येँ महानगरपालिका १६ वडाय् च्वंगु ऐतिहासिक पकनाज्वः गणेद्योः (सिद्धिगणेश) या थाय् दुहा वनिइगु लुखाः नाप लँय् ल्ह्वः लायेगु निति लक्ष्मण गमालया अध्यक्षताय् छगु कमिति दयेकूगु दु ।

उगु ज्याया निति बागमती प्रदेश पुर्वाधार विकास साझेदारी कार्यक्रमया ग्वाहालिं ज्या जुइत्यगु खः।

उगु ज्या ५० दिं दुने क्वचायकेगु लक्ष्य दु धका कमितिया अध्यक्ष लक्ष्मण गमाल धयादीगु दु।

जिल्ला प्रशासन कार्यालय धनुषां जिल्लाया बजार न्हि ६ घण्टा जक चायकिइगु निर्णय यागु दु ।

सुथय् ७ निसे १० बजे तक व न्हिनेसिया ४ निसे ७ बजे तक जक बजार सञ्चालन यायेगु निर्णय यागु खः ।

अथेहे, जिल्ला प्रशासन कार्यालयं सेवाग्राहीया हुलमुलया कारण जोखिमय् सतर्कता अपने यायगु न धाःगु दु।

कार्यालयं छ न्हुया दुने निगु पालिकाया सेवाग्राहीं जक सेवा बिइगु धका धाःगु दु।

कोरोना संक्रमणं पूर्व जुजु ज्ञानेन्द्र शाह अस्पताल भर्ना जुगु दु ।

वया नाप पूर्वलानी कोमल शाह व पूर्वअधिराजकुमारी प्रेरणा शाह यात न थापाथलीइ च्वंगु नर्भिक अस्पतालमा भर्ना जुगु दु।

थौं शनिवाः न्हिनय् अस्पतालय् भर्ना जुगु दु।

उपचारय् संलग्न चिकित्सकपिनिगु कथं स्वम्हेसिगु अवस्था स्थिर व सामान्य दु ।

वंगु २४ घण्टाया दुने थप २६१८ म्हेसित कोरोना भाइरस (कोभिड–१९) या संक्रमण पुष्टि जुगु दु ।

देयन्यका प्रयोगशालाय् ८ हजार ६६८ नमुना पीसीआर टेष्ट यागुलि २४८६ म्ह व सीमा नाकाय् ११४३ म्हेसित एन्टिजेन टेष्ट यागुलि १३३ म्हेसित संक्रमण पुष्टि जुगु दु धका स्वास्थ्य तथा जनसंख्या मन्त्रालयं धागु दु ।

थ्व नाप आःतक कुल संक्रमितपि २ लाख ९७ हजार ८७ म्ह थ्य.गु दु । थौंतक १६ हजार ८२८ संक्रिय संक्रमितपि दु ।

मन्त्रालयया कथं कोरोना संक्रमणं थप १४ म्ह सी गु दु । थ्व नाप आःतक सीपि ३१३६ म्ह थ्यंगु दु ।

थौं संक्रमित जुपि थुकथं दु मन्त्रालयया कथं दकलय् अप्वो येँ ६४४ म्हेसित कोरोना संक्रमण पुष्टि जूगु दु ।

अथेहे बाँकेय् ३५२म्ह, रुपन्देहीइ २६८ म्ह, दाङय् १७२ म्ह व यलय् १४१ म्हेसित संक्रमण खनेदुगु दु।

नेवाः न्ह्यलुवालिसें संविधान सभाया सभासद् लक्ष्मण राजवंशी थौं मन्त । येँया थापाथलीस्थित नर्भिक अस्पतालय् वासः यायेगु झ्वलय् वय्कः मदुगु खः ।

वंगु चैत्र ३० गते सोमबाः वय्कः छेँय् हे स्वाहानेय् दयाः घाःपाः जूगु खः । वयकःया स्वाहाने दयाः छ्यनय् घाः लानाः आन्तरिक रक्तश्राव जूगु धाःगु खः ।

घाःपाः जुइधुंकाः वयकःयात वासः यायेत नर्भिक अस्पताल भर्ना याःगु खः । अस्पताल भर्ना यायेधुंकाः वयकःयात भेन्टिलेटरय् तयाः वासः यानाच्वंगु खः ।

मदुम्ह राजवंशी निगूगु संविधान सभाय् नेपाः राष्ट्रिय पार्टीपाखें सभासद जुयादीगु खः । लिपा वयकः पार्टीपाखें निष्काशित जुइधुंकाः बौद्धिक जनतान्त्रिक परिषद् पार्टी गठन यानादीगु खः ।

सिद्धार्थ वनस्थली स्कूलया संस्थापक प्रिन्सिपल तकं खःम्ह वयकः नेवाः देय् दबूया छम्ह संस्थापक नं खः ।

साहित्यय् विशेष कथं बाखं विधाय् मन क्वसाःम्ह वयकलं बाखं साहित्यया उत्थानया नितिं बाखं दबू संस्था नं नीस्वनादीगु दु ।