Display Style:
Column Style
डा. गोविन्द केसी नाप थौं वार्ता जुइगु
लहानान्युज | अनलागा ६ ११४०,असोज २२ बिहीवाः
सरकार व आमरण अनशनरत डा. गोविन्द केसी दथुइ थौं वार्ता जुइत्यःगु द्ु। न्हिनय् प्यताः इलय् वार्ता यायेगु तयारी दु।
डा. केसीया तर्फ वार्ता टोलीइ संयोजक डा. जीवन क्षेत्री न थौं सरकारी टोलीनाप वार्ता जुइ त्यःगु दु धका धाःगु दु।
सरकारी वार्ता टोलीया संयोजक नाप शिक्षा मन्त्रालयया सचिव गोपीनाथ मैनाली सार्क मन्त्रीस्तरीय बैठक न्हिनय् २ बजेनिसे ४ बजेतक जुइत्यःगुलि उगु बैठकलिपा जक वार्ताय् च्वनेगु तयारी दु धका धाःगु खः।
डा. केसीं आमरण अनशन सुरु याःगु २४ दिं सरकारं बुधवाः शिक्षा मन्त्रालयया सचिव गोपीनाथ मैनालीया नेतृत्वय् स्वम्हेसिगु वार्ता टोली गठन याःगु खः। सरकारी वार्ता टोलीइ स्वास्थ्य मन्त्रालयया सहसचिव गुणराज लोहनी व चिकित्सा शिक्षा आयोगया निर्देशक दिलिप शर्मा सदस्यपि खः।
सरकारं वार्ता टोली घोषणा यायेवं डा. केसी पक्षं डा.जीवन क्षेत्रीया नेतृत्वय् वार्ता टोली गठन याःगु खः। उगु वार्ता टोलीइ नेपाल चिकित्सक संघया अध्यक्ष डा. लोचन कार्की, पूर्वअध्यक्ष डा. अञ्जनीकुमार झा व अधिवक्ता ओमप्रकाश अर्याल सदस्यपि खः।
चिकित्सा शिक्षा सुधारया लागि थीथी ६ बुँदे माग तया डा. केसी न वःगु २९ भदौनिसे जुम्लापाखे १९ क्वःगु अनशन सुरु याःगु खः। वया च्यान्हुलिपा येँ हःगु खः। डा.केसी आः त्रिवि शिक्षण अस्पतालया कोठा नं. ५०१ य् दु।
मेयर चिरीबाबु महर्जन कोरोना संक्रमणमुक्त
शोभा श्रेष्ठ | अनलागा ६ ११४०,असोज २२ बिहीवाः
यल महानगरपालिकाया मेयर चिरीबाबु महर्जन कोरोना संक्रमणमुक्त जुगु दु।
मेयर महर्जनया स्वकीय सचिव इन्द्र बज्राचार्य लहनान्युजयात बिःगु जानकारी कथं म्हिगः बुधवाः न्हिनय् प्यता इलय् कोरोना परीक्षणया लिच्व नेगेटिभ वःगु खः। स्वकीय सचिव बज्राचार्य धयादिगु कथं मेयर सापया लिच्वः नेगेटिभ वःगु दु। आ वयकः याकन हे महानगरपालिकाया ज्याकूथि याकन हे वइ धका धयादिुगु खः।
मेयर महर्जनया वःगु असोज ८ गते ज्वरो वइगु व मुसु वया समस्या वयेवं पाटन अस्पतालय् स्वाब परीक्षण यागुलि शुक्रवाः कोरोना पोजेटिभ खनेदुगु खः। असोज ९ निसे १५ गते तक निजी निवासय् हे मेयर महर्जनयात १६ गते छातीइ समस्या वयेवं सानेपाया स्टार अस्पताल भर्ना जुयादिगु खः।
कोरोना सक्रमण अप्वोया वनकि वासः यायेत अस्पतालं भार धाने याये फइमखु
अनलागा ५ ११४०,असोज २१ बुधवाः | अनलागा ५ ११४०,असोज २१ बुधवाः
स्वास्थ्य तथा जनसंख्या मन्त्रालयं थःथ याना कोरोना संक्रमण अप्वोया वनकि कोरोना संक्रमितपिनिगु वासः यायेत अस्पतालं भार धाने याये फइ मखु धका धाःगु दु।
