थुगु दँय् हेमकृष्ण कुमारी प्रधान प्रधान स्मृति महिला सम्मान राष्ट्रिय पुरस्कारपाखे रातोपार्टी टेलिभिजनय् ज्यायानादीम्ह मिनाकुमारी यादवयात सिरपा बिःगु दु। नेपाल पत्रकार महासंघ जिल्ला शाखा दोलखाया गुक्वःगु अधिवेशन व झीक्वःगु बार्षिक साधारण सभाया लसताय् पत्रकार महासंघया थःगु हे भवन सदरमुकामन चरिकोटय् जुगु ज्याझ्वलय् यादवयात मिसा सम्मान राष्ट्रिय पुरस्कार लल्हाःगु खः।

नेपाल पत्रकार महासंघ केन्द्रिय समितीया उपाध्यक्ष नाप मूपाहाँ व हेमकृष्ण कुमारी प्रधान स्मृति महिला सम्मान राष्ट्रिय पुरस्कारया ंसंस्थापक पूर्व महान्यायधिवक्ता नाप बरिष्ठ अधिवक्ता मुक्तिनारायण प्रधान,थुगु दँय् हेमकृष्ण कुमारी प्रधान प्रधान स्मृति महिला सम्मान राष्ट्रिय पुरस्कारपाखे रातोपार्टी टेलिभिजनय् ज्यायानादीम्ह मिनाकुमारी यादवयात सिरपा बिःगु दु। नेपाल पत्रकार महासंघ जिल्ला शाखा दोलखाया गुक्वःगु अधिवेशन व झीक्वःगु बार्षिक साधारण सभाया लसताय् पत्रकार महासंघया थःगु हे भवन सदरमुकामन चरिकोटय् जुगु ज्याझ्वलय् यादवयात मिसा सम्मान राष्ट्रिय पुरस्कार लल्हाःगु खः।

नेपाल पत्रकार महासंघ केन्द्रिय समितीया उपाध्यक्ष नाप मूपाहाँ व हेमकृष्ण कुमारी प्रधान स्मृति महिला सम्मान राष्ट्रिय पुरस्कारया ंसंस्थापक पूर्व महान्यायधिवक्ता नाप बरिष्ठ अधिवक्ता मुक्तिनारायण प्रधान, नाप फाउण्डेशनया अध्यक्ष टिकानारायण प्रधानं पत्रकार यादवयात नगद २० हजार व सम्मान पत्र लल्हानादीगु खः। थुगु सिरपाः २०७१ सालय् स्थापना याःगु खः। पुरस्कार राशि आःयात अक्षकोष ५ लाख दु धका पूर्व महान्यायधिवक्ता नाप बरिष्ठ अधिवक्ता प्रधानं जानकारी बियादीगु खः।

अथेहे नेपाल पत्रकार महासँघ दोलखा शाखां स्थापना याःगु गणतान्त्रिक पत्रकारिता पुरस्कारपाखे देवदास स्मृती पत्रकारीता पुरस्कारपाखे रविन्द्र गौतम, गणतान्त्रीक पत्रकारीता पुरस्कार नवराज शिवाकोटी, विकास पत्रकारीता पुरस्कार केदार शिवाकोटी, स्व.ईन्द्रमणी राजभण्डारी पत्रकारीता पुरस्कार सिर्जना गोले, सुजल पत्रकारीता पुरस्कार विमल बुढाथोकीपिन्त सम्मानीत याःगु खः। उगु ज्याझ्वलय् नेपाल पत्रकार महासँघ दोलखा शाखाया अध्यक्ष जीवन लामाया अध्यक्षताय् जुगु गुक्वःगु अधिवेशन नाप झीक्वःगु साधारण सभा व पुरस्कार बितरण ज्याझ्वलय् पूर्व महान्यायधिवक्ता मुक्ति नारायण प्रधान, प्रमुख जिल्ला अधिकारी रमेश शिवाकोटी, भिमेस्वर नगरपालिकाया मेयर भरत केसी, सञ्चार विज्ञ राजेन्द्र मानन्धर, रातोपाटीया संस्थापक सम्पादक ओम शर्मा, सामुदायीक रेडियो प्रसार सँघा केन्द्रिय कोषाध्यक्ष लक्ष्मण खड्का, प्रेस युनियनया बागमति बिशेष क्षेत्रिय सँयोजक रमेश खतिवडा, जिल्ला अध्यक्ष दिपसँकर चौंलागाईपिन्स नुँगः खँ तयादीगु खः।

