Display Style:
Column Style
प्याज थिकेक मिइम्ह ब्यापारीयात कारवाही
लहनान्युज | ञंलागा १४ ११४०,भाद्र ३१ बुधवाः
भारतं प्याज निर्यातय् रोक लगे याःगुलि नेपालय् प्याजया भाः छकल थहा वःगु खः । थज्याःगु ज्याये संलग्न जुम्ह छम्हेसित बुधवाः बल्खु बजारय् छम्ह व्यवसायीयात ज्वःगु दु ।
येँ महानगरपालिकाया अनुगमन टोलीं अप्वो भावं प्याज मिइगुलि सुनिल केसीयात नियन्त्रणय् काःगु खः । उगु टोलीं कानुनी कारबाहीया लागि केसीयात महानगरीय प्रहरी वृत्त, कालिमाटीयात जिम्मा बिःगु खः ।
वयागु पसलं दुई सय ४० बोरा प्याज बरामद याःगु खः । अनुगमनया झ्वलय् वाणिज्य विभागं मेगु न्ह्यःगु पसःयात न हाजिर जुइ कथं जरिवाना पुलेगु पूर्जी काट याःगु दु ।
उमिसं छगु किलोया एक सय ३० रुपैयाँ प्याज मिइगु धका अनुगमन टोलीया छम्ह सदस्यं धाःगु खः । वःगु सोमवाः तक प्याजया भाः छगु किलाया ७६ रुपैयाँ थ्यःगु खः ।
६ रेक्टर स्केलया भुखाय् ब्वल
शोभा श्रेष्ठ | ञंलागा १४ ११४०,भाद्र ३१ बुधवाः
थौं सुथय् ५ः२० वजे येँ भुखाया महसुश जुगु दु ।
उगु भुखाय् सिन्धुपाल्चोक केन्द्रविन्दु जुया थौं सुथय् भ्वखाय् ब्वगु खः ।
सिन्धुपाल्चोकया राम्चे केन्द्रविन्दु जुया सुथसिया ५ः२० मिनेटय् ६ रेक्टरया भ्वखाय् ब्वगु राष्ट्रिय भूकम्प मापन तथा अनुसन्धान केन्द्रं धागु दु।
भुखाचं येँ नाप स्वनिगः नापं जःखःया तसकं संकुगु खः ।
थौं येँ भुखाय् ब्बल
लहनान्युज | ञंलागा १४ ११४०,भाद्र ३१ बुधवाः
येँ भुखाय् ब्बःगु दु । थौं सुथसिया ५ः२०बजे उगु भुखाय् ब्बःगु खः ।
भुखाचं येँ बालक्क सकुलि मनूत छेँय् न तक पिहावःगु खः ।
भुखाय् गुलि रेक्टरया सिइमदुनि ।
कोरोना संक्रमणमुक्त जुपि ४० हजार अप्वोल, १०६२म्ह डिस्चार्ज
लहनान्युज | ञंलागा १३ ११४०,भाद्र ३० मंगलवाः
नेपालय् वःगु २४ घन्टाय् कोरोना संक्रमणपाखे मुक्त जुया छेँय् लिहा वपि १ हजार ६२म्ह धका स्वास्थ्य तथा जनसंख्या मन्त्रालयं धाःगु दु ।
विराटनगरया कोसी अस्पतालया कोभिड–१९ उपचार केन्द्रय् कोरोनामुक्त जुया डिस्चार्ज जूपि ४० हजार ६३८म्ह थ्यःगु दु ।
मन्त्रालयया कथं आःतक पीसीआर विधिपाखे ८ लाख ६१ हजार ७८०म्ह परीक्षण याःगु खः ।
थ्व नाप २४ घन्टाय् जम्मा १० हजार ३७५म्हेसिगु पीसीआर परीक्षण याःगु खः ।
आःतक क्वारेन्टाइनय् च्वना च्वपि ७ हजार २५० म्ह दु । अथेहे सकृय संक्रमितपि १५ हजार ७७९ म्ह थ्यःगु दु ।
२४ घन्टाय् थप ११ म्ह सी धुकुगु दु ।
१४५९ म्ह कोरोना संक्रमण पुष्टि
लहनान्युज | ञंलागा १३ ११४०,भाद्र ३० मंगलवाः
वःगु २४ घण्टाया दुने थप १ हजार ४५९म्हेसित कोरोना भाइरस (कोभिड–१९) या संक्रमण पुष्टि जूगु दु ।
देय् यकया प्रयोगशालाय् याःगु १० हजार ३७५म्हेसित नमुना परीक्षणय् १४५९म्ह संक्रमण पुष्टि जूगु दु।
