Display Style:
Column Style
येँ १०३१म्ह नाप स्वनिगलय् १३३८म्ह सक्रमित
लहानान्युज | कौलागा षष्ठी ११४०,कार्तिक २१ शुक्रवाः
वःगु २४ घण्टाया दुने थौं स्वनिगलय् जक थप १ हजार ३३८ म्हेसित कोरोना संक्रमित जूगु दु धका स्वास्थ्य तथा जनसंख्या मन्त्रालयं धाःगु दु।
संक्रमित पुष्टि जूपि मध्ये ५७० म्ह मिसा व ७६८ म्ह मिजंपि खः।
थौं येँ जक १ हजार ३० म्हेसित कोरोना सक्रमण जूगु दु धका मन्त्रालयं धाःगु दु।
अथेहे ख्वपय् १२१ म्ह व यलय् १८७ म्हेसित कोरोना सक्रमण जूगु दु।
कोरोना वःगु २४ घण्टाय् १८म्ह मन्त
लहानान्युज | कौलागा षष्ठी ११४०,कार्तिक २१ शुक्रवाः
कोरोना संक्रमण वःगु २४ घण्टाया दुने थप १८ म्ह सीगु दु धका स्वास्थ्य तथा जनसंख्या मन्त्रालयं पुष्टि याःगु दु।
थ्व नाप आःतक नेपालय् कोरोना संक्रमणं सीपि १ हजार ७० म्ह थ्यःगु दु।
वःगु २४ घण्टाय् दुने थौं थप २ हजार ९०९ म्ह कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
काष्ठमण्डपय् थौं निम्ह मन्त्री वइगु
नृपेन्द्रलाल श्रेष्ठ | कौलागा षष्ठी ११४०,कार्तिक २१ शुक्रवाः
काष्ठमण्डप पुनर्निर्माणया झ्वलय् आःतक जुयाच्वंगु ज्याया प्रगति बिबरण व वइगु कार्ययोजना बारे स्थलगत जानकारी कायेगु लागि थौं निम्ह मन्त्री काष्ठमण्डप वयेत्यःगु दु।
काष्ठमण्डप पुनर्निर्माण समितिया अध्यक्ष नाप बागमति प्रदेशया सासद राजेश शाक्यं काष्ठमण्डपय् यानावया च्वंग ज्याय् आःतक जुगु ज्याया बारे थौं संघिय सरकारया निम्ह मन्त्रीपि सहरी बिकास मन्त्री कृष्ण गोपाल श्रेष्ठ व परराष्ट्र मन्त्री प्रदिप ज्ञवाली वइगु धका लहनान्युजयात जानकारी बिःगु दु।
कोरोना सक्रमणं १८म्ह मन्त
लहानान्युज | कौलागा पंचमी ११४०,कार्तिक २० बिहीवाः
कोरोना भाइरस संक्रमणं २४ घण्टाया दुने थप १८ म्ह मन्त धका स्वास्थ्य तथा जनसंख्या मन्त्रालयं औपचारिक रुपं पुष्टि याःगु दु।
थ्व नाप आतक कोरोना संक्रमण सीपि १ हजार ५२ म्ह थ्यःगु दु।
बुधवाः जक छन्हुया दुने ३० म्ह सीगु खः।
येँ १०९१म्ह नाप स्वनिगलय् १३९८म्ह कोरोना सक्रमित
लहानान्युज | कौलागा पंचमी ११४०,कार्तिक २० बिहीवाः
वःगु २४ घण्टाया दुने स्वनिगलय् थप १ हजार ३९८ म्हेसित कोरोना संक्रमण खनेदुगु दु धका स्वास्थ्य तथा जनसंख्या मन्त्रालयं धाःगु दु। संक्रमित पुष्टि जूपि ६०१ म्ह मिसापि व ७९७ म्ह मिजंपि खः।
थौं येँ जक १ हजार ९१म्हेसित कोरोना सक्रमण पुष्टि जूगु दु।
अथेहे, ख्व्पय् १४७ म्ह व यलय् १६० म्हेसित संक्रमण जगु दु।
थौं देय् यकं थप ३ हजार ५१ म्हेसित कोरोना संक्रमण पुष्टि जूगु खः धका स्वास्थ्य मन्त्रालयं धाःगु दु।
