Display Style:
Column Style
लकडाउन छदँ पूवन
राम डंगोल | चिल्लाथ्व दशमी, ११४१, चैत्र ११ बुधबाः
कोरोना संक्रमण जुया देशय् लकडाउन जूगुु थनिं छदँ पूवंगु दु ।
न्हापां छवाःया नितिं याःगु लकडाउन पटक पटक तनां प्यलातक्क न्ह्याःगु खः । गुकिंयाना नेपाःया अर्थतन्त्र तहसनहस जुल धाःसा ल्वय्यात कजय् कायेपूmगु मदुनि । सच्छि व २०न्हू तकक्क लकडाउन जुया वंगु साउन ६ गतेनिसें खुल्ला जुइवं बजाः, पस, यातायात, कलकारखाना बुलुंहु न्ह्यावंगु खः ।
शैक्षिक संस्थात बुलुंहु हे चाल धाःसा लकडाउनया ईलय् अनलाइनमाध्यमपाखें शैक्षिक संस्था न्ह्याःगु खः । आः वया छुं लांनिसें भौतिक कथं हे ब्वनेकुथि चालाच्वंगु दु । लकडाउनया हुनिं हे न्हूगु शैक्षिक सत्रया सुरुवात तकं जेठनिसें यायेगु क्वछिना सरकारं याःगु दु ।
होटल व्यवसाय, पर्यटन क्षेत्र अभंm नं पुलाँगु पहलय् न्ह्याकेपूmगु मदुनि । अझ धाय्माल धाःसा पर्यटन क्षेत्रला हाकनं सुरुवाती अवस्थां हे न्ह्याकेमाःगु अवस्था खनेदु । लकडाउनया लिच्वलं पर्यटन व्यवसायीं ताः ईतक्क श्रमिक बेरोजगार च्वनेमाःगु खः धाःसा ज्या चूलाःपिं श्रमिकया ज्याला नं म्ह्वः जक कायेखंगु खः ।
नेपाःया अन्तर्राष्ट्रिय उडान त मजुबले थीथी देशय् निषेधाज्ञा तःबले याउँक चाहिलेगु लकस बाँमलागु हुनिं विदेशी पर्यटक त अभंm नेपालय् वय्पूmगु मदुनि । विस्तारं देश पुलाँगु हे लय्स लिहाँवनाच्वंबलय् हाकनं हलिंयकं कोरोना संक्रमणया दर अप्वःयावसेंलि नेपालय् थुकिया लिच्वः लानाच्वंगु दु ।
युरोपया थीथी देश, खाडी मुलुक व भारया थीथी राज्यय् कोरोना संक्रमण दर यक्वः हे अप्वःया वःगु दु । लिपांगु छलाय् नेपालय् नं कोरोना संक्रमण दर उच्च हे खनेदयावःगु दु । भारतलिसे सिमाया जिल्लाय् कोरोना संक्रमण अप्वःसेंलि नाकाय् कडाई याःगु दु ।
लकडाउन छ दँ पूवंगु झ्वलय् नेपालं कोरोना भ्याक्सिन लिपांगु छुं ई न्ह्यः अभियान कथं न्ह्याकूगु खः । भारतं बिउगु १०गू लख डोज हया भ्याक्सिन बिइगु ज्या न्ह्याकूगु खः तर भारतं मेगु भ्याक्सिन मबिउबलय् उगु अभियान दिउगु दु ।
अभियान पूवंके हे ल्यंदनिबलय् हाकनं कोरोनाया सन्त्रास अप्वसेंलि स्वास्थ्य मन्त्रालयं कोरोनाया निगूगु झ्वः मेगु देशय् थें नेपालय् नं खनेदूगु हुनिं सभा, सम्मेलन, जमघत, मयाय्त इनाप या सूचं तकं पिकाःगु दु । सरकारं ७७गू जिल्लाय् हे क्वारेन्टाइन यात तयारी अवस्थाय् तयातय्त निर्देशन तकं बिउगु दु । सरकारं ईलय् वाः मचायेकू हुनिं कोरोना संक्रमित २७६२४४ म्ह जुल धाःसा स्वद्व व १९म्ह मनुत अकालय् हे सीमाल ।
सरकारं अभंm नं वाः चायेका ज्या मयात धाःसा वंगु दँय् कोरोनाया लिच्वः गुकथं फयेमाःगु खः व सियां तधंगु लिच्वः फयेमाःगु अवस्था खनेदु । ईलय् हे सिमा नाकाय् कडाई याना, क्वारेन्टाइनया व्यवस्था याना, सम्भावित संक्रमितपिन्त तयेगु थाय्या व्यवस्था ईलय् हे यायेमाःगु खनेदु ।
कञ्चनपूरय् आंशिक निषेधाज्ञा
लहनान्यूज | चिल्लाथ्व दशमी, ११४१, चैत्र ११ बुधबाः
भारतय् कोरोना संक्रमण अप्वःगुलिसें नेपालया सीमावर्ती क्षेत्रय् नं प्रभाव लानावःगु दु । कञ्चनपुरय् वंगु चान्हय्निसें लागु जुइगु कथं आंशिक रूपं निषेधाज्ञा जारी याःगु दु ।
