Display Style:
Column Style
प्रधानमन्त्री ओलीं न्हूगु धरहराया उलेज्या यानादिल
राम डंगोल | चौलाथ्व द्धादशी ११४१,बैसाख ११ सनिवाः
भुखाचं लाना स्यंगु धरहरा खुदँ लिपाः पुनर्निर्माण क्वःचाया थौं उलेज्या जूगु दु । २०७२ वैशाख १२ गतेया भुखाचं क्वःदगु पुलाँगु धरहरा लिकसं दयेकूगु न्हूगु धरहरा थौं प्रधानमन्त्री केपी शर्मा ओलीं उलेज्या यानादिगु खः ।
लिफ्टपाखें २०गू तलाय् दूगु बालकोनी झाया प्रधानमन्त्री ओलीं पुष्पवृष्टि याना पूनर्निमित धरहराया उलेज्या यानादिगु खः । थुकिया उचाइ जमिनपाखें ८३ फुति ८५ मिटर दूगु राष्ट्रिय पुनर्निर्माण प्राधिकरणं न्ह्यथंग दु । धरहरा जःखःया पार्क लिसें मेमेगु संरचना व वृहत तिन्ख्यः दयेकेगु ज्या ल्यंहे दँसा थौं धरहराया उलेज्या जूगु खः ।
भीमसेन स्तम्भया नामय् तकं नां जाःगु पुलाँगु धराहरा लिकसं न्हूगु धरहरा निर्माण जूगु खः । धरहरा निर्माण क्वचाःसां पूवंक धाःसा क्वचाःगु मदुनि । धरहरा लागाय् पार्किङ व बगैंचाया ज्या अभंm ल्यं हे दनि ।
जःखःया २९गू रोपनी क्षेत्रफल कःघाना विस्तार जूगु उगु पुनर्निर्माणय् सुन्धारा लागाय् पार्क दयेकेगु व गोश्वारा हुलाक ज्याकू व टक्सार विभागया २३गू रोपनी जग्गा खाली याना पार्क दयेकेगु योजना तकं दुगु खः ।
अथेहे न्हूगु धरहरा म्यूजियम, थिएटर, वाटर फाउन्टेन, बगैंचा, रेष्टुराँ आदि सुविधां जाःगु धरहरा जुई । आः क्वःचागु धरहरा पिने स्वय्बलय् वैशाख १२ गते क्वदःगु पुलाँगु धरहरा थें खनेदुगु ११जाः जूसां दुने धाःसा २२ जाःया संरचना खः ।
धरहरा गयेगु व कुहाँवयेत धाःसा लिप्mटया तकं निर्माण याःगु दु ।
विदेश वनेत पीसीआरया नितिं प्रयोगशाला क्वजिल
लहानान्युज | चौलाथ्व द्धादशी ११४१,बैसाख ११ सनिवाः
स्वास्थ्य तथा जनसंख्या मन्त्रालयं विदेश वनिपिं मनूया पिसिआर परीक्षणया नितिं प्रयोगशालात क्वजिउगु दु ।
मन्त्रालयं विज्ञप्ती जारी यासें विदेश वनिपिं मनूया हकय् अज्याम्ह मनूया पीसीआर सरकारी प्रयोगशाला व अस्पतालय् आधारित जूगु ए वर्गया प्रयोगशालां जक याइगु न्ह्यथंगु दु ।
विदेश वनिम्हसिनं कोभिड परीक्षण याइगु फुक्क सरकारी अस्पतालं पीसीआर परीक्षण यायेफइ । मन्त्रालयं स्टार अस्पताल, मेडिसिटी, मनमोहन मेमोरियल, ह्याम्स हस्पिटल व भैरहवाया यूनिभर्सल कलेजपाखें पीसीआर परीक्षण यायेफइगु न्ह्यथंगु दु ।
पासपोर्ट वा भारत यात्रा याइपिनि हकय् म्हसिका ध्वाथुइगु भ्वँ परीक्षण याना जक नमुना संकलन यायेगु व्यवस्था यायेत मन्त्रालयं प्रयोगशालातयेत निर्देशन बिउगु दु । छुं दिं न्ह्यः अन्तर्राष्ट्रिय विमानस्थल लिक्कसंया सुरिया ल्याबं नक्कली पीसीआर रिपोर्ट दयेकुगु लुइधुंका सरकारं थुगु निर्णय याःगु खः ।
थ्वहे दथुइ छुं अस्पतालयात जक पीसीआर रिपोर्ट दयेकेगु नितिं सूचं जारी जूगु धासें निजी क्षेत्रया छुं स्वास्थ्य संस्थां धाःसा उकिया विरोध याःगु दु ।
थौं १५क्वःगु लोकतन्त्र दिवस
लहानान्युज | चौलाथ्व द्धादशी ११४१,बैसाख ११ सनिवाः
थौं लोकतन्त्र दिवस । हिउपाया नारा थ्वगु दिंया कथं वैशाख ११ यात दँय्दसं नेपाली जनतां थः त्यागु दिंया कथं लुमंकेगु याः ।
२०६२÷०६३ खय् जूगु १९न्हूया जनआन्दोलनया जगय् जूगु राजनीतिक हिउपाया हना कथं थौं लोकतन्त्र दिवस हनेत्यंगु खः । तत्कालीन ७गू राजनीतिक दल व विद्रोही नेकपा (माओवादी)या मंका ब्वनाय् राजतन्त्रयात क्वचायेकेत उगु दिंया महत्वपूर्ण भूमिका दु । उगु हे दिंया लुमन्तिइ थौं १५क्वःगु लोकतन्त्र दिवस देयेयंक थी थी ज्याझ्वया ग्वसाःग्वःया हनेज्या जुयाच्वंगु दु ।
