Display Style:
Column Style
कर्णाली प्रदेशय् ६२म्ह कोरोना संक्रमण पुष्टि
लहनान्युज | ञंलाथ्व २ ११४०,भाद्र ५ शुक्रवाः
कर्णाली प्रदेशय् वःगु २४ घण्टाय् ६२ म्ह कोरोना भाइरस (कोभिड(१९)या संक्रमण पुष्टि जूु दु ।
जुम्लाया कर्णाली स्वास्थ्य विज्ञान प्रतिष्ठानय् याःगु परीक्षणय् जुम्लाय् ५२म्ह नाप ५६ म्हेसित संक्रमण पुष्टि जूगु दु ।
दकलय् अप्व जुम्लाया हिमा गाउँपालिकाय् ४८ म्ह सित जुगु दु ।
जुम्लाय् आःतक दकलय् अप्व संक्रमितपि पिहा वःगु थ्व न्हापांगु खः ।
थ्व नाप कर्णाली कोरोना संक्रमितपि २२२५म्ह थ्यःगु दु । आःतक अन १९४५ म्ह डिस्चार्ज जुइ धुकुगु दु ।
अथेहे अन खुम्ह सी धूकुगु दु । २७४ म्ह सक्रिय संक्रमित आइसोलेसनय् च्वना च्वंगु दु ।
कोरोनां थप ११ म्ह सीत
लहनान्युज | ञंलाथ्व २ ११४०,भाद्र ५ शुक्रवाः
कोरोना संक्रमणपाखे २४ घन्टाय् थप ११ म्ह मदुगु दु धका स्वास्थ्य तथा जनसंख्या मन्त्रालयं धाःगु दु ।
सीपि छम्ह मिसा व झीम्ह मिजंपि खः ।
मोरङ, पर्सा, बारा, सप्तरी, सर्लाही, येँं, यल, चितवन, मकवानपुर व प्युठानय् छम्ह छम्ह सीगु दु । छम्ह सीम्ह दोलखाया मिसा खः ।
थ्व नाप नेपालय् कोरोना संक्रमणपाखे सीपि आः १३७ म्ह थ्यःगु दु ।
८३८म्हेसित कोरोना संक्रमण पुष्टि
लहनान्युज | ञंलाथ्व २ ११४०,भाद्र ५ शुक्रवाः
वःगु २४ घण्टाय् देय् यकं ८३८म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं १३ हजार ५७९ म्हेसिगु पीसीआर परीक्षण याःगुलि ८३८म्हेसित संक्रमण पुष्टि जूगु खः ।
थ्व नाप आः संक्रमितपि ३० हजार ४८३ म्ह थ्यःगु दु ।
येँ व ख्वपया ३६म्ह सशस्त्र प्रहरीयात कोरोना
लहनान्युज | ञंलाथ्व २ ११४०,भाद्र ५ शुक्रवाः
सशस्त्र प्रहरी बल(एपीएफ)या येँ व ख्वपय् ज्यायाइपि ३६म्ह प्रहरीपिन्त कोरोना संक्रमण खनेदुगु दु ।
सशस्त्र प्रहरी प्रवक्ता डिआइजी राजु अर्यालं ख्वप २० म्ह व येँ १६ म्हेसित कोरोना संक्रमण पुष्टि जूगु खः ।
ख्वपया दुवाकोटय् गुहेश्वरी गणय् च्वपि २० म्ह व निलबाराही गण किपूलि ज्या याइपि १६ म्ह प्रहरीयात कोरोना खनेदुगु खः ।
सिमा सिल यायेगु झ्वलय् येँ न थीथी तराईया जिल्लाय् वःपि खः ।
संक्मितपि आइसोलेसेनय् छ्वयेगु तयारी याना च्वंगु दु ।
कोरोना संक्रमणं येँय् छम्ह मन्त
लहनान्युज | ञंलाथ्व २ ११४०,भाद्र ५ शुक्रवाः
कोरोना भाइरस (कोभिड–१९) या संक्रमणं येँय् छम्ह मनू सीगुदु ।
बलम्बुया एपीएफ अस्पतालय् वासः याका वयाच्वम्ह ७७ दँया मिजंम्ह मनू मदुग खः। वयात ग्रिनसिटी अस्पतालय् म्हिगः बिहीवाः जक यकूगु खः ।
उम्ह मनू वःगु साउन ३० गते सप्तरीया राजविराजपाखे येँ हःगु खः । वयात वीर अस्पतालया प्रयोगशालाय् स्वाब बिउगु खःसा वयागु रिपोर्ट ३२ गते पोजेटिभ वःगु खः ।
ग्रिनसिटी वासः याका च्वम्ह उम्ह मनूउा अवस्था गम्भीर जूइवं बिहीवाः एपीएफ अस्पतालय् हःगु खः ।
