Display Style:
Column Style
११७०म्ह कोरोना कोरोना संक्रमण पुष्टि
ञंलागा १२ ११४०,भाद्र २९ सोमवाः
नेपालय् वःगु २४ घण्टाया दुने ११७०म्ह कोरोना कोरोना संक्रमण पुष्टि जूगु धका स्वास्थ्य तथा जनसंख्या मन्त्रालय धाःगु दु ।
मन्त्रालयया नियमित प्रेस ब्रिफिङय् प्रवक्ता डा जागेश्वर गौतमया कथं थ्व नाप संक्रमितपि ५५ हजार स्वया अप्वो जुइ धुकुगु दु धका धाःगु दु ।
अथेहे वःगु २४ घन्टाय् कोरोनामुक्त जूपि ८७९म्ह डिस्चार्ज जूगु दु । थ्व नाप नेपालय् आःतक कोरोनामुक्त जूपि ३९ हजार ५७६म्ह थ्यःगु दु ।
वःगु २४ घन्टाय् नेपालय् थप १५ म्ह कोरोना संक्रमणपाखे सी धुकुगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमणपाखे सीपि ३६०म्ह थ्यःगु दु।
स्वनिगः दुने ५१२म्हेसित कोरोना संक्रमण
लहनान्युज | ञंलागा १२ ११४०,भाद्र २९ सोमवाः
वःगु २४ घण्टाय् स्वनिगः दुने जक थप ५१२म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया कथं थौं सोमवाः येँ जक ४४०म्हेसित कोरोना संक्रमण पुष्टि जुगु दु ।
अथेहे यलय् २९म्ह व ख्वपय् ४३ म्हेसित कोरोना संक्रमण पुष्टि जूगु दु।
म्हिगः आइतवाः स्वनिगलय् ५९७म्हेसित कोरोना संक्रमण खने दुगु खः।
वःगु २४ घण्टाय् नेपालय् ८७९म्ह कोरोना संक्रमतमुक्त
लहनान्युज | ञंलागा १२ ११४०,भाद्र २९ सोमवाः
वःगु २४ घण्टाय् नेपालय् ८७९म्ह कोरोना संक्रमित वासः याका छेँय् लिहावःगु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोनामुक्त जुपि आः ३९ हजार स्वया अप्वो जुइ धुकुगु दु ।
नेपालय् थौं सोमवाः तक कोरोनामुक्त जुपि ३९ हजार ५७६म्ह थ्यःगु दु धका मन्त्रालयया प्रवक्ता डा.जागेश्वर गौतमं धाःगु खः ।
अथेहे देय् यकं कोरोना संक्रमितपि ५५ हजार ३२९म्ह थ्यःगु दु । आःतक सक्रिय कोरोना संक्रमितपि १५ हजार ३९३म्ह थ्यःगु दु धका मन्त्रालयया प्रवक्ता गौतमं सोमवाः मिडिया ब्रिफिङय् जानकारी बिःगु खः ।
वःगु २४ घण्टाय् ११७०म्ह कोरोना संक्रमण खने दुगु खः।
येँ महानगर १७ वडां सक्रमितपिन्त माक्स,सेनिटाइजर व जुस बितरणयात
शोभा श्रेष्ठ | ञंलागा १२ ११४०,भाद्र २९ सोमवाः
येँ महानगरपालिका १७ वडापाखे कोरोना सक्रमण जूया च्वपिन्त माःगु सावः, माक्स, सेनिटाइजर, फ्रेसिल, जुस लगायत च्याताजि सामान थःगुु वडाय् छेँय् आइसोलेसनय् च्वना च्वपिन्त छेँय् वना बिउवःगु दु ।
१७ वडा अधक्ष्य नविन मानन्धरया कथं १७ वडा दुने आःतक ५५म्ह सक्रमण जुइ धुकुगु दु सा १२ म्ह सक्रमणमुक्त जुइ धुकुगु दु धका लहनान्युजयात जानकारी बिःगु दु ।
सक्रमण जुया आः ३४म्ह थःगु छेँय् हे होम आइसोलेसनय् च्वना च्वपिन्त थौं वडापाखे उगु सामान बिइगु ज्या जुगु धका न जानकारी बियादिगु खः।
नेपाल एयरलाइन्सया निम्ह पाइलट कोरोना संक्रमण पुष्टि
शोभा श्रेष्ठ | ञंलागा १२ ११४०,भाद्र २९ सोमवाः
नेपाल एयरलाइन्सया निम्ह क्याप्टेन पाइलटयात कोरोना भाइरस संक्रमण पुष्टि जुगु दु ।
परीक्षणया झ्वलय् कोरोना संक्रमण पुष्टि जूपि नेपाल वायु सेवा निगमया प्रवक्ता धाःगु दु ।
उमिगु स्वाब म्हिगः संकलन याःगु खः । संक्रमित निम्ह सोल्टी होटलया आइसोलेसनय् च्वना च्वंगु दु ।
