Display Style:
Column Style
बुंगद्यः सालेगु झ्वलय् ज्वपिें न्हय्म्ह त्वःतूगु दु
लहनान्युज | ञंलागा ५ ११४०,भाद्र २२ सोमवाः
बुंगद्यः सालेगु झ्वलय् जूगु झडपय् ज्वनातःपिं मध्यें न्हय्म्हसित थौं त्वःतूगु दु । थ्व नापं ज्वनातःपिं झिम्हेसित त्वते धुंकूगु दु ।
थौं सनिलय् तकया दुने यलया महेश वज्राचार्य, पृथविन्दु महर्जन, सुविन शाक्य, रवि शाक्य, धुव्रराज वज्राचार्य व थिमिया श्याम कुमार था श्रेष्ठ व निराज वादेयात त्वःत धुकुगु दु ।
जात्राय् ज्वनातःपिन्ंत त्वःतकेगु लागि थीथी थासं कुतः याःगु खः । त्वःतकेगु लागि ज्यापु समाज नाप बुंगद्यः जात्रालिसे सरोकार झिंखुगूगु खलःपुचःया प्रतिनिधिपिं, नेपालभाषा मंकाः खलः यल, सांसदपिं, स्थानीय जनप्रतिनिधिपिं लगे जुयाच्वंगु खः ।
थौं हे यल जिल्लाया प्रमुख जिल्ला अधिकारी नारायणप्रसाद भट्टं ज्वनातःपिं सकसितं कन्हय् तकया दुने त्वःतेगु प्रतिबद्धता प्वंकूगु खः ।
अथेहे नेपालभाषा मंकाः खलःपाखें नं कुतः याःगु खः । अभियन्तापिंत त्वःतेकेगु निंतिं म्हिगः हे गृहमन्त्री नापलायेगु कथं ई मिले याःगु खःसां लिपा गृहमन्त्रालयं ज्वना तःपिन्त त्वःतेगु लागि नापलायेगु आवश्यक मजू थःपिंसं त्वःताबीगु प्रतिबद्धता प्वंकाहःगु खँ मंकाः खलःया न्वकु मल्ल के सुन्दरं धयादिगु दु ।
त्वःतकेगु लागि निंतिं मंकाः खलःया नायः दुर्गालाल श्रेष्ठ व छ्याञ्जे मल्ल के. सुन्दरपिंसं कुतः यानादीगु खः ।
९७९म्ह कोरोना संक्रमित
लहनान्युज | ञंलागा ५ ११४०,भाद्र २२ सोमवाः
वःगु २४ घन्टाय् नेपालय् थप ९७९ म्हेसिति कोरोना संक्रमण पुष्टि जूगु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया नियमित प्रेस ब्रिफिङय् प्रवक्ता डा जागेश्वर गौतमया कथं नेपालय् कोरोना संक्रमितपि ४७ हजार २३६म्ह थ्यःगु दु धका धाःगु दु ।
अथेहे वःगु २४ घन्टाय् कोरोनामुक्त जुपि १ हजार ७३६म्ह डिस्चार्ज जूगु दु । थ्व नाप नेपालय् आःतक कोरोनामुक्त जूपि ३० हजार ६७७म्ह थ्यःगु दु ।
वःगु २४ घन्टाय् नेपालय् थप ११म्ह कोरोना संक्रमणपि सीगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमणपाखे सीपि ३००म्ह थ्यःगु दु ।
३० हजार ६७७म्ह कोरोना संक्रमितपि डिस्चार्ज
लहनान्युज | ञंलागा ५ ११४०,भाद्र २२ सोमवाः
नेपालय् आःतक ३० हजार ६७७म्ह कोरोना संक्रमितपि डिस्चार्ज जुइ धुकुगु दु धका स्वास्थ्य तथा जनसंख्या मन्त्रालयं धाःगु दु । थ्व धइगु संक्रमितपि ६५ प्रतिशत खः ।
वःगु २४ घण्टाय् देय् यकं १७३६म्ह कोरोना संक्रमितपि डिस्चार्ज जुगु दु । थ्व नाप आःतक डिस्चार्ज जुपि ३० हजार स्वया अप्वो जुइ धुकुगु दु । अथेहे क्वारेन्टाइनय् च्वना च्वपि ४७३९म्ह थ्यःगु दु ।
आःतक नेपालय् कोरोना संक्रमितपि ४७२३६ थ्यःगु दु । वःगु २४ घण्टाय् ९७९म्हेसित कोरोना संक्रमण खनेदुगु धका मन्त्रालयया प्रवक्ता डा. जागेश्वर गौतमं सोमवाः मिडिया ब्रिफिङय् धाःगु दु ।
आःतक देय् यकं पीसीआर परीक्षणय् संख्या ७ लाख ७७५६३ म्हेसिगु याःगु धका मन्त्रालयं धाःगु खः ।
आःतक देय् यकं १७१म्ह बिरामी आईसीयूलय् व २०म्ह भेन्टिलेटरय् तया वासः याका च्वंगु दु धका डा गौतमं धाःगु दु।
बुंगद्यःया रथ सालेगु झ्वलय् ज्वपि बिना शर्त त्वःतेगु माग
लहनान्युज | ञंलागा ५ ११४०,भाद्र २२ सोमवाः
बुंगद्यःया रथ सालेगु झ्वलय् ज्वना तःपिन्त त्वःते बिना शर्त त्वःतेगु लागु थौं स्वनिगः थीथी थासय् प्लेकार्डं ज्वना प्रदर्शन याना च्वंगु दु
अथेहे थौं ज्वना तःपि त्वःतेकेगु लागि स्थानीय यलया जिल्ला प्रशासन कार्यालय न घेराउ याना च्वंगु दु ।
थौं सुथय् १०ः३० बजे निसे जिल्ला प्रशासन कार्यालय वना धर्ना तक च्वनेगु याना च्वंगु दु ।
अथेहे थौ यलया ख्वना, थिमि नाप किपूलि रथ सालेगु लागि बिना शर्त त्वःतेमाः धका प्लेकार्ड ज्वना स्थानियपिन्स प्रदर्शन याना च्वंगु दु ।
किपा सामाजिक सञ्जालपाखे
बुंगद्यः रथ सालेगु झ्वलय् ज्वपि खुम्हेसित कोराना सकमण
लहनान्युज | ञंलागा ५ ११४०,भाद्र २२ सोमवाः
वःगु १८ गते पुच्वः बुंगुद्यःया रथजात्राय् झ्वलय् प्रहरी ज्वपि बोडेया श्याम था श्रेष्ठ व नगदेशय् च्वम्ह निरज बादेयात थौं हिरासतपाखे मुक्त याःगु दु ।
उपि नाप उगु द्यः सालेगु झ्वलय् झींन्ह्यम्ह ज्वःगु खः ।
झींन्ह्यम्ह मध्ये खुम्हेसित कोरोना सक्रमण खने दुगु दु ।
कोरोना सक्रमण जुइवं निम्ह श्रेष्ठ व वादे आः ख्वपया खरिपाटी क्वारेन्टाइनय् च्वना च्वंगु दु ।
