नेकपा प्रचण्ड–माधव समूहया नेतृ रामकुमारी झाँक्री न राष्ट्रपति विद्यादेवी भण्डारीयात सन्की प्रधानमन्त्री केपी शर्मा ओलीया प्यादा जुगु द्धपः बियादीगु दु ।

प्रतिनिधिसभा विघटनया विरोधय् प्रचण्ड–माधव समूह नं थौं बुधवाः येँ याःगु आमसभाय् नेतृ झाँक्री न राष्ट्रपति थे जाःगु सम्माननीय संस्था थःपिन्स बलिदानी हयाःगु व उगु संस्थाविरुद्ध न्ववायेगु दुस्साहस मयानगु धका धयादीगु खः। सू न व्यक्ति निर्वाचनया प्रक्रियापाखे संस्थाय् वना निरंकुशताया साक्षी च्वगु, छम्ह प्यादा जुया अज्याम्ह पात्रविरुद्ध न्ववाये दइ’ वयकलं धयादी, ‘छम्ह खलपात्रविरुद्ध न्ववायेगु झ्वलय् सू ना धाइ मिसाया अस्मिता मिचे यात?’ ‘मिसा या अस्मिता ला उगु इलय् बलात्कृत जूगु दु, गुगु इलय् निर्मला पन्त, भागरथी भट्ट थे मचापि बलात्कृत जुगु खः, ।

उमिगु हत्या जुगु दु।’  नेता झाँक्री न प्रधानमन्त्री ओली भ्वँया बादशाह जुगु धका धयादीगु दु । बादशाहपि कमजोर वनकि भ्वँया तधःपि बुख्याँचा दयेकेगु जुइ धका धयादीसे वयकलं, ‘खड्गप्रसाद ओली भ्वँया बादशाह खः, व ढले जुल, घोषणा जुइ ल्यदनिइ।’ थःपिन्स व्यक्तियात मखु ओली प्रवृत्तिया विरोध यानागु खः वयकलं पार्टीया वइगु दिं  थज्यागु प्रवृत्ति जन्म जुइके मबित प्रतिवद्धता प्वकेत नेतापिन्त इनाप यानादगु दु।

सरकारं थःगु आलोचना याइगु सञ्चार माध्यमयात नियमन व नियन्त्रण यायेगु निर्देशिका हयेगु तयारी याःगु दु । सञ्चार तथा सूचना प्रविधि मन्त्रालयें खासयाना अनलाइन माध्यमय् नियन्त्रण यायेगु निर्देशिका हयेगु तयारी यानाच्वंगु दु ।

सञ्चार तथा सूचना प्रविधि मन्त्री पार्वत गुरुङं सञ्चार माध्यम व सञ्चारकर्मीयात अमर्यादित व गैरजिम्मेवार मजुइमेत थज्यागु निर्देशिका हयेगु जानकारी बियादीगु दु । ‘स्वतन्त्रताया उपभोग यायेगु नामय् दर्ता हे मयासे फेसबुक, युट्युब, अनलाइन थे गुलि माध्यम विकृति रोके यायेत सामाजिक सञ्जाल सम्बन्धी निर्देशिका २०७७ जारी यायेगु तयारी दुं,’ मन्त्री गुरुङं धाःगु दु, ‘गुकिइ झीगु समाजयात अराजकतापाखे विकृति, विसंगतिपाखे वने मबिइत, सञ्चारकर्मी व सञ्चार क्षेत्रय्  अराजक जुइगु, अमर्यादित जुइगु व गैरजिम्मेवार मजुइकेत नेपाल सरकार सचेत याये चाहे जु।’

अभिव्यक्ति स्वतन्त्रताया नामय् सरकारं याःगु गलत ज्याया आलोचना, राष्ट्रपति व अदालतया विषयय तक टिकाटिप्पणी जुइके मबिइत धाःसे निर्देशिका हयेत्यनागु दु । ‘वःगु दिं झीगु अभिव्यक्ति स्वतन्त्रताया आडय् छाडा, उत्तेजक व व्यक्तिकेन्द्रित नाप सम्मानित अदालत व सम्मानित राष्ट्रपति प्रति न छू अभिव्यक्ति बिइत सामाजिक सञ्जाल व सू जिम्मेवार अनलाइन माध्यम तक प्रसारण याःगु खनेदु,’ सञ्चारमन्त्री गुरुङं धयादीगु दु,।’

