स्वनिगःलिसें देय्या पहाडी व हिमाली क्षेत्रय् झःझः धायेक थौं फागू पुन्हि अर्थात् होली पर्व हनाच्वंगु दु । होली पर्व थः थवं मैत्री भाव ब्वलंका दक्व छप्पं जुया थम्ह मेपिन्त अविर, रंग तया व लोलां कयेका म्हितेगु पर्व खः ।

सत्य युगय् विष्णुभक्त प्रह्लादयात स्याय्त हिरण्यकश्यपं थीथी जालझेल यासां तबि नं स्याय् मफुसेंलि मिं नःसां मसिइगु वरदान कयातम्ह होलिकां विष्णु भक्त प्रल्हादयात मूलय् तया मिं च्याका स्यायेत स्वबलय् प्रल्हादयात छुं मजूगु तर होलिका हे मिं नया नष्ट जूगु प्रसंग थुगु पर्वलिसे स्वापू दु । 

असत्यया न्ह्यःने सत्यया न्ह्याबलें विजय जुइगु धैगु छगु उदाहरण कथं होली पुन्हि हनावयाच्वंगु भलसा कयावयाच्वंगु दु । नेपालया हिमाली व पहाडी लागाय् होली पुन्हीया दिं होली हनि धाःसा तराईलय् पुन्हीया कन्हेखुनु फागु म्हितिगु चलन दु । थीथी समुदायया बसोबास दूगु तराईलय् निन्हू, स्वन्हू तक्क नं होली हनिगु चलन दु ।

थ्व पर्वया लसताय् थौं येँय वसन्तुपर होली म्हिता लकस हे रंगीचंगी याई अले अन स्वानातःगु चीरयात विधिकथं क्वथला बाजगांजलिसें तिन्ख्यलय् यंका दहन यायेगु याई । यद्यपि कोरोना संक्रमण नियन्त्रणया नितिं धासें सरकारं सामुहिक कथं होली म्हितेत रोक यासें छेँज लिसे जक होली म्हिता थुगु पर्व हनेत इनाप याःगु दु । 

थ्वेहदथुई कोरोनाया जोखिमयात ध्यान तसें नेपाल प्रहरीं होली पर्व हनेबलये विशेष सावधानी नालाकायेत दक्वसित इनाप याःगु दु । कोभिड–१९ संक्रमण न्यनावनेफइगु जूगुलिं नेपाल सरकारं  जारी याःगु उजं व स्वास्थ्य मापदण्डयात पूवंक नालेत नं प्रहरी विशेष कथं इनाप याःगु दु । प्रहरीं ७७ लिं जिल्ला प्रहरी ज्याकूयात माःगु उजं बिया स्वास्थ्य मापदण्ड पालना यायेत व शान्ति सुरक्षा चुस्त यायेत धाःगु दु । 

नेपाली कांग्रेसया नवीन्द्रराज जोशी मन्त।

मष्तिश्कघात जुया येँया नर्भिक अस्पतालया उपचार याना च्वम्ह जोशी थौं शुक्रवाः बहनिसिया ८ः२४ बजे मदुगु धका नर्भिक अस्पतालया जनसम्पर्क अधिकृत सोमनाथ बास्तोलां जानकारी बिःगु दु ।

शुक्रवाः सुथय् वयकःया मुटुया चाल चले जुइगु व बन्द जुइगु जुया च्वंगु खः, समस्या समाधानया लागि चिकित्सक टोलीं कुतः जुयाच्वंगु खः’ वयकः न धयादीगु दु‘ तर असम्भव जुल ।

फागुन १४ गते छेँय् हे स्वास्थ्य समस्या वयेवं जोशीयात वीर अस्पताल यकूगु खः । वीरं हाकनं जोशीयात नर्भिकय् रेफर याःगु खः।