Display Style:
Column Style
स्वाब संकलनय् खटे जुपि स्वास्थ्यकःमियात हे कोरोना पोजेटिभ
लहनान्युज | गुंलागा १२ ११४०,साउन ३२ आइतवाः
शंकास्पद सत्रंmमितपिनिगु स्वाब संकलन यायेत खटे जुपि स्वास्थ्यकःमिपिन्त न कोरोना पोजेटिभ खने दुगुलि विराटनगर महानगरपालिकाय् स्वाब संकलन रोके याःगु दु ।
स्वाब संकलनय् खटे जूपि चिकित्सकपिन्त थौं आइतवाः संक्रमण पुष्टि जूगु खः ।
विराटनगर महानगरपालिकाय् थप ८६ म्हेसित कोरोना संक्रमण पुष्टि जूगु दु । वःगु २४ घण्टाय् महानगरपालिका दुने ८६ म्हेसित कोरोना संक्रमण पुष्टि जूगु खः ।
थ्व नाप विराटनगरय् कोरोना संक्रमितपि ५६६म्ह थ्यःगु दु ।
अन संक्रमित मध्ये ८६ म्ह कोरोना मुक्त जूगु दु । न्ह्यम्ह कोरोना संक्रमणया कारण सी धूकुगु दु ।
स्वास्थ्यकःमि व पत्रकार नाप बारा–पर्साय् ४७म्ह संक्रमित
लहनान्युज | गुंलागा १२ ११४०,साउन ३२ आइतवाः
पर्सा–बाराय् स्वास्थ्यकःमि व पत्रकार नाप थप ४७ म्हेसित कोरोना संक्रमण पुष्टि जूगु दु ।
नारायणी अस्पताल पीसीआर प्रयोगशालाय् साउन ३१ गते शनिवाः याःगु परीक्षणय् उमित कोरोना संक्रमण पुष्टि जूगु खः ।
वीरगञ्जया १७ म्ह, बाराया स्वम्ह, नारायणी अस्पतालया कर्मचारीपि न्ह्यम्ह, पर्सा पोखरिया नगरपालिकाय् १२म्ह, पर्सागढी नगरपालिकाय् निम्ह, विन्दवासिनी, देवरवाना, विरुवागुठी, बहुदरमाई, थाय् खुले मजुगु व रक्सौल पन्टोकाय् छम्ह छम्हेसित कोरोना संक्रमण खनेदुगु खः ।
नारायणी अस्पतालया गाईने वार्डय् ज्यायाइपि निम्ह मिसापिन्त कोरोना खने दुग दु । अथेहे सामाजिक सुरक्षा शाखाय् ज्यायाइपि वीरगञ्ज श्रीपुरया छम्ह व वीरगञ्ज–१६ इनर्वाया छम्हेसित कोरोना पुष्टि जूगु खः ।
चितवनय् डाक्टर व नर्स नाप २७म्ह कोरोना पुष्टि
लहनान्युज | गुंलागा १२ ११४०,साउन ३२ आइतवाः
चितवनय् डाक्टर व नर्स नाप छन्हु हे २७म्हेसित कोरोना भाइरस संक्रमण पुष्टि जूगु दु ।
भरतपुर अस्पताल कोभिड–१९ प्रयोगशालाय् याःगु परीक्षणय् शनिवाः चान्ह्य तक चितवनया २७ म्हेसित कोरोना संक्रमण पुष्टि जूगु दु । अथेतु सर्लाहीय् थप छम्हेसित संक्रमण जूगु दु ।
संक्रमण पुष्टि जूपि भरतपुर महानगरपालिकायापि २१म्ह जूगु दु । भरतपुर अस्पताल, भरतपुर सेन्ट्रल अस्पताल व बीपी कोइराला मेमोरियल क्यान्सर अस्पतालपाखे स्वाब संकलन याःगुलि उगु परीक्षणय् झीम्ह मिजंपि व झींछम्ह मिसापिन्त कोरोना संक्रमण पुष्टि जूगु खः ।
