थौं सोमवाः थपे जुपि संक्रमित मध्ये १ हजार ९१२ म्ह स्वनिगः दुने जकयापि खः ।

थौं येँ जक १ हजार ५६७ म्हेसित जुगु दु । अथेहे यलय् २२३ म्ह व ख्वपय् १२२ म्हेसित कारोना पुष्टि जुगु खः। अथहे, बाँकेय् ३०७म्ह, मोरङय् १३४, पर्साय् ९८ म्ह, चितवनय् ९६म्ह व रुपन्देहीइ ९५ म्ह संक्रमित जुगु दु।

कास्कीइ ६२म्ह, झापाय् ४३म्ह, सुनसरीइ ४२म्ह, कञ्चनपुरय् ४१ म्ह, पाल्पाय् ३४ म्ह, मकवानपुर व बैतडीइ ३२÷३२ म्हेसित कोरोना भाइरसया संक्रमण पुष्टि जुगु दु।

१२ हजार ४ सय म्हेसिगु नमुना पीसीआर परीक्षण यागुलि ३ हजार ४४२ व ८९३ एन्टिजेन परीक्षण यागुलि ११४ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धागु दु। वंगु २४ घण्टाया दुने देयन्यक थप ३ हजार ५५६ म्हेसित कोरोना भाइरस (कोभिड–१९) या संक्रमण पुष्टि जुगु दु।

अथेहे थप १२ म्ह संक्रमितपि सीउगु दु । थ्व नाप नेपालय् कोरोना संक्रमित जूपिनिगु ल्याः ३ लाख ३ हजार ५६१ म्ह थ्यंगु दु ।

वंगु २४ घण्टाया दुने देयन्यक थप ३ हजार ५५६ म्हेसित कोरोना भाइरस (कोभिड–१९) या संक्रमण पुष्टि जुगु दु।

अथेहे थप १२ म्ह संक्रमितपि सीउगु दु । १२ हजार ४ सय म्हेसिगु नमुना पीसीआर परीक्षण यागुलि ३ हजार ४४२ व ८९३ एन्टिजेन परीक्षण यागुलि ११४ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धागु दु।

थ्व नाप नेपालय् कोरोना संक्रमित जूपिनिगु ल्याः ३ लाख ३ हजार ५६१ म्ह थ्यंगु दु । अथेहे वंगु २४ घण्टाय् जक १२ म्ह सी धुकुगु दु ।

थ्व नाप आःतक सीपिनिगु ल्याः ३ हजार १७६ म्ह थ्यंगु दु । अथेतु, आःतक २ लाख ७७ हजार ९५१ म्ह संक्रमणमुक्त जूगु दु ।

वंगु २४ घण्टाय् ३७८ म्ह कोरोनामुक्त जुगु दु धका मन्त्रालयं धाःगु दु।

धरानया बीपी कोइराला स्वास्थ्य विज्ञान प्रतिष्ठान कोभिड अस्पतलय् छम्ह कोरोना संक्रमित सीउगु दु।

धनुषाया जनकपुर उपमहानगरपालिका–८ या ४८ दँ दुम्ह मिजंम्ह उपचारया झ्वलय् थौं सोमवाः सुथय् ७ः१५ बजे मदुगु खः ।

प्रतिष्ठानया सहप्रवक्ता डा. चूडामणि पोखरेलया कथं उच्च रक्तचापया बिरामी उम्ह मनू वैशाख ९ गते प्रतिष्ठानय् भर्ना जुगु खः।

येँ मेगु निगु थासय् वाटर एटीएम सञ्चालनय् हंगु दु । येँया वडा १० बानेश्वरय् छक्कुपक्कु पार्क व वडा ४ या शंखपार्कय् महानगरया मेयर व उप मेयरं मंकाः कथं एटीएमया उलेज्या यानादीगु खः ।

‘वाटर भेन्डिङ मेसिन’ य् सिक्का तया कप व लः कया उलेज्या यानादीगु खः। वं स्वया न्ह्य वंगु माघ २९ गते शंखधर पार्क (रत्नपार्क) टिकट काउन्टर नाप, स्वयम्भु भगवान पाउ व बालाजु उद्यान प्रवेशद्वार नाप उगु वाटर एटीएम स्टेशन सञ्चालनय् हये धुकुगु खः ।

उगु थासय् महानगरं ‘जरुंहिति’ नां बिगु खः । महानगरं वंगु ०७६ चैत ९ गते स्वच्छ त्वनेय्गु लः उपलब्ध यायेत स्मार्ट वाटर भेन्डिङ् मेसिन (वाटर एटीएम) तयेगु निति काठमाडौं उपत्यका खानेपानी व्यवस्थापन बोर्ड नाप सम्झौता याःगु खः ।

येँ महानगरया मेयर शाक्यं स्मार्ट सहरया लागि स्मार्ट सुविधा जडान यायेगु ज्या थःगु प्राथमिकताय् दु धका धयादीगु खः । उपप्रमुख हरिप्रभा खड्गी श्रेष्ठं लःया समस्या समाधान जुगु हे तधःगु उपलब्धि खः धक धयादीगु खः।

महानगर नाप जुगु सम्झौता कथं थीथी थासय् वाटर एटीम स्थापना यायेगुलि वइगु स्वदँया दुने तक सञ्चालन व्यवस्थापन यायेगु ज्या बोर्डं याइ । महानगरपालिकां एटीम तइगु थासय्, मत व सुरक्षा उपलब्ध याना बिइ।

स्वनिगः दुनेया स्वगू हे जिल्लाया प्रमुख जिल्ला अधिकारीपिनिगु मंकाः बैठक च्वंन च्वंगु दु। उगु बैठकं निषेधाज्ञाबारे निर्णय याये त्यंगु दु ।

थ्व हे वैशाख १६ गतेनिसे निषेधाज्ञा लागु यायेगु प्रस्तावबारे छलफल जुयाच्वंगु दु । तर छु छु बन्द यायेगु व चायकेगु बारे सहलह जुया च्वंगु दु ।

सीसीएमसी न १६ गते निसे निषेधाज्ञा लागु यायेत सुझाव बिगु खः । थौंया मंकाः बैठकय् येँ, यल व ख्वपया प्रमुख जिल्ला अधिकारीपिन्स गृह सचिव महेश्वर न्यौपाने नाप परामर्श कयाच्वंगु खः ।