कोरोना भाइरसया संक्रमणया लहर नेपाल दुहांवइगु जोखिम दुगु धासें आंशिक रुपं निषेधाज्ञा जारी यानागु प्रशासनं धाःगु दु । कञ्चनपुरया प्रमुख जिल्ला अधिकारी रामकुमार महतों नेपाल सरकार व प्रदेश स्वास्थ्य निर्देशनालयपाखें जारी निर्देशनया लिधंसाय् जिल्लाय् क्वःज्यूगु कथंया छुं ज्या यायेत÷याकेत निषेध जूगु धयादिल ।
वय्कःया कथं गौरीफन्टा व गड्डाचौकी नाकां यात्रुतय् आवागमन व मालसामान ढुवानी सुथय् ६ताः इलंनिसें बहनी ८ताः ईतक्क खुला जुइ । थ्व बाहेकया नाका व विन्दुं आवतजावत पूवंक बन्द जुइ ।
अथे हे, नाकाय् दुगु हेल्थ डेस्कय् स्वास्थ्य जाँच याकेमाःगु व विवरण ल्ह्ययेकेत इनाप याःगु दु । निषेधाज्ञाय् होलीलिसें छुं हे मेला, पर्व, जात्रा, महोत्सव, भीडभाड वा जुलुस याये दइमखु ।
थ्व हे दथुइ, नेपालय् न्हापांगु खुसी लकडाउन जूगु थौं दच्छि पूवंगु दु । थगुने चैत ११ गतेनिसें लकडाउन न्ह्याःगु खः । करिब न्यालातक्क जूगु लकडाउन व निषेधाज्ञां नेपालया अर्थव्यवस्था ऋणात्मक दयेकूगु दु ।
हलिंयंकया नेवाःपिन्त कःघाना “विश्व नेवार दिवस” हनिगु
चिल्लाथ्व दशमी ११४१, चैत्र १० मंगलबाः
हलिंयंक थीथी थासय् च्वनाच्वंपिं नेवाः समुदायपिन्त छप्पं छधि यायेगु तातुना हलिं नेवाः दिं अर्थात् “विश्व नेवार दिवस” हनेगु जूगु दु । वल्र्ड नेवाः अर्गनाइजेशन नेपाल च्याप्टरया ग्वसालय् मंगलबाः छगू पत्रकार सम्मेलन याना बसन्तपुरया डबलीइ शनिबार उगु दिवस हनिगु जानकारी बियादिल ।
ज्याझ्वःया कजि सुरेन्द्रभक्त श्रेष्ठं ज्याझ्वलय् विशेषांक विमोचन, नेवाः समाज व नेपालभाषा विकास यायेगु ज्याय् योगदान ब्यूपिं च्याम्ह विशिष्ट मनूतय्त सम्मान यायेगु जानकारी बियादिल । पत्रकार सम्मेलनय् प्रचार–प्रसारया कजि नविन जोशीं नांजाःम्ह म्येँ हालमि मदुम्ह रमेश ताम्राकारया लुमन्तिइ नीस्वनातःगु सिरपा लःल्हाइगु जानकारी बियादिल ।
शनिवाः जुइगु ज्याझ्वलय् नेपाः व चीनं हलिंया च्वका सगरमाथा सफल आरोहण याःम्ह कल्पना महर्जनयात न नगदनाप विशेष सम्मान याइगु जानकारी ब्यूगु दु ।
येँ महानगरपालिकाया मेयर विद्यासुन्दर शाक्यया मू पाहाँसुई जूगु ज्याझ्वलय् विशेषाङ्क विमोचन यासें ज्याझ्वलय् नेवाःया हाथ्या व ह्वःताः विषयलय् बहसया ज्याझ्वः तकं जुइगु धागु दु । बहसया नितिं नागरिक न्ह्यलुवा मल्ल के सुन्दर, परराष्ट्रविद् हिरण्यलाल श्रेष्ठ व डाक्टर महेशमान श्रेष्ठ मू वक्ता कथं दइगु धागु दु । सन् २०१८ निसें मार्चया लिपांगु शनिवाः वल्र्ड नेवाः अर्गनाइजेसन दिवस हनेगु घोषणा कथं थुगुसिइ न जुइत्यंगु खः ।
समारोहस नेवाः साहित्य क्षेत्रय् योगदान बिउपिं पूर्खापिनिगे किपाः ब्वज्या, नेवाःपिनिगु तजिलजि व नसाः ज्वलंया स्टल, नांजापिं कलाकार लिसें संघसंस्थापिनिगु प्रस्तुती दइगु ग्वसाखलकं न्ह्यथनादिल ।
सन् २०१८ निसें मार्चया लिपांगु शनिबाःया दिंनिसें न्यायेका वयाच्वंगु उगु दिवस वंगु दँय् कोभिडया हुनिं दिकेमाःगु खः ।
निन्हुयंकया बङ्गलादेश भ्रमण क्वचाय्का राष्ट्रपति भण्डारी स्वदेश लिहाँझाल
