स्वनिगः दुने थौं २३३ म्हेसित कोरोना संक्रमितपि थपे जुगु दु।

वःगु २४ घण्टाय् जक संक्रमित जूपि मिसापि ७२ म्ह व १६१ म्ह मिजंपि खः।

अथेहे येँ जक १५९,म्ह यलय् ५० म्ह व ख्वपय् २४ म्हेसित कोरोना संक्रमित पुष्टि जूगु दु।

थौ देयन्यक ४०९म्हेसित कोरोना सक्रमित जुगु खः। 

अथेहे ४०५म्ह कोरोनामुत्त जुगु दु सा खुम्ह सी गु दु।

वःगु २४ घण्टाय् ४९५ म्ह कोरोना सक्रमितपि डिस्चार्ज जुया छेँय् लिहावःगु दु।

थ्व नाप आःतक कोरोनामुक्त जूपि २ लाख ५६ हजार १६१ म्ह थ्यःगु दु। २४ घण्टाय् कोरोनाया कारणं थौं खुम्ह सीगु दु ।

थ्व नाप आःतक कोरोनां सीपि १ हजार ८९९ म्ह थ्यःगु दु।

वःगु २४ घण्टाया दुने देयन्यक ४०९ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।

संक्रमित जुपि मध्ये १४४ म्ह मिसापि व मिजंपि २६५ म्ह खः। २४ घण्टाय् ६ हजार ७०६ म्हेसिग पीसीआर परीक्षण याःगु खः।

थ्व नाप आःतक १९ लाख ६४ हजार १६० म्हेसिगु पीसीआर परीक्षण याये धुकुगु दु । थ्व नाप आःतक देयन्यक संक्रमित जूपि २ लाख ६३ हजार १९३ म्ह थ्यःगु दु।

सक्रिय संक्रमितपि ५ हजार १३३ म्ह दु सा क्वारेन्टाइनय् ३४२ म्ह दु ।

येँ महानगरपालिकाया मेयर विद्यासुन्दर शाक्यं मेलम्ची खानेपानी आयोजनाया ज्या सम्पन्न जुइवं येँय् धुँ ब्वइ मखु धा धयादीसे धुँ मब्वकेबिइगु अभियानया मुर्तरुप प्राप्त जुइ धका धयादीगु दु ।

येँ महानगरपालिका व मेलम्ची नगरपालिका दथुइ अन्तरस्थानीय तह भगिनी सम्वन्ध स्थापनाया लागि समझदारी–पत्रय् ल्हाचिं तये धुका मेयर शाक्य अथे धयादीगु खः। समझदारी–पत्रय् येँं महानगरया मेयर विद्यासुन्दर शाक्य व मेलम्ची नगरपालिकाया मेयर डम्बर बहादुर अर्यालपिन्स ल्हाचिं तयादीगु खः। येँ ताःई निसे मेलम्चीया लः वइगु धइगु आशय् दु। थौं थुगु नगरपालिका दथुइ भगिनी सम्बन्ध स्थापना याये दत, मेलम्ची व येँया सम्बन्ध थप बालाइ धका भलसा कयादीगु दु ।

मेयर शाक्यं मेलम्ची खानेपानी विस्तारया आयोजना सम्पन्न मजुया येँ महानगरया यक्को बजेट सडक म्हुइगुलि व दयेकेगुलि खर्च जुगु धका धयादीगु दु । ‘खानेपानी आयोजना व सडक विस्तारया ज्या याकन क्वमचाया थनया सडकय् यक्को धुँ ब्बःगु धका धयादीसे, मेयर शाक्यं, ‘येँ महानगरपालिका व मेलम्ची नगरपालिका दथुइ अन्तरस्थानीय तह भगिनी सम्वन्ध स्थापना जुगु दु । थुगु समन्वय, सहकार्य व साझेदारी मार्फत निगु नगरया दथुइया अनुभव आदान प्रदान यायेगु व मंकाः कुतलं संस्थागत प्रणाली सुदृढीकरण व सवलिकरणया लागि थप प्रयास जुइ अपेक्षा कयादीगु दु ।’

वयकलं नगर–नगर साझेदारी ज्याझ्वः अन्तरगत हरियाली प्रर्वद्धन व पार्क निर्माणया लागि येँ झीगु व मध्यपुर ठिमी नगरपालिकानाप साझेदारी ज्याझ्वः जुइ धुकुगु दु धका धयादीगु दु । मेयर शाक्यं देय् दुनेया स्थानीय तह दथुइ भगिनी सम्बन्ध स्थापना यायेगु ज्या महानगरपालिकां याना च्वनागु दु धका धयादीसे थुकिइ पर्यटन नाप धार्मिक पर्यटनया लागि थप ग्वाहालि जुइ धका धयादीगु दु।

स्थानीय सरकार सञ्चालन ऐन, २०७४ या दफा २६ को खण्ड (ट) या कानुनी व्यवस्था बमोजिम संघीय राजधानी येँ दुगु ऐतिहासिक, धार्मिक व पुरातात्विक महत्वया येँ महानगरपालिका व प्राकृतिक श्रोत साधन सम्पन्न पर्यटकीय नगर मेलम्ची दथुइ भगिनी सम्बन्ध स्थापना यानागु खः धका महानगरपालिकां जानकारी बिःगु खः ।

भगिनी सम्बन्ध स्थापना जुइवं येँ महानगरपालिकाया आ.व.२०७७÷०७८ या स्वीकृत बजेट अन्तर्गत नगर नगर साझेदारी ज्याझ्वः कार्यान्वयन यायेत भगिनी सम्वन्ध स्थापना याये कथं सिन्धुपाल्चोक जिल्ला मेलम्ची नगरपालिकानाप सहकार्यं पर्यटकीय थाय् या रुपय् विकास यायेत मेलम्ची सिटी पार्क निर्माण यायेगु  सम्झौताय् उल्लेख याना तःगुदु  गरेका पनि गरेको छ ।

महानगरपालिकां समझदारी लिपा मेलम्ची नगरपालिका वडा नं.१० मेलम्ची बजार नाप इन्द्रावती खुसि सिथय् लःया फोहरा, हेलिप्याड, पर्यटक विश्रामस्थल, बालबालिका खेलकुद कक्ष सहितया पर्यटकीय मेलम्ची सिटी पार्क निर्माणया लागि रु. १ करोड ५० लाख रकम अनुदान बिइगु सम्झौता–पत्रय् हस्ताक्षर याःगु खः।