तत्कालीन जुजु ज्ञानेन्द्र शाहं विघटित प्रतिनिधिसभाया पुनःस्थापना याना राजनीतिक दलं च्वःगु मार्ग चित्र कथं न्ह्यज्यायेगु घोषणा याःगु खः । उगु हे घोषणा कथं पुनःस्थापित संसद्या जेठ ४ गतेया मुँज्यां राजसंस्थायात निलम्बन याना कार्यवाहक राष्ट्राध्यक्षया अधिकार तकं प्रधानमन्त्रीयात बिल ।
शान्तिपूर्ण सडक आन्दोलन याना वःगु ७गू राजनीतिक दल व सशस्त्र ल्वापुइ दूगु तत्कालीन नेकपा (माओवादी) दथुइ जूगु १२ता खँया सहमतिं नेपाली जनताय् छगू कथंया भलसा ब्वलंकुगु खः । नेपाली जनताया तःधंगु त्याग व वलिदानं चूलागु हिउपायात संविधानसभापाखें जनतां थःगु संविधान दयेकुगु खः ।
संविधानसभापाखें २०७२ असोज ३ गते जनताया प्रतिनिधि थःपिन्सं हे च्वःगु संविधान जारी जुल । नेपाली जनतां थःगु राष्ट्रप्रमुख थःपिन्सं हे ल्येय्दइगु गणतान्त्रिक व्यवस्था अबलम्वन जूगु दु । निक्वःगु जनआन्दोलनं संघीयता, समावेशिता, समानुपातिक प्रतिनिधित्व, धर्मनिरपेक्षता थेंज्यागु नेपाःया मौलिक विशेषता नापंया प्रणालीयात स्थापित याःगु दु ।
राज्यया हरेक तगिंमय् ३३गू प्रतिशत मिसाया ब्वतियात सुनिश्चित याःगु दु । लिउने लाःगु वर्ग, क्षेत्र, तह व तप्कायात राज्यया मू प्रवाहलय् हःगु दु । ७गू प्रदेश व अधिकार सम्पन्न ७सः व ५३गू स्थानीय तगिंपाखें जनतां गाँमय् हे सिंहदरबारं चूलाइगु सेवा व सुविधा चूलाकुगु दु ।
विसं २०६३ वैशाख ११ गते धायेकि थौंया हे दिं जुजुपाखें लाकाकाःगु अधिकार जनआन्दोलनया शक्तिया हुनिं चूलागुलिं लोकतन्त्र दिवसया महत्व दु । थ्वहे दथुइ राजनीतिक व्यवस्था हिलेज्या जूसा न ं आम नागरिकया गुलिखय् न्यूनतम आवश्यकता नं राज्यं पूवंके फूगु मदुनि ।
कोरोनां बाँके व रुपन्देहीइ याना न्याम्ह मन्त
लहानान्युज | चौलाथ्व द्धादशी ११४१,बैसाख ११ सनिवाः
वंगु २४ घण्टाया दुने बाँके व रुपन्देहीइ याना न्याम्ह कोरोना संक्रमितपिनिगु ज्यान वंगु दु।
सीपि बाँकेया प्यम्ह व छम्ह रुपन्देहीइ च्वंम्ह खः। भेरी अस्पताल नेपालगन्जय् उपचार याना च्वंम्ह निम्ह मिसा व निम्ह मिजंपि खः ।
स्वास्थ्य कार्यालय बाँकेया कोरोना फोकल पर्सन तेज ओलीया कथं नेपालगन्ज–२ या ७५ दम्ह मिसा शुक्रबार बहनि ६ः१५ मदुगु खः ।
अथेहे नेपालगन्ज–५ या ८६ दँ दुम्ह मिजम्ह बहनि ७ बजे व नेपालगन्ज त्रिभुवन चोक च्वंम्ह ३५ दँ दुम्ह वंगु ९ः२३ बजे मदुगु खः ।
अथेतु, नेपालगन्ज–१० या ६१ दँ दुम्ह मिसा वंगु चान्ह्य मदुगु धका जानकारी बिगु दु। थ्व नाप बाँकेय् कोरोना संक्रमण मदुपिनिगु ल्याः ७६ म्ह थ्यःगु दु ।
अथेहे रुपन्देहीयाम्ह ३६ दँ दुम्ह छम्ह मिजं कोरोना संक्रमण मदुगु खः ।
राष्ट्रिय सभा निर्वाचन जेठ ६ गते
लहनान्युज | चौलाथ्व एकादशी ११४१,बैसाख १० शक्रवाः
निर्वाचन आयोगं जेठ ६ गते राष्ट्रिय सभा निर्वाचनया लागि कार्यतालिका सार्वजिनक यागु दु।
आयोगं बिहीवाः छगु विज्ञप्ति जारी यासे उपनिर्वाचनया लागि मतदान यायेगु ई सुथय् ९ बजे निसे न्हिनेसिया ३ बजे तक निर्धारण यागु दु।
वाग्मती प्रदेशय् निर्वाचनया लागि हेटौंडाय् प्रदेश निर्वाचन कार्यालय निर्वाचन अधिकृतया कार्यालय स्थापना यागु दु धका धाःगु दु ।
राष्ट्रिय सभा सदस्य निर्वाचन ऐन, २०७५ या दफा ७ बमोजिम निर्वाचन अधिकृतया पदय् नियुक्त यायेत जिल्ला न्यायाधीशया नां सरकारयात माग यागु दु।
गृहमन्त्री समेत तक जुयादीम्ह रामबहादुर थापा बादलं माओवादी परित्याग यागुलि उगु पदय् उपनिर्वाचन जुइ त्यःगु खः ।
