Display Style:
Column Style
वीरगञ्जय् कोरोनामुक्त जुया नीम्ह छेँ लिहा वन
लहनान्युज | ञंलाथ्व ४ ११४०,भाद्र ६ सनिवाः
वीरगञ्ज होटल रानीपोखरी सेमी(आइसोलेसन सेन्टरपाखे २०म्ह कोरोना मुक्त जुया छेँय् लिहा वःगु दु ।
होटल रानीपोखरीय् चिकित्सकीय परामर्श सुविधा सहित लक्षण पिहा मवःपि ५२म्हेसित संक्रमित तया तःगु थासं २०म्ह डिस्चार्ज जूगु दु धका आइसोलेसनया व्यवस्थापकं जानकारी बिःगु दु
।
थ्व स्वया न्ह्य पर्साय् ७२म्ह मिसापि नाप ३४५म्ह कोरोनामुक्त जुया छेँय् लिहा वःगु खः ।
पर्साय् निम्ह कोरोना सङ्क्रमित मन्त
लहनान्युज | ञंलाथ्व ४ ११४०,भाद्र ६ सनिवाः
पर्साय् कोरोना भाइरस सङ्क्रमणया कारण निम्हेसिगु ज्यान वःगु दु ।
वीरगञ्ज महानगरपालिकाया सुगौली बिताय् च्वम्ह ५८ दँया मिजंम्ह व बहुदरमाई नगरपालिका बहुअरीया ६१ दँया मिजंम्हेसित कोरोना सङ्क्रमणं ज्यान वःगु दु ।
५८ दँया मिजंम्ह नारायणी कोभिड अस्पताल वीरगञ्ज हेल्थ केयरय् वासः याकेगु झ्वलय् वःगु चान्ह्य मदुगु धका जिल्ला प्रशासन कार्यालय पर्सां धाःगु दु । वयाःगु ४ गते स्वाब संकलन याना पीसीआर परीक्षण याःगु खःसा म्हिगः जक रिपोट पोजेटिभ वःगु खः ।
अथेहे ६१दँ दुम्ह मिजंम्ह छु न ट्राभल हिस्ट्री मदुम्ह मूसु वःगु व सासः ल्ह्यायेगु समस्या वया वःगु ४ गते वासः याकेत अस्पताल भर्ना जूवःम्ह खः ।
उम्ह मनू थौं सुथसिया ७ः१५ बजे मदुगु धका जानकारी बिःगु खः ।
संक्रमण खने दुथाय् येँ महानगर वासः छ्वाकल
नृपेन्द्रलाल श्रेष्ठ | ञंलाथ्व ४ ११४०,भाद्र ६ सनिवाः
येँ महानगरपालिकां कोरोना भाइरस (कोभिड–१९) नियन्त्रण व रोकथामया लागि वासः (डीस–इन्फेक्टेन्ट) छ्वाकेगु ज्यायात हाकन निरन्तरता बिःगु दुु ।
कोभिड–१९ (कोरोना भाइरस) संक्रमण फैलै मयायेत संक्रमण खने दुथाय् व जोखिमयुक्त थासय् व सार्वजनिक थासय् निसंक्रमण यायेगु ज्यायात निरन्तरता येँ महानगरपालिका याःगु दु ।
येँ महानगरपालिकां कोभिड–१९ या माहामारी नाप टेकु, वीर अस्पताल, कालीमाटी फलफुल बजारय् डीस–इन्फेक्टेन्ट यायेगु ज्यायात निरन्तरता बिया वया च्वंगु खः । संक्रमण खने दुगु
थासय्, अस्पताल व सार्वजनिक थासय् निसंक्रमण यायेगु ज्यायात आः न निरन्तरता बिया वयाच्वःगु धका येँ महानगरपालिकां जानकारी बिःगु खः ।
थुकिया लागि न्हि झीगः सवारी व उपकरण परिचालन याना वयाच्वनागु धका येँ महानगरपालिकाया धापू दु ।
‘कोभिड–१९ या संक्रमण रोकथाम व नियन्त्रणया लागि येँ महानगरपालिकां ३२ गु वडाय् डिस–इन्फेक्टेन्ट यायेगु व न्हि न्यागु टोलीं सम्वन्धी चनचेतनामुलक सन्देश सम्प्रेषणया लागि माइकिङ यायेगु ज्या याना वयाच्वंगु धका,’ यँ महानगरपालिकाया मेयर विद्यासुन्दर शाक्यं, ‘प्रत्येक वडा नाप समन्वय याना न्याःगु अनुगमन टोली तक परिचालन याना वयाच्वनागु धका धयादिगु खः ।’ गर्मी मौसमय् डेंगु लगायतया प्रकोप अप्व जुइ फइगुलि उकिया नियन्त्रणया लागि तक प्रभावकारी यायेगु लागि डीस–इन्फेक्टेन्टया ज्या न्ह्याकेगुलि निरन्तरता बिया वया च्वनागु धका धयादिगु खः ।
१९म्ह स्वास्थ्यकःमि व स्वम्ह ल्वगियात कोरोना संक्रमण पुष्टि
लहनान्युज | ञंलाथ्व २ ११४०,भाद्र ५ शुक्रवाः
अछाम बयलपाटा अस्पतालय् १९ म्ह स्वास्थ्यकःमि व स्वम्ह ल्वगि नाप २२ म्हेसित कोरोना संक्रमण पुष्टि जूगु दु ।
जनस्वास्थ्य कार्यालय अछामया प्रमुखया कथं अस्पतालय् ज्या याइपि १९म्ह स्वास्थ्यकःमि व उगु अस्पतालय् वासः याकाच्वपि स्वम्हह ल्वगियात न कोरोना संक्रमण पुष्टि जूगु दु ।
डडेल्धुरा अस्पतालया प्रयोगशालाय् याःगु परीक्षणय् शुक्रवाः ३७ म्ह संक्रमण खने दुगु खः ।
‘१९ म्ह बयलपाटा अस्पतालया स्वास्थ्यकःमि नाप स्वम्ह बिरामीयात जूगु धका अनायम्ह स्वास्थ्य प्रमुखं धाःगु खः ।
येँ १४२, स्वनिगलय् १८२म्ह कोरोना सङ्क्रमण पुष्टि
लहनान्युज | ञंलाथ्व २ ११४०,भाद्र ५ शुक्रवाः
वःगु २४ घण्टय् स्वनिगलय् थौं १८२ म्ह कोरोना भाइरसया सङ्क्रमण पुष्टि जूगु दु ।
थौं जक येँय् १४२ म्हेसित कोरोना भाइरसया सङ्क्रमण पुष्टि जूगु दु ।
अथेहे यलय् २५ म्ह व ख्वपय् १५ म्हेसित कोरोना सङ्क्रमण पुष्टि जूगु दु धका स्वास्थ्य तथा जनसङ्ख्या मन्त्रालयं धाःगु दु ।
स्वनिगलय् कोरोना भाइरसय जोखिम अप्वया वना च्वंगुलि छवाःया लागि निषेधाज्ञा जारी याःगु खः ।
