Display Style:
Column Style
सीआईबीया २६म्ह अधिकारीयात कोरोना संक्रमणया पुष्टि
लहनान्युज | ञंलागा १३ ११४०,भाद्र ३० मंगलवाः
विशेष प्रकृतिया अपराध अनुसन्धान याइपि नेपाल प्रहरीया केन्द्रीय अनुसन्धान ब्युरो (सीआईबी) या २६ म्ह अधिकारीयात कोरोना भाइरस संक्रमणया पुष्टि जूगु दु ।
नेपाल प्रहरी अस्पताल, महाराजगञ्जय् याःगु परीक्षणय् छम्ह प्रहरी नायब उपरीक्षक (डीएसपी) नाप २६म्हेसित संक्रमण खने दुगु खः ।
ब्युरोया छम्ह अधिकृतया कथं तधःगु ल्याखं अनुसन्धान अधिकारीपिन्त संक्रमण खने दुगुलि कन्ट्याक ट्रेसिङ याना मेपि थप परीक्षण यायेगु जुइ धका धाःगु दु ।
मेपि प्रहरी युनिट थे सर्वसाधारण नाप सम्पर्क मदइगु जुसा ब्युराय् गये याना संक्रमण पिहावःल धइगु खँ पिहा मवनि ।
प्याजया भाः थहा वन
लहनान्युज | ञंलागा १३ ११४०,भाद्र ३० मंगलवाः
भारत सरकारं प्याज निर्यात रोके याये वं नेपालय् प्याजया भाः थहा वःगु दु । अझ ला बजारय् प्याजया हे अझाव जुया भाः तक थहा वःगु दु ।
भन्सार विभागया महानिर्देशकया कथं भारतं प्याज निर्यात रोके याःगु जानकारी बियादिगु खः ।
भारतपाखे म्हिगः भदौ २९ गतेनिसे प्याज मवःगुलि नेपालय् अभाव जुगु धका व्यापारी तयेस न धाःगु दु ।
येँया कालिमाटी च्वंगु तरकारी बजारय् छगु किलो प्याजया भाः ८० तक थ्यःगु दु धका उपभोक्तापिन्स धाःगु दु । छु दिं न्ह्यः तक छगु किलोया प्याज ६५ रुपैयाँ बजारय् मिया च्वंगु खः ।
भारत सरकारं प्याज भाः अप्वोया वःगुलि निर्यात बन्द याःगु खः । थ्व स्वया न्ह्यः सन् २०१९ य् न भारत सरकारं प्याजया निर्यात बन्द याःगु खः।
महालक्ष्मी नगरपालिकाया मेयर रामेश्वर श्रेष्ठ न कोरोना सक्रमण
लहनान्युज | ञंलागा १३ ११४०,भाद्र ३० मंगलवाः
यलया च्वंगु महालक्ष्मी नगरपालिकाया मेयर रामेश्वर श्रेष्ठयात न कोरोना सक्रमण जूगु धका मेयर श्रेष्ठ थःगु सामाजिक संजाल पाखे जानकारी बिगु दु ।
थः वासः याका वयाच्वनागु दु धका धयादिसे मेयर श्रेष्ठ कोरोनामुक्त जुइवं हाकन नगरवासीपिनिगु सेवाय् लिहा वयेगु धका धयादिगु दु ।
वयकल थः नाप सम्पर्कय् दुपि मनू तयेस न पिसिआर टेस्ट यायेत इनाप याःगु दु ।
चाबःहीलीं च्वम्ह ५५ दँया नेवाः मिसा तन
शोभा श्रेष्ठ | ञंलागा १३ ११४०,भाद्र ३० मंगलवाः
येँ महानगरपालिका ७ वडाया कुमारीगालय् च्वनिम्ह ५५ दँया वीणा श्रेष्ठ वःगु आइतवाः न्हिननिसें तनाच्वंगु दु ।
उम्ह मनू चाबहि ओम अस्पतालय् हाउसकिपिङ सुपरभाइजर जुयाः वंगु १०–१२ दँ निसें ज्या यानाच्वनाम्ह श्रेष्ठ आइतवाः सुथय् सदां थें अफिस वंगु खः ।
श्रेष्ठ तःगु खबर वये वः वय्कःया काय् शैलेस श्रेष्ठं गौशाला प्रहरी चौकीइ जाहेरी नं दर्ता याये धुकुगु खः ।
काय्म्ह न्ह्यावलय् थे जाः नयाः अफिस वंम्ह थः मांया अफिसय् न मथ्यंगु, अफिसं लिपा फोन यानाः मवःगु जानकारी बीवं तिनि तंगु खँ स्यूगु खः ।
थःथितिपिं नाप पासापिं सकसिकें न्यना स्वःसां सुयाकें वय्कःया खबर मदुगुलिं बहनी फेसबुकपाखें तंगु सुचं पिकानगु धका काय् श्रेष्ठं धाःगु खः ।
किपूया भाजंगाःया घटनायात कया पत्रकार सम्मेलन
लहनान्युज | ञंलागा १२ ११४०,भाद्र २९ सोमवाः
वःगु शुक्रवाः किपूलि छेँ थुवाः न मनू स्यात धइगु खँय् भाजंगालय् थौं सोमवाः छगु पत्रकार सम्मेलन याना जानकारी बिःगु खः ।
किपूया नगरपालिका वडा नं.७या भाजंगालय् वःगु शुक्रवाः छेँथुवाःपि खुम्ह मिले जुया बालं च्वम्ह छम्ह शम्भु महतों स्याःगु धयागु खँय् थीथी मिडियाय् पिडित पक्ष (मदुम्ह शम्भु महतो) पाखे समाचार सम्प्रेषण जुया वयाच्वंगु खः ।
थुगु बुँखय् भाजंगालय् च्वपिनिगु असहमती दुगु खः । वःगु शुक्रवाः जुगु थुगु घटनाय् छेँथुवाः प्रेमकृष्ण महर्जन लगायत वया मेपि न्याम्ह परिवार मिले जुया शम्भु महतोयात स्यागु द्धपःबिया उजुरी व समाचार संप्रेषण जूगु व गलत खः ।
उगु घटनाय् प्रेमकृष्ण महर्जन वाहेक मेपि परिवारया सू न सदस्यपिनिगु संलग्नता मदुगु व छु न कथंया अपहरण मजूगु धका अन त्वालय् च्वपिन्स धाःगु दु ।
दोषीयात कारवाही जूइमा धाःसे निर्दोषयात तत्काल रिहाई याये माः धका धाःगु दु । उगु घटनाय् रड क्यका ख्वालं हिं वःगु धका समाचार वःगु वगलत खः धका न धाःगु दु ।
उगु घटनायात कया भाजंगाः व किपूया हे बेइज्जत यायेगु कथं या समाचार वःगुल तसक आपति याःगु दु।
किपा नजरराम मजर्हनया फेसबुकपाखे