लहनान्यूज | चिल्लाथ्व दशमी ११४१, चैत्र १० मंगलबाः
राष्ट्रपति विद्यादेवी भण्डारी बंगलादेशया निन्हूयंकया राजकीय भ्रमण क्वचाय्का थौं लिहाँझाःगु दु ।
राष्ट्रपति भण्डारीयात लसकुस यायेत त्रिभुवन अन्तर्राष्ट्रिय विमानस्थलय् उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख अग्नि प्रसाद सापकोटा, राष्ट्रिय सभाया नायः गणेशप्रसाद तिमिल्सिना लगायत पिनिगु उपस्थित दूगु खः ।
भ्रमणया झ्वलय् निगु देयदथुइ पर्यटन ग्वहालि, सरसफाई, सांस्कृतिक आदानप्रदान व रोहनपुर–सिंहबाद रेलमार्ग विषयस समझदारी जूगु खः । परराष्ट्र मन्त्री प्रदीपकुमार ज्ञवालीं भ्रमणया झ्वलय् निगु देय् दथुया राजनीतिक स्वापूयात अझ बाँलाका आर्थिक स्वापूयात फलदायी दयेका यंकेगु सहमति जूगु धयादिल ।
अथेहे उर्जा व्यापारया लागि द्धिपक्षीय सहकार्ययात न्ह्याकेगु, व्यापार प्रबद्र्धन यायेगु व व्यापारयात सन्तुलित दयेकेगु, बंगलादेशं नेपाःयात अपूक व याउँक पारवहन सेवा उपलब्ध यायेगु, कृषि, संस्कृति, पर्यटन लगायतया क्षेत्रय थपूया नितिं निगू देय्या सम्भावत्यतायात निगूलीं देय्या सहकार्यया माध्यमं फयाँफक्व यक्वः उपयोग यायेगु विषयस सहलह जूगु नं धयादिल ।
नेपाःया जलविद्युत बंगलादेशय् निर्यात यायेगु, निगू देय्दथुइ व्यापार वृद्धि व सन्तुलन कायम यायेगु, हवाई सेवाया विस्तार, रेलसेवा लिसें सतक मार्ग सुधार व अन्तरदेशीय जलमार्ग न्ह्याकेगु थेंजाःगु सम्पर्क सञ्जालया विकास यायेगु विषयस तकं सहलह जूगु मन्त्री ज्ञवालीले न्ह्यथनादिल । राष्ट्रपति भण्डारी बंगलादेशया राष्ट्रपति मोहम्मद अब्दुल हमिदया मैत्रीपूर्ण ब्वनाय् सोमबाः ढाका झाःगु खः ।
छगू जक न्यकू दुम्ह गैंडाया ल्याखाय् ज्याः थौंनिसें न्ह्यात
चिल्लाथ्व नवमी ११४१, चैत्र ९ सोमबाः
हलिमय् हे दुर्लभ नालातःगु छगू जक न्यकू दुम्ह गैंडाया ल्याखाय् ज्याः थौंनिसें न्ह्याःगु दु । गणनाया दक्व तयारी पूवनेधुंकूगु चितवन राष्ट्रिय निकुञ्जं न्ह्यथंगु दु ।
क्वछिनातःगु ईसिबें निदँ लिबाक्क न्ह्याःगु गणना चितवन व पर्सा राष्ट्रिय निकुञ्जय् छक्वलं जुइत्यंगु खः । वनमन्त्री प्रेम आले मगरं पर्सा राष्ट्रिय निकुञ्जया प्रतापपुरय् वनदेवीयात पुज्याना गैँडा गणना न्ह्याकेगु ज्याझ्व दूगु चितवन राष्ट्रिय निकुञ्जं न्ह्यथंगु दु ।
गैँडा गणना राष्ट्रिय निकुञ्ज तथा वन्यजन्तु संरक्षण विभागया नेतृत्वय् जुइत्यंगु खः । चितवन व पर्सायात छगू ब्लक दयेकूगु दु । उगु निगू निकुञ्जय् थौंनिसें व बर्दिया राष्ट्रिय निकुञ्जय् चैत १७ गतेनिसें अथेहे शुक्लाफाँटाय् चैत १९ गतेदेखि गणना न्ह्याइ ।
थ्यंमथ्यं २० दिं दुने गणना पूवंकेगु सरकारी आज्जु दु । न्यादँ÷न्यादँय् गैँडा गणना यायेगु धाःसां वंगु दँय् कोरोना व वयाँ न्ह्यः बजेट म्हो जूगु हुनिं गैँडा गणनाया ज्याः दिउगु खः । सन् २०१५ या गणनाय् नेपालय् मुक्कं ६४५ गैँडा दूगु खः । चितवन राष्ट्रिय निकुञ्जय् दक्वले अप्वः ६०५म्ह गैँडा दु ।
थ्वः आर्थिक दँय् जक चितवन निकुञ्जय् प्यम्ह गैँडा चोरी सिकारपाखें व २२म्ह प्राकृतिक कारणं गैँडा सिइधुंकूगु दु । वंगु दँय् २६ गैँडा सीगु खः ।
