Display Style:
Column Style
लुँया भाः छवाःया दुने तोला २२०० थहावन
लहानान्युज | कछलागा चौथी ११४१, मंसिर १९ शुक्रवाः
लुँया भाः थौं शुक्रवाः स्वसः थहावःगु दु। नेपाल सुनचाँदी व्यवसायी महासंघया कथं म्हिगः बिहीवाः स्वया थौं स्वसः थहावःगु दु।
महासंघया कथं म्हिगः लुँ छगु तोलाया ९२ हजार ६०० रुपैयाँ न कारोवार जुगु खःसा थौं स्वसः थहावना ९२ हजार ९०० रुपैयाँ थ्यःगु दु। अथेहे तेजावी लुँ तोलाया ९२ हजार ४५० रुपैयाँ न कारोबार जुगु दु।
अथेतु थौं लुँ तोलाय् न्यातका थहावःगु दु। न्यातका थहावना वहः तोलाया १२१० रुपैयाँ न कारोबार जुगु दु धका महासंघं धाःगु दु।
थुगु वाः जक लुँ तोला २२ सय रुपैयाँ थहावःगु दु।
वाःया न्हापागु दिं आइतवाः तोलाया ९० हजार सात सय रुपैयाँ जुगु लिपागु दिं थौं शुक्रवाः तक थ्यःगु इलय् ९२ हजार ९ सय रुपैयाँ थ्यःगु दु।
कोरोना दाङय् निम्ह मन्त
लहानान्युज | कछलागा चौथी ११४१, मंसिर १९ शुक्रवाः
दाङय् थप निम्ह कोरोना संक्रमितपि सीगु दु।
तुलसीपुर उपमहानगरपालिका–११ या ४५ दँ दुम्ह व तुलसीपुरया हे ८१ दँ दुम्ह उपचार यायेगु झ्वलय् मदुगु खः ।
कोरोना संक्रमण पुष्टि जूपि मंसिर ४ गते बाँकेया नेपालगञ्ज भेरी अस्पतालय् भर्ना जुम्ह तुलसीपुरया ४५ दँ दुम्ह मिजंम्ह बिहीवाः चान्ह्य ९ बजे मदुगु धका स्वास्थ्य कार्यालय बाँकेया कोरोना फोकल पर्सनं जानकारी बिःगु दु।
अथेअे तुलसीपुरया ८१ दँ दुम्ह मिजंम्ह नेपालगन्ज मेडिकल कलेज कोहलपुरय् बिहीवाः चान्ह्यया १०ः४५ बजे मदुगु धका जानकारी बिःगु खः।
वयात मंसिर १३ गते कोरोना संक्रमण पुष्टि जुगु खः।
थ्व नाप दाङय् कोरोना संक्रमणं सीपि ३३ म्ह थ्यःगु दु धका प्रदेश स्वास्थ्य निर्देशनालयं धाःगु दु।
२१११म्ह कोरोनामुक्त, कोरोना १३ म्ह मन्त
लहानान्युज | कछलागा तृतीया ११४१, मंसिर १८ बिहीवाः
वःगु २४ घन्टाया दुने कोरोनामुक्त जुया २१११ म्ह डिस्चार्ज जुया छेँ लिहावःगु दु।
थ्व नाप आःतक नेपालय् कोरोनामुक्त जूपि २ लाख २० हजार २७२ म्ह थ्यःगु दु।
नेपालय् आःतक सक्रिय संक्रमितपि १५ हजार ७६६ म्ह थ्यःगु दु।
वःगु २४ घन्टाया दुने नेपालय् थप १३ म्ह कोरोना संक्रमणं सीगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप नेपालय् कोरोना संक्रमणं सीपि १५५१ म्ह थ्यःगु दु।
देय्न्यकं १३४३म्ह कोरोना सक्रमित जुल
लहानान्युज | कछलागा तृतीया ११४१, मंसिर १८ बिहीवाः
वःगु २४ घन्टाया दुने नेपालय् थप १३४३ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु ।
वःगु २४ घण्टाय् जम्मा ९ हजार २८९ म्हेसिगु पीसीआर परीक्षण याःगु खः।
मन्त्रालयया कथं थौं बिहीवाः थपे जुपि नाप आःतक कोरोना संक्रमित जुपि २ लाख ३७ हजार ५८९ म्ह थ्यःगु दु।
स्वनिगलय् थप ५६१म्ह कोरोना सक्रमित
लहानान्युज | कछलागा तृतीया ११४१, मंसिर १८ बिहीवाः
स्वास्थ्य तथा जनसंख्या मन्त्रालयया कथं वःगु २४ घण्टाया दुने स्वनिगलय् थप ५६१ म्हेसित कोरोना संक्रमण पुष्टि जुगु दु धका धाःगु दु।
संक्रमण जुपि २५० म्ह मिसा व ३११ म्ह मिजंपिन्त पुष्टि जुगु खः।
थौं येँ जक ४५५म्हेसित कोरोना सक्रमण जुगु दु धका धाःगु दु।
अथेहे ख्वपय् २६ म्ह व यलय् ८० म्हेसित कोरोना सक्रमण पुष्टि जुगु दु।
बिहीवाः देय्न्यकं १३४३ म्हेसित कोरोना संक्रमण पुष्टि जुगु दु।
