Display Style:
Column Style
सुर्खेतय् १८म्ह कोरोना संक्रमित
लहनान्युज | गुंलागा ९ ११४०, साउन २९ बिहीवाः
वःगु २४ घण्टाय् सुर्खेतय् १८म्हेसित कोरोना संक्रमित थपे जूगु दु । कर्णालीइ मेगु जिल्लाय् धाःसा मेपि संक्रमत थपे जूगु मदुनि ।
सुर्खेतया कर्णाली प्रदेश अस्पताल व पशुपन्छी रोग अन्वेषण प्रयोगशालाय् याःगु परीक्षणय् सुर्खेतया वीरेन्द्नगर नगरपालिकाय् १७ म्ह व लेखबेसी नगरपालिकाय् छम्ह याना १८म्हेसित कोरोना संक्रमण पुष्टि जूगु दु ।
सामाजिक विकास मन्त्रालयया स्वास्थ्य सेवा महाशाखाया कथं वीरेन्द्रनगर नगरपालिका १० या २०, २५ व २७ दँ दुपि स्वम्ह मिसापि, १, २, ३, २५, २७ व ४६ दँया खुम्ह मिजंपि, वडा नम्बर १३ या २२ व २५ दँया निम्ह मिसा, ६, १३, २०, २७, ३२ व ३८ दँया खुम्ह मिजंपि खः ।
छम्ह संक्रमित धाःसा लेकबेसी नगरपालिका ७ या ४३दँ दुम्ह मिजंम्ह खः ।
थ्व नाप कर्णालीइ कोरोना संक्रमितपि २०५२म्ह थ्यःगु दु ।
प्रदेशमा हालसम्म १९०१ जना डिस्चार्ज भएका छन् भने ६ जनाको भने मृत्यु भएको छ । १४५ जना संक्रिय संक्रमित आइसोलेसनमा रहेका छन् ।
मकवानपुरय् ३७म्हेसित कोरोना भाइरस सङ्क्रमण पुष्टि
लहनान्युज | गुंलागा ९ ११४०, साउन २९ बिहीवाः
मकवानपुरय् ३७म्हेसित कोरोना भाइरस सङ्क्रमण पुष्टि जूपि मध्य अधिकांश हेटौँडा उपमहानगरपालिकायापि जूगु दु ।
उपमहानगरपालिका क्षेत्रय् १८म्हेसि कोरोना सङ्क्रमण पुष्टि जूगु दु । हेटौँडा ९ य् न्ह्यम्ह, हेटौँडा प्यम्ह, हेटौँडा ४ या प्यम्ह, हेटौँडा २ या छम्ह, हेटौँडा १० या छम्ह व हेटौँडा १३ या छम्ह याना झींच्याम्हेसित सङ्क्रमण जूगु दु धका उपमहानगरपालिकाया जनस्वास्थ्य निरीक्षकं जानकारी बिःगु दु ।
अथेहे भीमफेदी गाउँपालिकाय् स्वम्ह, थाहा नगरपालिकाय् निम्ह, बकैया गाउँपालिकाय् निम्ह, चितवनयाम्ह हेटौडाय् च्वना च्वम्ह छम्ह, येँ च्वम्ह थौं कन्ह्य अन च्वनाच्वम्ह छम्ह व झीम्ह
प्रहरी याना १९म्हेसित कोरोना सङ्क्रमण जूगु खः ।
मकवानपुरय् आःतक १३७म्हेसित सङ्क्रमण पुष्टि जुइ धुकुगु दु ।
लुँया भाः नीप्यसः थहा वन
लहनान्युज | गुंलागा ९ ११४०, साउन २९ बिहीवाः
बुधवाः लुँया भाः क्वहा वःगु खःसा थौं हाकन थहा वगु दु ।
थौं लुँ तोलां नीप्यसः थहा वःगु दु धका सुन चाँदी व्यवसायी महासंघं धाःगु दु ।
थौं महासंघं लुँ तोला ९७ हजार व च्यासः न कारोबार जुगु धका धाःगु दु । अथेहे तेजावी लुँ छगु तोलाया ९७ हजार स्वसःया भाः क्वःछिगु दु ।
अथेहे वहः छगु तोलाया १२९५ तका क्वःछिगु दु ।
वःगु छु दिं न्ह्यःनिसे लुँ वहःया भाः थहा क्वहा जुयाच्वंगु खः । म्हिगः तोला हे खुद्धः व निसः क्वहा वया न्हुगु रिकडं जूगु खः ।
पत्रकार रेखा शाक्य च्वना वःगु गाडी ब्रेक फेल जुया पल्टे जुल
नृपेन्द्रलाल श्रेष्ठ | गुंलागा ९ ११४०, साउन २९ बिहीवाः
पत्रकार रेखा शाक्य च्वनाःगु बलेरो बा ५ च १५८३ नं या गाडी दुर्घटना जूगु दु ।
दोलाखां येँपाखे वया च्वंगु इलय् म्हिगः न्हिनया करिव १ः०० वजे ति उगु गाडी ११ किलो धाःगु थासय् थ्यंबलय् ब्रेके फेल जुया मनू बचे यायेगु लागि पहाडय् न्याका गाडी पल्टे जूगु खः ।
गाडी पल्टे जुया उकि च्वना वयाच्वपि न्याम्हेसित स्थानियपिनिगु ग्वाहालि न्याम्ह पिहा वयेत ताःलागु खः ।
पत्रकार शाक्य लहनान्युजयात कनादिगु कथं गाडी ११ किलो थ्यनेवं न्ह्यःनेया पांग्रां तच्वकं हाकुक कुँ पिन्हाँ वःगुलिं दिकूगु खः । २ ,३ मिनेट लिपा हे गाडी च्वन्त धायेवं गाडीया कन्डिशन ठीक खःला धकाः न्यनेवं ड्राइभं ठीक दु धाःगुलिं गाडी च्वनागु धयादिल ।
गाडी स्टार्ट याना न्ह्यायेवं चालकं गाडीया ब्रेक फेल जुगु धका धायेवः गाडी तसकं ब्बाये वःगु खः गाडीयात दिकेट लिउनेया सिटय् च्वंम्ह गाडी पहाडय् न्याकी धायेवं लिपा पहाडय् न्याक यंकूगु खः । गाडी छक्वलं फसय् ब्वया सतकय् बज्रय् जुगु खः । गाडी पल्टे जुगु जिपि न्याम्ह स्थानिय च्वंपिनिगु ग्वाहालि पिहा वयेत ताः लागु धका पत्रकार शाक्यं लहनान्युजयात कनादिगु खः ।
उगु घटनाय् न्याम्हेसित सामान्य घाःपाः तक मजुगु धका शाक्य धयादिगु द।
पर्सा व बाराय् ३५म्हेसित कोरोना संक्रमण पुष्टि
लहनान्युज | गुंलागा ९ ११४०, साउन २९ बिहीवाः
नारायणी अस्पतालय् पीसीआर प्रयोगशाालय् याःगु परीक्षणय् ३५म्हेसित कोरोना संक्रमण पुष्टि जूगु दु ।
थ्व नाप पर्साय् कोरोना संक्रमित ११४५म्ह थ्यःगु दु ।
कन्ट्याक्ट ट्रेसिङपाखे संकलन याःगु स्वाब नमुना परीक्षणय् उपि कोरोना संक्रमण पुष्टि जुगु धका प्रयोगशालां धाःगु खः ।
अप्व संक्रमितपि घण्टाघर, रानीघाट, घडिअर्वा थासय् च्वपि खः ।
