Display Style:
Column Style
निम्ह सीत नाप ६३८ म्हेसित कोरोना संक्रमण पुष्टि
लहनान्युज | गुंलागा ८ ११४०,साउन २७ मंगलवाः
वःगु २४ घण्टाय् कोरोना संक्रमणं निम्ह सीइगु दु सा ६३८ म्हेसिगु नमुना परीक्षण याःगु खः ।
थौ दकलय् अप्वः येँ ११०म्हेसित जूगु खः। यलय् १६म्ह व ख्वपय् च्याम्हेसि कोरोना संक्रमण पुष्टि जूगु खः ।
अथेहे पर्साय् ७०म्ह, मोरङय् ४२म्ह, सर्लाही ४१म्ह, बाराय् ३९म्ह, रुपन्देही व सुनसरी ३३म्ह व ३३म्ह, धनुषाय् २४म्ह, रौतहटय् २०म्ह, कपिलवस्तु १८म्ह, प्युठानय् १७म्ह, उदपयपुरय् १६म्ह, सप्तरी व सिराहाय् १३म्ह व १३म्ह, महोत्तरी १२म्ह, धादिङय् ११म्ह, झापाय् १०म्ह व दाङय् गुम्हेसित कोरोना संक्रमण पुष्टि जूगु खः ।
कास्की व सुर्खेतय् न्याम्ह न्याम्ह, काभ्रे प्यम्ह, चितवन व नुवाकोटय् स्वम्ह स्वम्ह व पर्वत, सल्यान, दैलेख, बाग्लुङ, तनहुँ, नवलपरासी र ओखलढुंगाय् निम्ह निम्हेसित संक्रमण खने दुगु खः ।
अथेहे रामेछाप, धनकुटा, रुकुम पश्चिम, सिन्धुपाल्चोक, खोटाङ, स्याङ्जा, अछाम, अर्घाखाँची, दोलखा, इलाम, जाजरकोट, कालीकोट, पाँचथर, दार्चुला, बर्दिया, मकवानपुर व गोरखाय् छम्ह छम्हेसित संक्रमित जूगु धका मन्त्रालयं धाःगु दु ।
थौं येँ ११०म्हेसित कोरोना संक्रमण
लहनान्युज | गुंलागा ८ ११४०,साउन २७ मंगलवाः
थौ मंगलवाः स्वनिगलय् १३४म्हेसित जनामा कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं थौं येँ जक ११०म्हेसित जूगु दु ।
अथेहे यलय् १६म्ह व ख्वपय् च्याम्हेसित संक्रमण खने दुगु दु ।
अेथेहे थौं मंगलवाः देय् यकं ६३८म्हेसित संक्रमण जूगु दु ।
येँ संक्रमण जूपि गन च्वपि धका धाःसा मन्त्रालयं धाःगु मदु ।
थौं ६३८म्हेसित कोरोना संक्रमण पुष्टि
लहनान्युज | गुंलागा ८ ११४०,साउन २७ मंगलवाः
नेपालय् थौं थप ६३८म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं १० हजार ५६२ म्हेसिगु परीक्षण याःगु इलय् ६३८ म्हेसित संक्रमित जूगु दु ।
मन्त्रालयया कथं कोरोना भाइरस संक्रमित जूपि २३ हजार ९४८ म्ह थ्यःगु दु ।
थौं मंगलवाः जक १७१ म्ह डिस्चार्ज जूगु दु ।
संवैधानिक निकायया प्रमुखयात कोरोना संक्रमण पुष्टि
लहनान्युज | गुंलागा ८ ११४०,साउन २७ मंगलवाः
संवैधानिक निकायया प्रमुखयात कोरोना संक्रमण पुष्टि जूगु दु ।
सोमवाः इपिडिमियोलोजी तथा रोग नियन्त्रण महाशाखा (ईडीसीडी) नं याःगु सामूहिक परीक्षणय् झ्वलय् कोरोना संक्रमण खने द्ुगु धाःगु दु ।
राष्ट्रिय जनस्वास्थ्य प्रयोगशालाय् याःगु परीक्षणय् कोरोना संक्रमण खने दुगु खः ।
मेपिनिगु न स्वाब बिःगु दु तर उमिगु रिपोर्ट धाःसा वःगु मदुनि । थ्व हे आःतक दकलय् संक्रमण खने दुम्ह देय् या उच्च अधिकारी जूगु दु ।
बाँकेय् २६ म्हेसित कोरोना भाइरस संक्रमण पुष्टि
लहनान्युज | गुंलागा ८ ११४०,साउन २७ मंगलवाः
बाँकेय् थप २६ म्हेसित कोरोना भाइरस संक्रमण पुष्टि जूगु दु । भेरी अस्पतालया नेपालगन्जय् वःगु २४ घण्टाय् पीसीआर परीक्षणय् बाँकेय् २६ म्ह न्हुपि संक्रमितपि पिहावःगु खः ।
नेपालगन्ज मेडिकल कलेज व भेरी अस्पतालपाखे याःगु संकलन स्वाब परीक्षण याःगु इलय् बांकेय् २६म्हेसित कोरोना संक्रमण पुष्टि जूगु खः ।
स्वास्थ्य कार्यालय बांकेया नेपालगन्ज उपमहानगरया थीथी वडां १६ म्ह, कोहलपुरं न्याम्ह, जानकी गाउँपालिकां १ छम्ह, राप्ती सोनारी गाउँपालिकां छम्ह व बाँके जिल्लाय् थाय् खुले मजुपि स्वम्हेसित संक्रमण पुष्टि जूगु खः ।
थ्व नाप बाँकेय् कोरोना संक्रमितपि ६६३ म्ह थ्यःगु दु ।
