Display Style:
Column Style
लुँ तोला न्ह्यसः क्वहावल
शोभा श्रेष्ठ | कछलाथ्व पंचमी ११४१, मंसिर ४ बिहीवाः
लुँ तोला न्ह्यसः क्वहावल लुँ तोलां थौं बिहीवाः छन्हु हे न्ह्यस क्वहा वःगु दु।
नेपाल सुनचाँदी व्यवसायी महासंघं थौं बिहीवाःया लागि छापावाल लुँया भाः तोलां ९४ हजार ४ सय तोके याःगु दु।
म्हिगः बुधवाः तोलाया ९५ हजार एक सय रुपैयाँ कायम जूगु खः।
अथेहे तेजाबी लुँ तोलाय् न्ह्यसः क्वहा वया ९३ हजार ९ सय कायम जुगु दु। म्हिगः बुधवाः तेजाबी लुँ तोलाया ९४ हजार ६ सय कायम जूगु खः
। अथेहे वहः तोलां झींन्यातका क्वहा वया १२१५ तका कायम जुगु दु। म्हिगः तोलाया १२३० रुपैयाँ कायम जूगु खः।
सुभान कुमारया जहान मन्त
लहानान्युज | कछलाथ्व पंचमी ११४१, मंसिर ४ बिहीवाः
येँ महानगरपालिकाया २८ वडाया पुलांम्ह वडाध्यक्ष सुभानकुमार श्रेष्ठया जहान संगीता श्रेष्ठ थौं बिहिवाः सुथय् आकाझाकां मन्त ।
छुं दिं न्ह्यःनिसें ब्रेन ह्युमर जुयाच्वंगु कारणं कलंकीया नेशनल अस्पतालय् वासः यानावया च्वंगु खः। उसाँय् क्वलाःगुलिं छुं दिं न्ह्यः जक छेँय् हयाः वासः याकातःगु खः ।
किजापूजाया कुन्हु हाकनं तसकं म्हं मफयेवं नेशनल अस्पतालय् भर्ना याःगु खःसा थौं बिहिवाः सुथय् मदुगु खः ।
मदुम्ह श्रेष्ठया थौं बिहिवाः हे न्हिनय् पशुपति दीपय् अन्तिम दाहसंस्कार याइगु जूगु दु ।मदुम्ह श्रेष्ठ नेपालभाषाया कार्यकर्ता नाप रेडक्रसया दुजः नं खः।
शंखधर दिवस हनिइगु
लहानान्युज | कछलाथ्व पंचमी ११४१, मंसिर ४ बिहीवाः
नेपाल संवतया प्रवर्तक राष्ट्रिय विभूति शंखधर साख्वाःया लुमन्तिइ येँया १५ वडाय् लखुतिर्थय् छगु ज्याझ्वः जुइगु दु।
उगु ज्याझ्वः थ्वहे वइगु कछलाथ्व दशमी मंसिर ९ गते नेपाल संवत राष्ट्रिय न्हूदँ समाराहे समिति ११४१ या ग्वसालय शंखधर दिवस कुन्ह येँया १५ वडा चागः लखुतिर्थय् विशेष ज्याझ्वः यासें त्यःगु खः।
नेपाल संवत पलिस्था जूगु ऐतिहासिक थाय् लखुतिर्थय् शंखधरया किपातय् माल्यार्पण ज्याझ्वः तयातःगु दु ।
नेपाल संवतया प्रवर्तक शंखधर साख्वाःयात सरकारं ने.सं ११२० य् राष्ट्रिय विभूति घोषणा याःगु लुमन्तिइ उगु न्हियात लुमंकाः शंखधर दिवस न्यायेकाः वयाच्वंगु खः ।
पं. फणीन्द्ररत्न वज्राचार्यया जहान मन्त
लहानान्युज | कछलाथ्व पंचमी ११४१, मंसिर ४ बिहीवाः
नेपालभाषा नांजाम्ह साहित्यकार नाप समालोचक पं. फणीन्द्र रत्न वज्राचार्ययात दुःखं कंगु दु ।
वयकःया जहान ८८ दँया रत्नकेशरी वज्राचार्य म्हिगः बहनिं आकाझाकां मदुगु दु।
खुलामञ्चया विकल्पय् प्रसुति गृह नाप निशुल्क भोजनया व्यवस्था
नृपेन्द्रलाल श्रेष्ठ | कछलाथ्व तृतिया ११४१, मंसिर ३ बुधवाः
येँ महानगरपालिका व खुलामञ्चय् निशुल्क भोजन याका वयाच्वपि संस्था दथुइ सहमति कथं थौंनिसे परोपकार प्रसूति तथा स्त्रीरोग अस्पताल थापाथली न्ह्यने भोजन याकेयेगु सुरु जूगु दु।
येँ महानगरपालिकाया नगर प्रहरी प्रमुख धनपती सापकोटाया कथं न्हापा गथे याना खुलामञ्चय् निशुल्क भोजनया लागि वयाच्वपि असहाय, अशक्तपिन्त भोजन याका वयाच्वपि संघ–संस्थाया हे सहमति कथं महानगरपालिकाया कुतलय् परोपकार प्रसूति तथा स्त्रीरोग अस्पताल नापतु खाना नकेयेगु व्यवस्था जूगु जानकारी बियादिगु खः।
‘येँ महानगरपालिका दुने च्वपि असहाय, अशक्त तथा शारिरिक रुपं ज्या याये मफुपिन्त महानगरवासीया व्यवस्थापनय् येँ महानगरपालिका निरन्तर लगे जुयाच्वनागु खः,’ सापकोटां, ‘ स्वास्थ्य जोखिम, संक्रमणया सम्भावना व सामाजिक प्रतिष्ठा नाप मानव अधिकारया संरक्षण याये कथं सार्वजनिक थासय्, खुला थासय् भोजन सेवा बन्द याना बैकल्पिक थाय् भोजन याकेयेगु नीति महानगरपालिका काःगु खः।
अथेतु सापटकोटां आः खुलामञ्चय् निशुल्क भोजन याका वयाच्वगु संस्था दथुइ छलफल जुयाच्वगु धका धासे पार्टी प्यालेसय् व्यवस्थित ढंगं भोजन याकेयेगु कुतः जुयाच्वंगु दु धका जानकारी बियादिगु दु। वयकलं निशुल्क भोजन याकेयेगु थासय् चःबि, लःया ब्यवस्था दुगु नाप स्वास्थ्य मापदण्डया तक पालना जुइ कथं अस्थायी रुपं उगु थाय् या व्यवस्था जानकारी बियादिगु खः।
‘येँ महानगरया मेयरजु सार्वजनिक गाडी यक्को ओहोर–दोहोर जुइगु थासय् भोजन याकेयेग्ु सट्टा विकल्प मालेयेगु धाःगुलि उकथं ज्या जुयाच्वंगु दु धका धयादिगु खः। निन्हु न्ह्य जक खुलामञ्च न्ह्यने, भद्रकाली व लाजिम्पाट जःखः येँ महानगरपालिया सहकार्यय् मानवसेवा आश्रमं न्याम्हेसित उद्दार यानागु दु धका जानकारी न सापकोटा बिःगु दु।
