शिक्षा, विज्ञान तथा प्रविधि मन्त्रालयं देयन्यक शिक्षण संस्था थौंनिसे प्यन्हुया निति बन्द यायेगु निर्णय याःगु दु। मन्त्रालयय् च्वःगु आकस्मिक बैठकं दक्को शिक्षण संस्था बन्द यायेगु निर्णय याःगु खः ।

उगु बैठकय् कृष्णगोपाल श्रेष्ठं वायुमण्डलय् खने दुगु मौसम प्रतिकूलताया कारण शिक्षण संस्था बन्द याये माःगु धका धाःगु खः।

बैठकय् शिक्षा सचिव रामप्रसाद थपलिया, विज्ञान मन्त्रालयका सचिव डा. सञ्जय शर्मा, मन्त्रालयया प्रवक्ता नाप सहसचिव दीपक शर्मा, सहसचिव डा. हरि लम्साल, शिक्षा तथा मानव स्रोत विकास केन्द्रया महानिर्देशक बैकुण्ठ अर्यालपिनिगु ने सहभागिता दुगु खः । बैठक याये न्ह्य मन्त्री श्रेष्ठं प्रधानमन्त्री केपी शर्मा ओलीनाप न छलफल याःगु खः। 

 वरिष्ठ वामपन्थी नेता विष्णुबहादुर मानन्धर ९१ दँय् आइतवाः मन्त वरिष्ठ वामपन्थी नेता विष्णुबहादुर मानन्धर ९१ दँय् आइतवाः मन्त ।

पाटन अस्पतालय् वासः याका च्वम्ह चान्ह्य ८ बजे जुया २० मिनेटय् मदुगु धका नेकपा माओवादी केन्द्रया नेता गणेश साह न जानकारी बिःगु खः।

मदुम्ह मानन्धरयाता थौं अन्त्येष्टि याइ धका परिवारं धाःगु दु । विक्रम सम्वत् १९८९ य् जन्म जुयादिम्ह मान्नधर २९ दँय् नेकपा –संयुक्त) या महासचिव जुयादिगु खः।

नुवाकोटया ओखरपौवा च्वःगु सिसडोल ल्याण्डफिल्ड साइट क्षेत्रय् स्थानीय बासिन्दां स्वनिगःया फोहोर–मैला विसर्जनय् याःगु अवरोधप्रति येँ महानगरपालिकाया ध्यानाकर्षण जुगु दु धका धाःगु दु ।

येँ महानगरपालिका वातावरण व्यवस्थापन विभागं छगु विज्ञप्ति पिकासे थथे ध्यानाकर्षण जुगु धका जानकारी बिःगु दु । ‘स्वनिगलय् न्हि उत्सर्जन जुइगु फोहोर लिपागु इलय् फोहर वाछ्वय्गु थाय् नुवाकोट जिल्लाया ककनी गाउँपालिका वडा–२ य् ल्याण्डफिल्ड साइटया प्रभावित बासिन्दां थीथी माग तया फोहोर व्यवस्थापन ज्याय् २०७७ चैत १३ निसे अवरुद्ध याना वयाच्वलि येँ महानगरपालिकाया ध्यानाकर्षण जूगु दु,’ ‘विज्ञप्तिइ धाःगु दु, ‘स्थानीय बासिन्दाया माग सम्बन्धय् येँँ महानगरपालिकां नेपाल सरकार, शिक्षा तथा विज्ञान प्रविधि मन्त्रालयनाप समन्वय याना छलफल न्ह्यने यका माग पूरा यायेगु सम्वन्धमा येँ महानगरपालिका सकारात्मक अपेक्षा यानागु दु ।’

उगु विज्ञप्तिइ ल्याण्डफिल्ड साइट क्षेत्रय् स्थानीय बासिन्दापिन्त फोहोर वांछ्वयगु ज्याय् ग्वाहालि यायेत इनाप याःगु दु । ‘फोहोर वांछ्वयगु ज्याय् ग्वाहालि यायेत फोहोरमैला प्रभावित स्थानीयवासीपि नाप येँ महानगरपालिका इनाप याःगु दु,’ ‘विज्ञप्ति धाःगु दु, ‘नाप स्वनिगलय् च्वपिन्स थःथःगु छेँ–पसः, कलकारखाना–व्यवसाय नापा कार्यालयपाखे वइगु फोहोरयात ध्वगिइकेगु व ध्वमगिइगु छुटे याना फयाफतले फोहोरयात थःम्हेसिया व्यवस्थापन यायेत व ध्वमगिइगु  नकुहिने फोहोरयात सतकय् न्ह्यलाथे वांमछ्वय्त इनाप याःगु दु ।

 सर्वोच्च अदालतं ललिता निवास जग्गा प्रकरणय् माधवकुमार नेपाल व डा. बाबुराम भट्टराई नेतृत्वया मन्त्रिपरिषद निर्णय झिके यायेगु आदेश बिःगु दु।

न्यायाधीश अनिलकुमार सिन्हा व हरिप्रसाद फुयालया मंकाः इजलासं ललिता निवास जग्गा व्यक्तिया नामय् याःगुलि मन्त्रिपरिषदपाखे जूगु निर्णयया सक्कल प्रति झिके यायेगु आदेश बिःगु खः।

ललिता निवासया सरकारी जग्गा व्यक्तिया नामय् याःगु प्रकरणय् अख्तियार दुरुपयोग अनुसन्धान आयोगं २२ माघ २०७६ य् पूर्वमन्त्री विजयकुमार गच्छदार व चन्द्रदेव जोशी नाप १७५ म्ह विरुद्ध विशेष अदालतं भ्रष्टाचारया मुद्दा दायर याःगु खः। तर तत्कालिन प्रधानमन्त्री माधवकुमार नेपाल व डा. बाबुराम भट्टराईया मन्त्रिपरिषदपाखे सामूहिक रुपं याःगु नीतिगत निर्णय जूगुलि ‘छू याये म्वाःगु’ धका सफाइ बिःगु खः ।

तर तत्कालीन प्रधानमन्त्रीयात उन्मुक्ति बिइ मज्यु धाःसे दाबी ज्वना वरिष्ठ अधिवक्ता बालकृष्ण न्यौपाने न २८ माघ  २०७६ य् सर्वोच्च अदालतय् रिट बिःगु खः।

मन्त्रिपरिषदपाखे २९ चैत २०६६, २१ वैशाख २०६७, २८ साउन २०६७ व १८ असोज २०६९ य् जूगु निर्णय संलग्न प्रधानमन्त्री, मन्त्री व जग्गा फिर्ता लित बिःगु अभियोग दर्ता मयोगु अख्तियारया निर्णय बदर यासे प्रधानमन्त्रीविरुद्ध नं भ्रटाचारया मुद्दा तये माःगु वयकःया माग खः।