादीगु खः।

ज्याझ्वलय् गरिबी निवारण कोषया उपाध्यक्ष निर्मलकुमार भट्टराई, बागमती प्रदेश सांसद जोन्छेलगायत पिन्स भिंतुना न्वचु तयादीगु खः ।

वःगु २४ घण्टाया दुने थप २४० म्हेसित कोरोना भाइरस (कोभिड(१९) या संक्रमण पुष्टि जुगु दु ।

देयन्यकया प्रयोगशालाय् ३ हजार ८१९ नमुना परीक्षण यागुलि ८७ म्ह मिसा व १५३ म्ह मिजंपिन्त संक्रमण पुष्टि जुगु खः।

अथेहे थ्व नाप कुल संक्रमितपि २ लाख ६७ हजार ५६ म्ह थ्यःगु दु। उकि मध्ये २ लाख ६१ हजार ४४ म्ह संक्रमणमुक्त जुगु दु।

आःतक देयन्यक ४ हजार ५८ म्ह संक्रिय संक्रमितपि दु।

उकि मध्ये १६९ म्ह आईसीयू व ३८ म्ह भेन्टिलेटरय् तया उपचार याना वयाच्वंगु दु ।

ललितपुर चेम्बर अफ कमर्श न नेवाः पत्रकार राष्ट्रिय दबूयात छगु ज्याझ्वः दथुइ सम्मान याःगु दु ।

चेम्बर अफ कमर्शया न्हापागु वार्षिक साधारण सभाया लसताय् थौं शनिवाः जुगु ज्याझ्वलय् नेवाः पत्रकार राष्ट्रिय दबूयात संस्थागत रुपं कदरपत्र लल्हाःगु दु। उगु ज्याझ्वलय् नेपाल चेम्बर कमर्शया अध्यक्ष राजेशकाजी श्रेष्ठं पत्रकार राष्ट्रिय दबूया महासचिव सुनील महर्जनयात खादा व अर्थमन्त्री विष्णु पौडेलं हनापौ लल्हानादीगु खः।

महासचिव नेपाल समाचारपत्र राष्ट्रिय दैनिकया सहायक सम्पादक तक जुयादीम्ह खः।

उगु ज्याझ्वलय् सञ्चार क्षेत्रपाखे कमर्श स्थापना नाप आर्थिक समृद्धि, व्यवसायी पिनिग्ु समस्या व हकहितया पक्षय् सञ्चार क्षेत्रं महत्वपूर्ण योगदान याःगुलि नेपाल मण्डल टेलिभिजन, उज्यालो एफएम नेटवर्क व अनलाईन पत्रिकायात कदर पत्र प्रदान लल्हाःगु खः ।

ललितपुर चेम्बर अफ कमर्श नं कोरोना महामारीपाखे प्रभावितपि व्यवसायीपिन्थ थकायेगु लागि मौद्रिक नीति मार्फत सहुलियत बिइगु योजना कार्यान्वयन मजुगुलि अर्थमन्त्रीया ध्यानाकर्षण याःगु दु। चेम्बर अफ कमर्शं थौं शनिवाः न्हापागु वार्षिक साधारणसभामाया अध्यक्ष पुष्परत्न शाक्यं अर्थमन्त्री विष्णु पौडेलयात उगु ध्यानाकर्षण यानादीगु दु।

‘मौद्रिक नीति मार्फत सहुलियत बिइगु निर्णय दस्तावेजय् हे सीमित जुया च्वंगु दु। निर्णय कार्यान्वयन मजुया उगु नीतिपाखे व्यवसायीपिन्स लाभ काये फयाच्वंगु मदुनि।’ धका अध्यक्ष शाक्यं धयादीगु दु। यलय् अन्तरनिहित आर्थिक सम्भावनायात मूर्त रुप बिइत राज्यं ध्यान बिइमाःगुलि अध्यक्ष शाक्यं बःबियादीगु दु । ‘राज्यया ध्यान मवगुलि संस्कृति संरक्षणयात पर्यटन उद्योगनाप मस्वागुलि, हस्तकला शहरया रुपय् विकास यायेत, दक्षिण यलय् कृषि व रोमाञ्चकारी पर्यटकीय गन्तव्य थायया रुपय् विकास यायेगु लगायत सम्भावनापिनिगु मूर्त रुप काये फयाच्वंगु मदुनि ।

