बाँकेय् आइतवाः चान्ह्य व सोमवाः सुथय् तक दुने कोरोना सक्रमणं खुम्ह सी धुकुगु दु ।

सीपि न्याम्ह बाँके जिल्लाय् व छम्ह बर्दिया जिल्लाय् संक्रमितपि खः। उकि मध्ये नेपालगञ्ज मेडिकल कलेज कोलहपुरय् निम्ह व भेरी अस्पताल नेपालगञ्जय् प्यम्ह सीउगु धका बाँकेया कोरोना संक्रमण सम्बन्धी फोकल पर्सनं धागु दु ।

सीम्ह नेपालगञ्ज उपमहानगरपालिका ३ या ५१ दँ दुम्ह मिजंम्ह, नेपालगञ्ज उमनपा १ या ६६ दँ दुम्ह मिजंम्ह सोमवाः सुथय् मदुुगु खः।

भेरी अस्पताल बर्दियाया बढैयातालय् ४७ दँ दुम्ह मिजंम्ह मदुगु खः। वैशाख १७ गते कोरोना पोजिटिभ वंम्ह वयात १८ गते अस्पताल भर्ना यागु खः।

थौें सोमवाः सथय् ६ः३० बजे मदुगु खः। अथेहे, नेपालगञ्ज मेडिकल कलेजय् ४८ दँ दुम्ह मिजंम्ह व ६० दँ दुम्ह मदुगु खः ।

सीम्ह  नेपालगञ्ज उमनपा ५ या स्थायी वासिन्दा खः। वयात वैशाख ८ गते कोरोना पोजिटिभ खनेदुगु खः। १४ गते अस्पताल भर्ना जुम्ह आइतवाः चान्ह्य ९ बजे जुया १० मिनेटय् मदुगु खः।

अथेहे मेम्ह ३२ दँ दुम्ह खजुरा गाउँपालिका २ या संक्रमित जुम्ह थौं सुथय् ८ः३० बजे मदुगु खः । वैशाख ५ गते कोरोना परीक्षण यागुलि ७ गतेनिसे अस्पतालय् भर्ना जुगु खः ।

बैजनाथ गाउँपालिका ८ या स्थायी वासिन्दा दुम्ह १९ गते कोरोना पोजिटिभ वंगु खः। उम्ह मिसाम्ह १ः३० बजे मदुगु खः ।

कोरोना संक्रमणया ‘चेन ब्रेक’ यायेगु उद्देश्यं पूर्ण व आंशिक निषेधाज्ञा जारी यागु जिल्ला ४२ गु थ्यंगु दु।

कोरोना संक्रमण अप्वोया वंगुलि स्थानीय प्रशासनं ३१ जिल्लाय् पूर्ण व ११ गु जिल्लाय् निश्चित थाय् तोके याना आंशिक निषेधाज्ञा जारी यागु दु।

थौं सथय् बर्दियाय् पूर्ण निषेधाज्ञा जारी यागु दु । अथेहे बझाङ व बैतडीइ न थौं सुथंनिसे निषेधाज्ञा लागू यागु दु अर्घाखाँचीइ थौं चान्ह्य १२ बजेनिसे वैशाख ३१ गते चान्ह्यया १२ बजे तक निषेधाज्ञा जारी यागु दु । 

थौं सोमवाः मे ३ तारिख विश्वभर प्रेस स्वतन्त्रता दिवस कथं माने याइ।

‘सार्वजनिक सम्पत्तिया रूपं सूचना’ धइगु मूल नारा ज्वना थुगु दँय् स्वतन्त्रता दिवस हने त्यंगु दु।

‘स्वतन्त्र नाप बहुलवादी प्रेसया लागि विन्डहक घोषणापत्र’ जारी यागु लुमन्ति हरेक मे ३ तारिखयात प्रेस स्वतन्त्रता दिवसया रुपं हना वयाच्वंगु खः ।

सन् १९९३ य् युनेस्कोया ग्वसालय् अफ्रिकी राष्ट्र नामिबियाय विन्डहक शहरय् वरिष्ठ पत्रकार, पत्रकारिताका प्राध्यापकपि व स्वतन्त्रताया पक्षपातीपिनिगु सहभागिताय् थुगु घोषणापत्र जारी यागु खः ।

घोषणापत्रय् प्रेस व अभिव्यक्ति स्वन्त्रता पक्षय् बल्लाकेगु प्रतिवद्धता यागु खः ।

आन्तरिक वायुसेवा कम्पनीपिन्स थौं देयन्यक न्हिच्छि उडान तालिका कथं जुइ धका धागु दु ।

सरकारं थौं चान्ह्यनिसे लागू जुइ कथं आन्तरिक हवाई उडान बन्द यायेगु निर्णय यायेवं यात्रुपिन्त न्हिन जुइगु उडानय् अन्योल जुगु खः ।

तर एअरलाइन्सपिन्स थौंं उडान झन मागुलि उडान यथावत याये धका धागु खः। व स्वया न्ह्यः नेपाल नागरिक उड्डयन प्राधिकरणं उडान सुरक्षा व स्वास्थ्य मापदण्ड पालना याना हरेक २० मिनेटय् छगु उडानया कोटा तय यागु खः ।