Display Style:
Column Style
यलःय् होली पुन्हिया दिंसं हरिसिद्धि देवीया तान्त्रिक गणनृत्य क्यन, ख्वपय् नं मिजं व मिसाया जनेन्द्रिय ल्वाका हन
राम डंगोल | चिल्लाथ्व प्रतिपदा, ११४१ चैत्र १६ सोमबाः
यलःया दक्षिणी लागाया जलदेय्या ऐतिहासिक हरिसिद्धि देवीया तान्त्रिक गणनृत्य म्हिगः क्वःचागु दु । हरिसिद्धि देवीया द्यगः न्ह्यने उगु नृत्य क्यंगु खः ।
हरेक दँया होलि पुन्हि व यःमरि पुन्हि दिंलय् हरिसिद्धि देवीया नृत्य क्येनेगु परम्परा दु । थीथी झ्वलय् केनिगु नृत्य क्येनेधुंका किसकिन्धा नरेश बालीयात स्यायेत रामं त्रिशक्तिदेवी हरिसिद्धिया तान्त्रिक साधना याःगु नृत्य क्येनेगु याई ।
ब्रम्हायणी, बैष्णवी व रुद्रायणीया त्रिशक्ति व योगिनीया रुपय् हरिसिद्धियात काइगु याः । हरेक १२दँय् गोदावरी तान्त्रिक साधना याना पशुपतिया शिवलिंगय् तकं तान्त्रिक पूजा याना स्वनिगःया २५गू थासय् नृत्य केनिगु चलन दु ।
थ्वहे झ्वलय् ख्वपःय् नं मेगु हे कथं होली पुन्हि नखः हन । ख्वपःय् फागुन शुक्ल अष्टमीया दिंनिसें न्ह्याइगु होली दत्तात्रय द्यःग लिकसंया भिमसेन मन्दिरय् न्यायेकावयाच्वंगु दु ।
द्यःगलय् यःखानातःगु मिजं व मिसाया जनेन्द्रियया प्रतीकयात ल्वाका होली पुन्हि न्याकेगु चलन दु । होली पुन्हिया दिं ल्याम्हपिनि यःम्ह ल्यासेया छेँय् वना म्ये हाला मतिनाया प्रस्ताव तयेगु व ल्यासेयात यल धाःसा न्यतालय् अबीर तयाबिइगु व मयःल धाःसा तापाक्क हे अबीर ह्वला लिहाँ वनेगु चलन तकं दु । भीमसेनया लिङ्गया प्रतीकयात ब्रह्मायणी खुसीइ यंका सफा यायेवं ख्वपःय् होली विधिकथं क्वःचाई ।
थ्वझ्वलय् म्हिगः वसन्तपुरय् स्वानातःगु चीरयात क्वथला थुगुसीया हाली नखः क्वचाःगु दु । फागुन शुल्क अष्टमीया दिनय् स्वाःना न्ह्यागु चीर क्वथलेवं होली क्वचाइगु पौराणिक मान्यता दु ।
फागु पुन्हिया दिं हर्षबढाई याना चीर क्वथला हनुमानढोका, इन्द्रचोक, न्यूरोड जुसें टुंडिखेलय् यंका म्हिगः च्याका चीर दहन याःगु दु । म्हिगः हे तिन्ख्यःया बिचय् च्वंगु सिमाय् गुरुमापा राक्षसयात भ्वय् नं नकल ।
छेँय् न पिहा मवनेत डाक्टरपिनिगु सुझाव
शोभा श्रेष्ठ | चिल्ला पुन्हि ११४१, चैत्र १५ आइतवाः
स्वनिगः दुने यक्को थासय् वायु प्रदूषण अप्वोया वःगुलि सतर्कता अपने यायेत डाक्टरपिन्स धाःगु दु।
वायु प्रदूषणया मात्रा यक्को अप्वोया वःगुलि थःगु स्वोँ व मिखाँ बचे यायेत डाक्टरपिन्स सुझाव बिःगु दु।
वायु प्रदूषणं मिखाँया नानी व कर्निआया पिनेया सतहय् गम्भीर असर याइगु नाप छाती, गःपः, स्वोँ व न्ह्याय् नाप थीथी सङ्क्रमण जुइ धका धासे सावधानी अपने याये माःगु नाप छाती ल्वया विशेषज्ञ डाक्टर सुबोध सागर ढकालं धाःगु दु ।