उगु ज्याझ्वलय् अर्थमन्त्री पौडेलं चेम्बर अफ कमर्श ल्ह्वःगु विषयय् निरन्तर सहलह याना वयाच्वनगु दु धाःसे देय् या आर्थिक विकासया लागि सहकार्य याना न्ह्यने वनेत सरकार तयार दुगु धकाधयादीगु दु। अर्थमन्त्री पौडेलं छिकपिन्स ल्ह्वनादीगु मुद्दा व न्ह्यसः गम्भीर खः । थुकिया कार्यान्वयनया लागि निरन्तर सहलह याना न्ह्यने वनेत सरकार तयारदु धका धाःगु दु । सहकार्यया लागि अर्थ मन्त्रालयया लुँखा न्ह्यावलय् चाइ धका धयादीगु दु।

ज्याझ्वलय् नेपाल चेम्बर अफ कमर्शया केन्द्रीय अध्यक्ष राजेशकाजी श्रेष्ठं सरकारं समृद्ध नेपाल व सुखी नेपालीया नारा न्ह्यने हःगु कथं शान्ति सुरक्षा, लगानीमैत्री वातावरणया सुनिश्चितता मजुगु व लिपागु पटक कोरोना याना अधिकाशं व्यवसाय धराशायी जुगु दु धका धयादीगु दु। उगु ज्याझ्वलय् राष्ट्रिय उपभोक्ता मञ्चया अध्यक्ष प्रेमलाल महर्जन, प्रमुख जिल्ला अधिकारी ढुण्डीप्रसाद निरौला, वरिष्ठ उपाध्यक्ष निरु थापा, महासचिव सुविन बज्राचार्य लगायतपिन्स चेम्बर अफ कमर्श नं निर्वाह याना वयाच्वंगु विविध भूमिकाय् केन्द्रीत जुया थःथःगु नुँगः खँ तयादीगु खः।

शाक्यया हे अध्यक्षताय् २१ सदस्यीय न्हगु कार्यसमिति

थौं जुगु साधारणसभां पुष्परत्न शाक्यया अध्यक्षताय् २१ म्ह न्हगु कार्यसमिति ल्यःगु दु। स्वदँया लागि थुगु कार्यसमिति ल्यःगु दु।

उगु कार्यसमितिइ वरिष्ठ उपाध्यय् निरु थापा, उपाध्यक्ष राजेन्द्रमान कायष्ठ, द्वितीय उपाध्यक्ष अनिलवीर बज्राचार्य, महासचिव सुविन बज्राचार्य व कोषाध्यक्ष नरेन्द्र शाक्य, सचिव हरिहर अधिकारी व सहकोषाध्यक्षय् प्रेमलाल महर्जन ल्यःगु खः।

अथेहे दुजलय् तेजेन्द्रगोपाल श्रेष्ठ, वीरेन्द्र शाक्य, ऋषिकेश तिमल्सीना, रामचन्द्र क्षेत्री, श्याम तण्डुकार, सुनिता बज्राचार्य, सुमित्रा खड्का, अविनाश कार्की, सविता सिंह, प्रवीणबहादुर शाक्य, अभिषेकराज बज्राचार्य, हरेराम जोशी व हेमकिशोरपि ल्यःगु खः । उगु सभां सविता सिंहया संयोजकय् मिसा चेम्बर व प्रवीणबहादुर शाक्यया संयोजकत्वय् युथचेम्बर अफ कमर्श गठन याःगु दु।