वःगु २४ घण्टाय् ७३१म्ह कोरोना संक्रमणपि डिस्चार्ज जुगु दु। थ्व नाप आःतक २ लाख ४९ हजार ८६३ म्ह थ्यःगु दु।

देयन्यक सक्रिय संक्रमितपिनिगु ल्याः ६ हजार ७४९ म्ह दु।आःतक क्वारेन्टाइनय् च्वनाच्वपि ३६९ म्ह दु।

कोरोना संक्रमणपाखे वःगु २४ घण्टाय् थप खुम्ह सी धुकुग दु।

आःतक कोरोना संक्रमण सीपि १ हजार ८२५ म्ह थ्यःगु दु।

वःगु २४ घण्टाय् जक थौं आइतवाः थप ४८१ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

थ्व नाप आःतक नेपालय् कोरोना संक्रमितपि २ लाख ५८ हजार १८१ म्ह थ्यःगु दु।

चिनियाँ कम्युनिष्ट पाटी अन्तर्राष्ट्रिय विभागया उपमन्त्रीसहितया टोली थौं नेपाः वये त्यःगु दु।

नेपाल कम्युनिष्ट पार्टी नेकपाया राजनीतिक संकट वःगु इलय् चिनियाँ कम्युनिष्ट पाटी अन्तर्राष्ट्रिय विभागया उपमन्त्री गुओ येचौया नेतृत्वया टोली थौं येँ वयेत्यःगु खः।

उगु टोली बेइजिङपाखे छङ्तुया लँ जुया थौं न्हिनय् येँ वइगु ज्याझ्वः दु। तर भ्रमणबारे चिनियाँ दूतावास व नेपाल सरकार धाःसा छु न जानकारी बिःगु मदु। उपमन्त्री गुओसहित प्यम्हसिया नेकपाया शीर्ष नेतापि नाप लायेत वयेत्यःगु खः। नेकपाय् विभाजन वयेवं चिनियाँ कम्युनिष्ट पार्टी च्यूता कया स्वयाच्वंगु दु।

नेकपा विभाजन लिपा थ्व स्वया न्ह्यः चिनियाँ राजदूत होउ यान्छी न राष्ट्रपति, प्रधानमन्त्रीया नाप नेकपाया शीर्ष नेतापिन्त नापलाःगु खः ।

वःगु २४ घण्टाया दुने ८४० म्ह कोरोना संक्रमितपि डिस्चार्ज जुया छेँ लिहावःगु दु ।

थ्व नाप आःतक २ लाख ४९ हजार १३२ म्ह डिस्चार्ज जुया छेँय् लिहावःगु दु। देय्न्यक सक्रिय संक्रमितपि आःतक ६ हजार ७४९ म्ह दु।

मन्त्रालयया कथं अःतक पीसीआर विधिपाखे १९ लाख ५ हजार ८२६म्हेसिगु परीक्षण याये धुकुगु दु। २४ घण्टाय् जम्मा ५ हजार ४३४ म्हेसिगु पीसीआर परीक्षण याःगु दु।

क्वारेन्टाइनय् च्वनाच्वपि ३६९ म्ह दु । कोरोना संक्रमणं २४ घण्टाय् थप स्वम्ह सी धुकुगु दु। थ्व नाप आःतक कोरोना संक्रमणािखे सीपि १ हजार ८१९ म्ह थ्यःगु दु।

वःगु २४ घण्टाय् थप ५०० म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

संक्रमण पुष्टि जूपि मध्ये मिसापि २१३ म्ह व २८७ म्ह मिजंपि खः।

थ्व नाप आःतक नेपालय् २ लाख ५७ हजार ७०० म्ह संक्रमितपि थ्यःगु दु।