मन्त्रालयं थौं बुधवाः ग्वसाः ग्वगु नियमित कोरोना प्रेस ब्रिफिङय् प्रवक्ता डा जागेश्वर गौतमं विशेषयाना स्वनिगलय् संक्रमितपिनिगु उपचारय् व्यवस्थापन यायेत थप चुनौती वइ अस्पतालं भार थेगे याये फइ मखु धका धाःगु दु।
डा गौतमं कोरोना संक्रमण अप्वो जुया वना गुलि अस्पतालय् बेडया अभाव जुया वने धुकुगु दु धका धाःगु दु। बिरामीपिनिगु पायक जुगु थासय् बेड उपलब्ध जुइ फयाच्वंगु मदु। थ्व महमारीया प्रकोपया इलय् दक्को सरकारी व निजी अस्पतालय् उपचारया व्यवस्था याये माःगु दु धका धाःगु दुु२४ घन्टाको अध्यावधिक विवरणया कथं देय् यकं ३४३९ म्ह कोरोना भाइरस संक्रमण पुष्टि जुगु खः।
संक्रमण यक्को जुया वंगु कारण अस्वाभाविक रुपं सार्वजनिक थासय् हुलमुल जुगु, न्ह्याय् म्हुतू त्वपूना मास्क मतइगु, छम्ह म्हेसिया दथुइ दुरी कायम मजुगु व सावः लखं ल्हामसिलिगु याना संक्रमण अप्वोया वःगु धका डा गौतमं धाःगु दु।
डा गौतमं न्ह्यने वया च्वंगु नखः वया च्वंगुलि सामान न्यायेत हुलमुल मयासे बजारय् वनेत न इनाप याःगु दु। कोरोना संक्रमण जनस्वास्थ्यं तधःगु समस्या जुगुलि नियन्त्रण व रोकथामया लागि सकसिगु तधःगु भूमिका दइ धका धाःगु दु।
म्वायेकः छेँय् न पिहा मवनेत व वनेमाःसा मास्क तया वनेगु, सावः लखं ल्हासिलिगु व स्यानिटाइजर छ्यलेत डा गौतमं इनाप याःगु दु।
छन्हु थपे जुल ३ हजार ४३९म्ह कोरोना संक्रमित
लहानान्युज | अनलागा ५ ११४०,असोज २१ बुधवाः
वःगु २४ घण्टाया दुने १ हजार १२६म्हेसित कोरोना संक्रमितपि डिस्चार्ज जूगु दु।
अथेहे वःगु २४ घण्टाया दुने थौं बुधवाः जक थप ३ हजार ४३९ म्हेसित कोरोना संक्रमण पुष्टि जुगु धका स्वास्थ्य तथा जनसंख्या मन्त्रालयं धाःगु दु। थ्व धइगु आःतक हे दकलय् अप्वो खः।
मन्त्रालयया नियमित कोरोना मिडिया ब्रिफिङय् थौं प्रवक्ता डा जागेश्वर गौतमं थ्व नाप आःतक ९४ हजार २५३ संक्रमितपि थ्यःगु दु धका धाःगु दु।
आःतक देय् यकं सक्रिय संक्रमितपि २५ हजार ७ म्ह थ्यःगु दु ।
२४ घण्टाया दुने १ हजार १२६ म्ह कोरोना संक्रमित डिस्चार्ज जुइवं कोरोना संक्रमणमुक्त जुया छेँय् लिहावःपि ६८ हजार ६६८ म्ह थ्यःगु दु।
स्वनिगलय् १६८४म्हेसित कोरोना सक्रमित
लहानान्युज | अनलागा ५ ११४०,असोज २१ बुधवाः
वःगु २४ घण्टाया दुने स्वनिगः दुने थप १ हजार ६८४ म्ह कोरोना संक्रमण पुष्टि जूगु दु।
थौं येँ जक १ हजार २९६ म्हेसित कोरोना सक्रमण पुष्टि जूगु दु।
अथेहे यलय् २९३ म्हेसित व ख्वपय् ९५ म्हेसित कोरोना सक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु खः।
२४ घण्टाया दुने जम्मा १४ हजार २०९म्हेसिगु पीसीआर परीक्षण याःगु खः।
मन्त्रालयया कथं आःतक पीसीआर विधिपाखे ११ लाख १३ हजार ४८६ म्हेसिगु परीक्षण याःगु खः।