प्रतिनिधिसभा विघटनविरुद्ध आन्दोलनरत दाहाल–नेपाल नेतृत्वया नेकपा थौं बुधवाः योँ विरोध प्रदर्शन सुरु याःगु दु ।

आन्दोलनया निगुगु चरणया ज्याझ्वः घोषणा यागु नेकपा विरोध जुलुस नाप थौं छगु सभा आयोजना याःगु दु। पार्टी न  स्वनिगः थीथी न्यागु थासं जुलुस पिकाःगु दु । पुल्चोक, त्रिपुरेश्वर, माइतीघर, केशरमहल, त्रिचन्द्र कलेजपाखे पिहावःगु जुलुसया नेतृत्व यायेत पार्टी न थीथी नेतापिन्त कमान्डर तोके याःगु खः । उगु जुलुस छथाय् मुना भृकुटीमण्डपय् वना कोणसभा हिलिइ ।

गु सभाय् अध्यक्ष पुष्पकमल दाहाल, माधवकुमार नेपाल, वरिष्ठ नेता झलनाथ खनाल, प्रवक्ता नारायणकाजी श्रेष्ठपिन्स सम्बोधन यायेत्यःगु खः । व नाप केन्द्रीय सदस्यपि अञ्जना विशंखे, अमृता थापा, भानुभक्त जोशी, महफुज अन्सारी, रामकुमारी झाँक्री, रामचन्द्र झा, सन्तकुमार चौधरी स्थायी कमिटी सदस्यपि जनार्दन शर्मा, देव गरुङ, रघुजी पन्तपिन्स न सम्बोधन याइ ।

ज्याझ्वःया अध्यक्षता केन्द्रीय सदस्य हितबहादुर तामाङ, लसकुस जीवनराम श्रेष्ठ व सञ्चालन स्थायी कमिटी सदस्य लिलामणि पोखरेल याइ ।

माधव नारायण व्रत या व्रतालुपि थौं पशुपति बाय् च्वनिइगु जुगु दु ।

कन्ह्य औँसीया दिं पशुपतिइ म्वल्हुया व व्रत पूजा याना, न्हिनय् सानो गौचरणय् भोजन याना डिल्लीबजार, कालिकास्थान, सिंहदरवार, माईतीघर, हनुमानस्थान, नख्खु जेलया लँ जुया फर्पिंङ शेषनारायणय् बाय् च्वनेत वनिइ ।

कसं पारु कुन्हु फर्पिङय् व्रत पूजा याना न्हिनय् शंखमूलय् थ्यका भोजन याइ । वया लिप नयाँ बानेश्वरं पुरानो बानेश्वर, गौशाला, पशुपति, टुसाल, बौद्ध, जोरपाटी, थली, डाँछी, ब्रम्हखेल जुया सक्वय् वना बाय् च्वनिइ ।

बृहत् नागरिक आन्दोलनं ‘महिला मार्च’ याइगु जुगु दु । शुक्रवाः माघ ३० गते बसन्तपुर डबलीपाखे माइतिघरतक मिसापिन्स मार्च नाप आन्दोलन यायेत्यःगु दु नागरिक समाजया मिसा फोर्स नं जारी याःगु विज्ञप्ति कथं मैना सुनुवार निसे निर्मला पन्त तक, अंगिरा पासी निसे भागीरथ भट्ट तक सिलसिला आः न्ह्यावलय् निति बन्द यायेगु लागिु उगु मार्च याये त्यःगु खः ।

विज्ञप्तिइ धयातबःगु दु दक्को कथंया मिसा हिंसा,हत्या व दण्डहिनताया अन्त्य यायेगु लागि उगु आन्दोलित यायेत्यःगु खःं । थुगु आन्दोलनया आमनागरिकयात ब्बति कायेत इनाप याःगु दु । उगु मार्च वसन्तपुर जुया न्यूरोड, रत्नपार्क व भद्रकाली जुया सिंहदरबार मूलगेटय् वना सभाय् हिलिइ । उकिइ मिसा व  मिजपिन्स मिसा मुक्तिया नारा लगे याना न्ह्या वनिइ।

वृहत् नागरिक आन्दोलनया पाखे मोहना अन्सारी, अर्चना थापा, रिता शाह, रिता परियार, प्रणेता, प्रणिका कोयु, प्रकृति भट्टराई, कैलाश राई व दोभान राईपिन्स मिसा मार्चया मंकाः इनाप याःगु दु ।