अथेतु क्यान्सर अस्पतालया न्याम्ह नर्सपिन्त न संक्रमित जूगु दु । संक्रमित मध्ये बीपी कोइराला मेमोरियल क्यान्सर अस्पतालया न्याम्ह नर्सपि खः ।
शनिवाः चान्ह्य ४७४ म्हेसिगु नमुना परीक्षण यागुलि ४४६ म्हेसिगु रिपोर्ट नेगेटिभ वःगु खः ।
येँ कोरोना सक्रमित च्यासः स्वया अप्वल
लहनान्युज | गुंलागा १२ ११४०,साउन ३२ आइतवाः
येँ महानगरपालिका दुने कोरोना सक्रमितपि च्यासः स्वया अप्व जुइ धुकुगु दु । प्यम्ह सी धुकुगु दु सा १५५४म्ह कन्ट्याक्ट ट्रेसिङ याना च्वंगु दु ।
महानगर दुने ३३ वडा दुने आःतक वडा न. २ लय् जक खने मदुगु दु ।
महानगर दुनेया १ नम्वर वडाय् ३७म्ह, ३ नम्वर वडाय् ३४म्ह नेपाल प्रहरी बाहेक, ४ नम्वर वडाय् अख्तियारपि ६१म्ह, ५ नम्वर वडाय् १७ म्ह, ६ नम्वर वडाय् १५म्ह, ७ व ८ नम्वर वडाय् झीम्ह झीम्हसित सक्रमण जूगु दु ।
अथेहे ९ नम्वर वडाय् न्याम्ह, १० नम्वर वडाय् ३८म्ह, ११ नम्वर वडाय् १९ म्ह, १२ नम्वर वडाय् १२ म्ह, १३ नम्वर वडाय् ३३ म्ह, १४ नम्वर वडाय् ५६ म्ह, १५ नम्वर वडाय् १३म्ह, १६ नम्वर वडाय् ४६म्ह व १७ नम्वर वडाय् १४ म्हेसित सक्रमणपि पिहा वःगु दु ।
अथेतु, १८,१९,२० व २१ नम्वर वडाय् छम्ह निम्ह जक खनेदुगु दु । २३ नम्वर वडाय् झीम्ह, २४ नम्वर वडाय् २५ म्ह, २६ नम्वर वडाय् १७म्ह, २७ नम्वर वडाय् ३४ म्ह, २८ नम्वर वडाय् २७ म्ह, २९ नम्वर वडाय् ३०म्ह, ३१ नम्वर वडाय् ३०म्ह, ३१ नम्वर वडाय् ३०म्ह व ३२ नम्वर वडाय् ३०म्हेसित सक्रमित जुइ धुकुग दु ।
येँ महानगर दुने २२०म्ह वासः याका छेँ लिहा वने धुकुग दु ।
मध्यपुर थिमिइ सार्वजनिक यातायात व बजाः बन्द
लहनान्युज | गुंलागा ११ ११४०,साउन ३१ शनिवाः
मध्यपुर थिमि नगरपालिकां कन्ह्य आइतवाः निसे सार्वजनिक यातायात व बजाः बन्द याये त्यःःगु दु ।
कोरोना संक्रमण अप्वया वःगुलि व नेपाल कोरिया मैत्री अस्पताल समेत शिलबन्दी याःगुलि नगरपालिकां कन्ह्य साउन ३२ गते निसे ९ भदौ तक नगर दुने दक्को ब्यापार व्यवसाय बन्द यायेगु निर्णय याःगु दु ।
खाद्यान्न, लः, ग्यास व वासः पसः तक सुथया ११ बजे निसे १ बजे तक जक चायेक दइ कथं निर्णय याःगु दु ।
नगर दुने न सार्वजनिक यातायात बन्द याइगु जुगु दु ।
अरनिको रागमार्गय् धाःसा सार्वजनिक यातायात रोके यायेगु, यात्रु गयेकिगु व क्वकाये मदइ कथं गाडी चले याये दइ ।