येँ महानगर नगर सभाया च्याक्वःगु अधिवेशन सुरु जुगु दु । उगु सभाय् स्वगु विधेयक न्ह्यब्बःगु दु । उगु बैठकय् ‘येँ महानगरपालिका वातावरण तथा प्राकृतिक स्रोतया संरक्षण यायेत दयेकूगु विधेयक– २०७७’, ‘येँ महानगरपालिका बजार व्यवस्थापन तथा अनुगमन विधेयक– २०७७’ व ‘येँ महानगरपालिका संस्था दर्ता तथा नियमन सम्बन्धी विधेयक– २०७७’ पेश याःगु खः।

उगु विधेयक विभागीय प्रमुखपि हरिकुमार श्रेष्ठ, हरिबहादुर भण्डारी व दीपक अधिकारीपिन्स न्ह्यब्बःगु खः। विधेयक वइगु माघ ७ गतेया बैठकय् निर्णयउा लागि पेश जुइगु महानगरपालिकां जानकारी बिःगु दु । पुस २४ गते च्वंगु महानगरंया ५५ क्वःगु कार्यपालिका बैठकं थौंया सभाय् न्ह्य ब्बय्गु प्रस्ताव स्वीकृत याःगु खः । येँ महानगरपालिकाया मेयर विद्यासुन्दर शाक्यया अध्यक्षताय् न्ह्याःगु बैठकय् चालु आर्थिक दँया ५९ गु  ज्याझ्वलय् संशोधन प्रस्ताव याःगु खः ।

थज्यागु प्रस्ताव याःगु ज्याझ्वः निशुःक वितरणया लागि वासः न्यायेगु, सार्वजनिक सम्पत्तिया मर्मत व संरक्षण, स्वास्थ्य उपकरण खरिद, देगः, सतः, गुथिया छेँ सांस्कृतिक संरचनाया पुननिर्माण, मर्मत सम्भार तथा सौन्दर्य दयेकेगु, सतक स्तरोन्नति यायेगु, धः व मंगाः निर्माण यायेगु ज्याझ्वः खः । अथेहे सरकारी व सामुदायिक अस्पताल नाप सहकार्य, यातायात व सुरक्षा व्यवस्थापन नगर साझेदारी ज्याझ्वः खः। न्ह्यक्वःगु नगर सभापाखे स्वीकृत ज्याझ्वः मध्ये छु ज्याझ्वःे शीर्षक मिले यायेगु, छु स्रोत सुनिश्चित यायेगु, कार्यान्वयनय् मवःगु ज्याझ्वः योजना हिलेमाःगुलि बजेट संशोधन प्रस्ताव याःगु खः ।

‘थीथी वडापाखे पूर्वाधार निर्माणय् यक्को माग जुगु दु,’ सभाया अध्यक्ष नाप मेयर शाक्यं धयादीगु दु, ‘अज्यागु मागयात लागतम रुपान्तरण यासे अरबौया बजेट वयेफु । थथे माग जुगु योजनायात वइगु दँया ज्याझ्वलय् तयेथु जुइ धका धयादीगु दु  । आः स्वीकृत नीति व ज्याझ्वलय् नाप कानुनं बिःगुे अधिकार प्रयोग यासे छु शीर्षक हिलेइगु बजेट संशोधन प्रस्ताव यानागु खः।’

थौंया सभाय् उपाध्यक्ष नाप उपप्रमुख हरिप्रभा खड्गी श्रेष्ठ, सभाया सचिव नाप प्रमुख प्रशासकीय अधिकृत राजेश्वर ज्ञवाली, सहरी योजना आयोगया उपाध्यक्ष सरोज बस्नेत नाप नगर सभा सदस्यपि सहभागी जुयादीगु खः। 

स्वास्थ्य तथा जनसंख्यामन्त्री हृदयेश त्रिपाठीं कोरोना खोप खरिद प्रक्रिया पारदर्शी जुइ धका धयादीगु दु।

सोमवाः मन्त्रालयय् पत्रकार सम्मेलन यासे मन्त्री त्रिपाठीं खरिद प्रक्रिया पारदर्शी व वितरण न्यायपूर्ण जुइ धका धयादीगु दु। जीटूजी प्रक्रिया प्राथमिकताय् दु धका धयादीगु दु ।

भारत, रुस व यूएईया राजदूत नाप खँल्हानादीसे वयकलं कोरोना खोपया लागि राजनीतिक प्रभावपि नाप तक छ्यला च्वनागु दु धका धयादीगु ख। खोप याकन हे हयेगु कुतः जुयाच्वंगु दु धका धयादीगु दु ।

वयकःया कथं खोपया लागि १६ हजार खोप केन्द्र दयेकेगु धाःसे ५ हजार कर्मचारी व ५२ हजार स्वास्थ्य स्वयंमसेविका परिचाaलन यायेगु मन्त्रालयं तयारी दु धका धयादीगु दु ।