प्रदूषण अप्वोया वःगुलि फयाफतले छेँ न पिहा मवननिगु व झ्याः, ढोका लुखाँ बन्द याना च्वनेत डाक्टरपिन्स सुझाव बिःगु दु ।
पिने वने हे माःसा उच्च गुणस्तरया मास्क व मिखाँय् चस्मा वा सन–ग्लास तया वनेत डाक्टर ढकालं सुझाव बिःगु दु ।
प्रदूषण अप्वोया वःगुलि कन्ट्याक्ट लेन्सं मिखाँ थप सुख्खा जुइगु व घाः जुइगु फुगुलि कन्ट्याक्ट लेन्स छ्यले मज्यू धका न धाःगु दु। दकलय् अप्वो प्रदूषण सुथय् ५ बजेनिसे ८ बजे तक जुइगुलि फयाफतले पिहा मवनेत विज्ञपिन्स सुझाव बिःगु दु।
वःगु शुक्रवाः निसे स्वनिगया यक्को थासय् ख्वातुक्क तुवाँलो अप्वोया वःगु धका मौसम पूर्वानुमान महाशाखां धाःगु खः ।
२४ घण्टाय् नेपालय् ८९ म्ह कोरोना सङ्क्रमण पुष्टि
शोभा श्रेष्ठ | चिल्ला पुन्हि ११४१, चैत्र १५ आइतवाः
वःगु २४ घण्टाया दुने नेपालय् थप ८९ म्ह कोरोना भाइरसया सङ्क्रमण पुष्टि जूगु दु ।
२१०१म्हेसित पीसीआर परीक्षण याःगुलि ८९ म्हेसित कोरोना पुष्टि जुगु दु ।
थ्व नाप आःतक कोरोना पोजेटिभ जूपि निगु लाख ७६ हजार ८३९ म्ह थ्यःगु दु धका स्वास्थ्य तथा जनसङ्ख्या मन्त्रालयं धाःगु दु।
अथेहे थप ९५ जना कोरोनामुक्त जुया छेँ लिहा वःगु दु । थ्व नाप सङ्क्रमणमुक्त जूपि निगु लाख ७२ हजार ५३० म्ह थ्यःगु दु।
नेपालय् आतक १२८२ म्ह सक्रिय सङ्क्रमितपि दु ।
अध्यक्ष पद महासंघय् न्याम्हेसि उम्मेदवारी दर्तायात
लहनान्युज | चिल्ला पुन्हि ११४१, चैत्र १५ आइतवाः
नेपाल पत्रकार महासंघय् वइगु चैत २५ गते जुइत्यःगु निर्वाचनया अध्यक्ष पदया लागि न्याम्ह उम्मेदवारी दर्ता याःगु दु।
निर्वाचन समितिया कथं अध्यक्षय् कांग्रेस–माओवादी गठनबन्धनपाखे प्रेस युनियनया विपुल पोखरेलं उम्मेदवारी दर्ता याःगस दु ।
अथेहे नेकपा एमाले निकट प्रेस चौतारीपाखे निर्मला शर्मां महासंघया अध्यक्ष पदय् थःगु उम्मेदवारी दर्ता याःगु दु । अथेहे प्रेस युनियनयाम्ह रामप्रसाद दाहाल न महासंघया अध्यक्षय् उम्मेदवारी दर्ता याःगु दु। वयकलं महासंघयात राजनीतिक दलया नेतापाखे ठगे जुगु धाःसे थःम्हेसिया नेतृत्वया संगठित जुइत आह्वान यानागु धका धाःगु खः। अथेहे गजेन्द्र बुढाथोकी व दीपक पाठक न महासंघया अध्यक्षय् उम्मेदवारी बिःगु दु । बुढाथोकीं दलीय सिण्डिकेटविरुद्ध महासंघय् थःगु उम्मेदवारी बियागु धका धाःगु दु।
