येँ महानगरपालिकाया मेयर विद्यासुन्दर शाक्य, प्रधानमन्त्रीया विदेश मामिला सल्लाहकार डाक्टर राजन भट्टराई, वडाध्यक्ष शुद्धकुमार डंगोल, येँ महानगरपालिका सहरी पूर्वाधार विभागया प्रमुख राम थापापिन्स चावहिल मैजुबहाल चक्रपथ वना अनुगमन याःगु खः।

ताःईनिसे नगरविकास आयोजना तक अलपत्र याःगु मैजुबहाल चक्रपथय् करीब २ किलोमिटर लँ मेयर शाक्य थ्यःगु इलय् कालोपत्र यायेगु ज्या जुयाच्वंगु खः। वःगु निन्यादँ निसे महानगर जुया लँ पिच मजुगु व लँय् मतया न ब्यवस्था मदुगु खः। उगु कच्ची लँय् न्हिन्हि धुँ ब्बया लँय् न्यासि वनेत तक थाकू । आः पिच जुइवं स्थानीयापि लय्ताःगु दु करीब नि घौति अनुगमनय् यायेगु झ्वलय् सञ्चारकःमिपि नाप खँ ल्हायेगु झ्वलय् मेयर शाक्यं थः निर्वाचित जुइ धुका विकास निर्माणया ज्याय् प्रत्यक्ष जानकारी कायेगु कथं थथे अनुगमन याना वयाच्वनगु दु।

‘जिमिसं प्रत्येक वडायय् विकास निर्माणका लागि बजेट छ्वयाःगु दु,’ वयकल धयादीगु दु, ‘केन्द्रपाखे छ्वया हःगु बजेट व वडामार्फत न परिचालन जूगु बजेटपाखे गुलि ज्या जुयाच्वंगु दु । गुलि क्वचाये धुकुगु दु धका जानकारी कायेत थथे अनुगमन यानागु खः । थज्यागु अनुगमनपाखे ३२ गु वडाय् न्ह्याका वयाच्वनगु दु।’ मेयर शाक्य चुनाव प्रचारया इलय् मैजुबहाल चक्रपथय पिच यायेग ज्या थः निर्वाचित जुलकि पूरा यायेगु प्रतिवद्धता व्यक्त यानागु खँ लुमकादीसे थौं थुगु ज्या क्वचाये त्यःगुलि लय्ताया दीगु खः। थः चुनाव प्रचारया इलय् ताः ईनिसे अलपत्र जुयाच्वंगु लँ थःगु कार्यकालय् पूरा यायेगु प्रतिवद्धता प्वकाःगु खः।

च्याःगु करोड स्वया अप्वो बजेट चिधःगु मखू। तधःगु बजेटया ज्या जुगुलि योजना पूरा मजुइ धका थनया स्थानीयपिनिगु ग्याचिकू दुगु खः । थौं सम्पन्न जुइगु चरणय् थ्यःगु दु,’ धका धयादीसे, थ्व दक्को टिमओर्कया कारण सम्भव जूगु दु नाप मेगु ल्यलनिगु थज्यागु ज्या थुगु हे कार्यकालय् पूरा यायेगु प्रतिवद्धता व्यक्त यानादीगु खः ।

सल्लाहकार भट्टराई न ज्या जुयाच्वंगु सन्तोषजनक जुयाच्वगुलि लय्तायादीगु खः। वडाध्यक्ष डंगोलं थः उम्मेदवार जूगु इलय् आः निर्वाचित जुइ धुका विकास निर्माणया जिम्मा कायेगु प्रतिवद्धता व्यक्त यानागु थौं पूरा जुइगु चरणय् थ्यःगु दु। नगर विकासं अलपत्र याना त्वता थकगु थुगु मैजुबहाल चक्रपथय् पिच यायेगु ज्या महानगरपालिकां सम्पन्न याना त्वते धका धयादीगु खः। मैजुबहाल चक्रपथय् करीब २ किलोमिटर कालोपत्रे यायेगु, मतया लठा सरे यायेत करीब ८ करोड ५० लाखया योजना दुगु धका धयादीगु खः।

