Display Style:
Column Style
पाल्पाय् कोरोना निम्ह मन्त
लहानान्युज | कछलागा द्धितिया ११४१, मंसिर १७ बुधवाः
पाल्पा व स्याङजाय् कोरोना संक्रमितपि छम्ह छम्ह उपचार यायेगु झ्वलय् मन्त ।
पाल्पाया बगनासकाली गाउँपालिका १ या ३८ दँ दुम्ह व व स्याङजाया गल्याङ नगरपालिका ४ या ३९ दँ दुम्ह मिजंम्ह लुम्बिनी मेडिकल कलेज प्रभास पाल्पाय् उपचारया झ्वलय् थौं सुथय् मदुगु खः ।
मेडिकल कलेजया कथं पाल्पाय् च्वम्ह मंसिर १२ गते कोरोना संक्रमण पुष्टि जुग खःसा १४ गते अस्पताल भर्ना जुगु खः।
मंसिर १ गते अस्पताल भर्ना जुम्ह स्याङजाय् च्वम्ह मिजंम्ह मंसिर २ गते कोरोना संक्रमण पुष्टि जूगु खः।
स्वास्थ्य कार्यालय पाल्पाया कथं जिल्लाय् कोरोना संक्रमणं सीपि २४ म्ह थ्यःगु दु ।
कोरोनामुक्त जूपि २०७३ म्ह, कोराना २१म्ह मन्त
शोभा श्रेष्ठ | कछलागा पारु ११४१, मंसिर १६ मंगलवाः
वःगु २४ घन्टाया दुने कोरोनामुक्त जुपि २ हजार ७३ म्ह डिस्चार्ज जुया छेँ लिहावःगु दु ।
नेपालय् आःतक कोरोनामुक्त जूपि २ लाख १६ हजार ५९४ म्ह थ्यःगु दु। थ्व नाप आःतक नेपालमा सक्रिय संक्रमितपि १६ हजार ६३३ म्ह थ्यःगु दु।
अथेहे वःगु २४ घन्टाया दुने नेपालय् थप २१ म्हेसित कोरोना संक्रमणं सीगु दु धका स्वास्थ्य तथा जनसंख्या मन्त्रालयं धाःगु दु।
अथेहे नेपालय् कोरोना संक्रमणं सीपि १५२९ म्ह थ्यःगु दु।
नेपालय् थौं १३०४म्हेसित कोरोना सक्रमित
लहानान्युज | कछलागा पारु ११४१, मंसिर १६ मंगलवाः
वःगु २४ घन्टाया दुने नेपालय् थप १ हजार ३०४ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
वःगु २४ घण्टाय् जम्मा ८ हजार ५८३ म्हेसिगु पीसीआर परीक्षण याःगु खः।
मन्त्रालयया कथं थौं मंगलवाः न्हुपि थपे जुपि नाप याना नेपालय् आःतक कोरोना संक्रमितपि २ लाख ३३ हजार ४५२ म्ह थ्यःगु दु।
स्वनिलय् ५३० म्ह कोरोना सक्रमित
लहानान्युज | कछलागा पारु ११४१, मंसिर १६ मंगलवाः
स्वास्थ्य तथा जनसंख्या मन्त्रालयया कथं वःगु २४ घण्टाया दुने स्वनिलय् थप ५३० म्हेसित कोरोना संक्रमण पुष्टि जूगु दु धका धाःगु दु ।
थौं संक्रमण पुष्टि जूपि मिसापि २४० म्ह व मिजंपि २९० म्हेसित पुष्टि जूगु दु ।
अथेहे थौं येँ जक ४०९म्हेसित कोरोना पुष्टि जूगु दु धका मन्त्रालयं धका धाःगु दु।
अथेतु ख्वपय् ३६ म्ह व यलय् ८५ म्हेसित कोरोना संक्रमित थपे जूगु दु।
मंगलवाः देय् यकं १ हजार ३०४ म्हेसित कोरोना संक्रमण पुष्टि जूगु दु।
बुंगया सम्पदाय् लिच्वः मजुइ कथं फास्ट ट्य्राक दयेकेगु जुइ : मन्त्री श्रेष्ठ
लहानान्युज | कछलागा पारु ११४१, मंसिर १६ मंगलवाः
शहरी विकास मन्त्री कृष्णगोपाल श्रेष्ठं ख्वना व बुंगय् सम्पदायात लिच्वः मजुइ कथं फास्ट ट्य्राक दयेकेगु खँ धका धयादीगु खः ।
केपी शर्मा ओलीया जहान राधिका शाक्य लिसें ख्वनाया नांजाःगु ऐतिहासिक रुद्रायणी द्यः दर्शन यायेगु व सकिमिला पुन्हिकुन्हु जुइगु द्यःप्याखं स्वयेत मन्त्री श्रेष्ठ ख्वनाय् वःगु खः। मन्त्री श्रेष्ठ सरकारं ख्वनाय् छुं लिच्वः मलाइकथं फास्ट ट्य्राक दयेकीगु जुइ धका आश्वासन बियादीगु खः ।
वःगु २०७२ सालया तःभुखाचं क्षतिग्रस्त रुद्रायणी देगःया अवलोकन यासें मन्त्री श्रेष्ठं देगः क्षतिग्रस्त जूगु तसकं चिन्ताजनक जूगु धका धयादीस थुगु देगः पुनःनिर्माणया निंतिं तुरुन्त हे निर्देशन बीगु जुइ धका धयादीगु खः।
मन्त्री श्रेष्ठ ख्वना दुने मेमेगु सम्पदा संस्कृतियात संरक्षण यायेगु निंतिं सरकारं ग्वाहालि यायेगु जुइ धका न धयादीगु खः ।
वयकलं स्थानीय दू्रतमार्ग पीडितपाखे नेपाल डंगोलं फास्ट ट्य्राकं जुयाच्वंगु समस्यायात कयाः ध्यानाकर्षण पौ मन्त्री श्रेष्ठयात लःल्हाःगु खः । मन्त्री श्रेष्ठ व प्रधानमन्त्रीया जहान शाक्य लिसें राष्ट्रिय पुनःनिर्माण प्राधिकरणया प्रमुख कार्यकारी अधिकृत सुशील ज्ञवाली, पुरातत्व विभागया महानिर्देशक दामोदर गौतम, संस्कृति, पर्यटन तथा नागरिक उड्डयन मन्त्रालयया उच्च अधिकारीपिं नं ख्वना थ्यंगु खः ।
उगु झ्वलय् विभागया महानिर्देशक गौतमं न्हय्गूगु शताब्दीया इतिहास दुगु थुगु ख्वनायात गुरुयोजना दयेकाः सम्पदा संरक्षण यायेमाःगु खँय् बः बियादसे रुद्रायणी देगःया पुनःनिर्माण जुइगु खँ धयादीगु कनादीगु खः ।
