Display Style:
Column Style
बाराय् निम्ह कोरोना संक्रमण मन्त
लहनान्युज | ञंलाथ्व ७ ११४०,भाद्र ९ मंगलवाः
कोरोना भाइरस संक्रमणया कारण मंगलवाः बाराय् निम्ह सीगु दु । वीरगञ्जया गण्डक कोभिड अस्पतालय् वासः याका वयाच्वपि निम्ह मनू मदुगु खः ।
मदुपि सुवर्ण गाउँपालिका–४ परशुरामपुरया ७२ दँ दुम्ह व महागढीमाई नगरपालिका ४ दहियार त्वालय् च्वम्ह ५९ दँ दुम्ह खः धका गण्डक कोभिड अस्पतालया संयोजकं जानकारी बिःगु खः ।
वःगु ६ गते कोरोना संक्रमण पुष्टि जूम्ह ७२ दँ दुम्ह मनू छेँय् आइसोलेसनय् च्वना च्वम्ह खः । वयात स्वास्थ्यय् समस्या वये वः ८ गते गण्डक कोभिड अस्पतालय् वासः यायेत हःगु खःसा थौं मंगलवाः मदुगु खः ।
अथेहे मेम्ह ४ गते कोरोना संक्रमण पुष्टि जुम्ह महागढीमाई नगरपालिकाया ५९ दँ दुम्ह ५ गते गण्डक कोभिड अस्पतालय् भर्ना जुगु खः ।
थौं ७ म्ह सीत, ८५५ म्ह कोरोना सङ्क्रमण
लहनान्युज | ञंलाथ्व ७ ११४०,भाद्र ९ मंगलवाः
थौं वःगु २४ घण्टाय् ८५५ म्ह कोरोना सङ्क्रमण जुगु दु सा न्ह्यम्ह सीगु दु ।
थ्व नाप आः नेपालय् कोरोना सङ्क्रमितपि ल्याः ३३ हजार ५३३ म्ह थ्यःगु दु । वःगु २४ घण्टाय् जक ८५५ म्हेसित कोरोना सङ्क्रमण पुष्टि जूगु दु धका स्वास्थ्य तथा जनसङ्ख्या मन्त्रालयं धाःगु दु ।
अथेहे, वःगु २४ घण्टाय् कोरोना सङ्क्रमितपि न्ह्यम्ह सीगु दु ।
आः सनेपालय् १२ हजार २५० म्ह सक्रिय सङ्क्रमितपि दु । उकि मध्ये न्याद्धः व ६६९म्ह होम आइसोलेशन व च्याद्धः व ५८१ म्ह आइसोलेशनय् च्वना च्वःगु दु ।
अथेतु, १० हजार ४५३ म्ह क्वरेण्टीनय् च्वना च्वंगु दु धका मन्त्रालयं धाःगु द ।
थ्व नाप कोरोना सङ्क्रमण जुया मदुपि आः १६४ म्ह थ्यःगु दु धका मन्त्रालयया प्रवक्ता डाक्टर जागेश्वर गौतमं जानकारी बिःगु दु ।
थप ८५५ जनामा कोरोना संक्रमण पुष्टि
लहनान्युज | ञंलाथ्व ७ ११४०,भाद्र ९मंगलवाः
वःगु २४ घण्टाय् थप ८५५ म्हेसित कोरोना संक्रमण पुष्टि जुगु दु ।
स्वास्थ्य तथा जनसंख्या मन्त्रालयया कथं ११ हजार ३२७म्हेसिगु स्वाब परीक्षण याःगुलि ८५५ म्हेसित कोरोना संक्रमण पुष्टि जूगु दु ।
थ्व नाप थौं मंगलवाः तक संक्रमितपि ३३ हजार ५३३ म्ह थ्यःगु दु ।
वःगु २४ घण्टाय् जक कोरोना संक्रमणपि वासः याका छेँय् लिहावःपि ३१३ म्ह थ्यःगु दु ।
थ्व नाप आःतक डिस्चार्ज जूपि १९ हजार ११९ म्ह थ्यःगु दु ।
महोत्तरी निम्ह कोरोना संक्रमितपि मन्त
लहनान्युज | ञंलाथ्व ७ ११४०,भाद्र ९मंगलवाः
महोत्तरी थौं मंगलवाः निम्ह कोरोना संक्रमितपि मदुगु दु । जिल्लाया मनरा सिस्वा नगरपालिका ३ या ७५दँ दुम्हव बलवा नगरपालिका ३ या ७७ दँ दुम्ह मदुगु खः ।
मनरा सिस्वाय् च्वम्ह जलेश्वर अस्पतालय् थौं सुथय् ११ः३० बजे मदुगु खः ।
अथेहे, बलबा नगरपालिकाया ७७ दँया मनू जनकपुरधामया प्रादेशिक अस्पतालय् वासः याका वयाच्वम्ह थौं सुथया ११ः३० बजे हे मदुगु खः । उम्ह मनू सोमवाः बहनि प्रादेशिक अस्पतालय् भर्ना जूम्ह खः ।
थ्व नाप महोत्तरी जिल्लाय् कोरोना संक्रमण पुष्टि जूया मदुपि प्यम्ह थ्यःगु दु ।
कोरोनां येँ छम्ह मन्त
ञंलाथ्व ७ ११४०,भाद्र ९मंगलवाः
सशस्त्र प्रहरी बलया कोभिड विशेष अस्पतालय् वासः याका वयाच्वम्ह कोरोना संक्रमित छम्ह सीगु दु ।
अस्पतालया कथं येँया छम्ह मिजंम्ह ६६ दँय् मन्त धका धाःगु दु ।
मदुम्ह निमोनियापाखे पिडितम्ह खः धका चिकित्सक धाःगु खः ।
नाप मदुपि कोरोनापाखे १५८ म्ह थ्यःगु दु ।