स्वास्थ्य तथा जनसंख्या मन्त्रालयया कथं वःगु २४ घण्टाया दुने स्वनिगलय् थप २८७ म्हेसित कोरोना संक्रमण पुष्टि जूगु दु।

थौं कोरोना पुष्टि जूपि मिसापि १२१ म्ह व मिजंपि १६६ म्ह खः।

अथेहे येँ जक २०२म्हेसित कोरोना सक्रमित जुगु दु धका मन्त्रालय धाःगु दु।

ख्वय् ९ म्ह व यलय् ७६ म्हेसित कोरोना संक्रमितपि थपे जुगु दु।

वःगु २४ घण्टाया दुने १ हजार २९ म्ह कोरोनामुक्त जुगु दु धका स्वास्थ्य मन्त्रालयं धाःगु दु।

थ्व नाप आःतक कोरोना संक्रमणमुक्त जूपि २ लाख ४१ हजार ३९२ म्ह थ्यःगु दु ।

अथेहे वःगु २४ घण्टाय् जक १६ म्ह मन्त। थ्व नाप आःतक कोरोना संक्रमणं सीपि १ हजार ७६५ म्ह थ्यःगु दु।

स्वास्थ्य तथा जनसंख्या मन्त्रालयया कथं वःगु २४ घण्टाया दुने थप ७८२ म्ह कोरोना संक्रमण पुष्टि जूगु दु ।

संक्रमण पुष्टि जूपि मध्ये मिसापि ३०५ म्ह व ४७७ म्ह मिजंपि खः। थ्व नाप नेपालय् २ लाख ५२ हजार ४७४ म्ह कोरोना संक्रमण जूगु दु ।

आःतक पीसीआर परीक्षण यापि १८ लाख ६१ हजार ४३० म्ह थ्यःगु दु । वःगु २४ घण्टाय् जक ५ हजार ७०६ म्हेसिगु पीसीआर परीक्षण याये धुकुगु दु।

अथेहे देयन्यक सक्रिय संक्रमितपि ९ हजार ३१७ म्ह दु । क्वारेन्टाइनय् च्वना च्वपि ४२७ म्ह दु।

येँयाःया झ्वलय् रथय् तयाः कुमारीलिसें जात्रा यायेमाःम्ह गनेद्यः थौं ह्यूगु दु । माःकथया विधि पूवंकाः थौं न्हूगु गणेश तःगु खः ।

येँ पाछैगल्लीयाम्ह प्यदँत्या दुम्ह रोदिनमान शाक्ययात न्हूम्ह गनेद्यः ल्यःगु खः । थ्वयां न्ह्यः, १४ दँनिसें पाको न्हू सडकया समवेग शाक्य गणेश जुयावःगु खः ।

येँया तलेजुया मूल पुजारी उद्धव कर्माचार्यं विधि कथं पूजाआजा यानाः रोदिनमानयात न्हूम्ह गणेशया रुपं प्रतिस्थापन यानादीगु खः । व झ्वलय् पुलांम्ह गणेश समवेगया पाक्वस्थित छेँय् नं गणेशया दक्वं माःगु हलंज्वलं पाछैगल्लीइ रोदिनमानया छेँय् हयाः पूजाविधि क्वचायेकूगु खः ।

दिनेशमान शाक्य व रोजि शाक्यया काय् रोदिन थौंकन्हय् स्वयम्भुस्थित मैत्री विद्यालयस यूकेजीइ ब्वनाच्वंगु दु ।

वंगु निदँ न्ह्यःनिसें येँयाःया गणेश व भैरव हिलेगु खँ जुयाच्वंसां थीथी हुनिं याये मफयाच्वंगु खः ।