अथेतु महासंघया वरिष्ठ उपाध्यक्षय् ध्रव लम्साल, माधव नेपाल, रमेश विष्ट व रामजी दाहालं उम्मेदवारी बिःगु खः। मिसा उपाध्यक्षय् दाना सुवेदी, बाला अधिकारीं उम्मेदवारी बिःगु दु। समावेशी उपाध्यक्षय् अवधेश झा, उदय जीएम, मोहनकुमार सिंह, रेवतबहादुर विश्वकर्मा व शीतल प्रसाद महतों उम्मेदवारी बिःगु खः ।
अथेहे महासंंघको केन्द्रीय महासचिव् बालकृष्ण बस्नेत, राजेश मिश्र, रोशन पुरी व सुबोध गौतमं उम्मेदवारी बिःगु दु । खुल्ला सचिवय् कमल पन्त, गोविन्दप्रसाद चौलागाई, जन्मदेव जैसी, नकुल अर्याल, यमप्रसाद शर्मा(एम विरही) व रामकृष्ण ज्ञवालीं उम्मेदवारी बिःगु दु। अथेहे महासंघय् मिसा सचिवय् निमा काफ्ले, सृजना अर्यालं उम्मेदवारी बिःगु दु।
अथेतु, आदिवासी जनजाति पाखे सचिवय् रामकुमार श्रेष्ठ, शाहीमान राई न उम्मेदवारी बिःगु दु सा मधेशी सचिवय् दीपेन्द्र चौहान, देव कुमार यादव,प्रवीण कुमार चौधरी व स्वेता सिन्हां उम्मेदवारी बिःगु दु। महासंघय् दलितपाखे सचिवय् गणेशकुमार विक, गोपाल बराइली, मधु शाही, मान सिंह वि.क. व हेमकर्ण विकं उम्मेदवारी बिःगु दु ।
एशोसिएट पाखे सचिवय् केपी ढुंगाना, केशवराज खनाल, पवन आचार्य, विनय देवकोटा, राधेश्याम दाहाल व रामेश्वर कार्कीपिन्स उम्मेदवारी बिःगु दु। महासंघया केन्द्रीय कोषाध्यक्षय् कलेन्द्र सेजुवाल, कृष्ण गिरी, दिलिप पौडेल, प्रकाश थापा, माधव दुलाल व मिनबहादुर बमं उम्मेदवारी बिःगु दु।
थौंनिसे मेलम्चीपाखे लः वितरण शुरु
लहनान्युज | चिल्ला पुन्हि ११४१, चैत्र १५ आइतवाः
येँया महाँकाल थासं मेलम्चीपाखे लः वितरण शुरु याःगु दु ।
थौं न्हिनय् महाँकाल चौरय् च्वंगु ट्याङ्कीया भल्भ चाय्का लः वितरण सुरु याःगु खः । सुरुङ, सुन्दरीजलपाखे लः प्रशोधन केन्द्र, चक्रपथय् लानातःगु थोक वितरण पाइपलाइनया सफल परीक्षण लिपा महाँकालचौरया ट्याङ्कीं लः वःगु धका काठमाडौं उपत्यया खानेपानी लिमिटेड (केयूकेएल) नं धाःगु दु।
उगु लः थौं आइतवाः न्हिन निसे हे चावहिल महाँकालचौरं वितरण यायेगु केयूकेएलं धाःगु दु। पुलागु पूखुलि मेलम्चीया लः जाःगु पुलागु हे पाइपलाइन व हितिइ बिइगुु व आयोजना कार्यान्वयन निर्देशनालयपाखे लानातःगु न्हुगु पाइपलाइनपाखे परीक्षण यासे यकेगु योजना अन्तर्गत न्हापागु चरणय् थौं न्हिनय् ४ करोड लिटर लः महाँकालचौर, अनामनगर, मीनभवन व खुमलटारया पूखुलिं जम्मा यायेगु योजना दु धका केयूकेएलया प्रमुख कार्यकारी अधिकृत मिलनकुमार शाक्यं धाःगु दु ।
थौं आइतवाः सनिलय् तक येँया मीनभवन, अनामनगर व खुमलटारय् लः वितरण याये त्यःगु दु । स्वनिलगलय् जक मेलम्चीया ४ करोड लिटर पानी वितरण यायेगु धका केयूकेएलया प्रमुख कार्यकारी अधिकृत शाक्यं जानकारी बिःगु दु ।
