Display Style:
Column Style
येँ २७०म्ह नाप स्वनिगलय् ३७७म्ह संक्रमित
लहनान्युज | ञंलाथ्व ९ ११४०,भाद्र ११ बिहीवाः
वःगु २४ घण्टाय् कोरोना भाइरसया ३७७म्हेसित संक्रमित जूगु धका धाःगु दु ।
स्वास्थ्य तथा जनसंख्या मन्त्रालयं बिःगु जानकारी कथं काठमाडौं जिल्लाय् जक २७० म्हेसित जूगु धका धाःगु दु ।
अथेहे यलय् ६६ म्ह व ख्वपय् ४१ म्हेसित संक्रमित जूगु दु धका धाःगु दु ।
संक्रमितपि गन गन च्वपि धका धाःगु मदुनि ।
यलय् छगु त्वालय् १५म्ह कोरोना संक्रमित
लहनान्युज | ञंलाथ्व ९ ११४०,भाद्र ११ बिहीवाः
यल महानगरपालिका – १६ य् छगु हे त्वालय् १५ म्ह कोरोना सक्रमण पिहावःगु दु ।
ललितपुर महानगरपालिका – १६ य् घनाबस्ती दुगु थासय् छगू हे चुकय् १५म्हेसित कोरोना संक्रमित जुगु दु ।
उगु त्वालय् न्हिया न्हिथं त्वालय् जुइगु भजनय् याइपिन्त सक्रमण खनेदुगु खः । न्हापा छम्ह मिसाम्हेसिके कोरोना संक्रमण पुष्टि जुगु खः । वयालिपा उगु भजनय् ब्बतिकाःपिन्स पाटन
अस्पतलाय् पीसीआर परीक्षण याःगुलि पोजिटिभ खनेदुगु धका उगु त्वालय् च्वपिन्स धाःगु खः ।
अन संक्रमण खने दुपि ३० निसे ८० दँयापि खः । संक्रमित पुष्टि जूसा आःतक सूयाके हे कोरोनाया लक्षण खने मदुनि ।
उगु चुकय् संक्रमित खने दयेवः जःखः च्वपि ग्याना च्वंगु दु । संक्रमितपि दक्को छेँय् च्वनाच्वंगु दु ।
थौंकन्हय स्टाफ कलेजय् संघीय सरकारं आइसोलेसन कक्ष सञ्चालन याना च्वंगु दु । अथेहे यल महानगरपालिकापाखे ज्यापू समाजया वृद्धाश्रम भवनय् न आइसोसन सञ्चालन जुइ ल्यः दनिगु दु ।
प्लाज्मा थेरापी बिधिं वास यानाच्वम्ह कोरोना संक्रमित मन्त
लहनान्युज | ञंलाथ्व ९ ११४०,भाद्र ११ बिहीवाः
बुटवलय् प्लाज्मा थेरापी याम्ह मिसाम्ह छम्ह कोरोना संक्रमित सीगु दु ।
रुपन्देहीया तिलोत्तमा नगरपालिका–२ जानकीनगरया ७० दँ दुम्ह मिसा थौं बिहीवाः १०ः३० बजे मदुगु दु धका अस्पतालया कोरोना फोकल पर्सनं पुष्टि याःगु दु ।
वयात लुम्बिनी प्रादेशिक अस्पतालय् हे कोरोना संक्रमण मुक्त डा.साजन श्रेष्ठं बिःगु हिं बिया प्लाज्मा थेरापीपाखे वासः याःगु खः । साउन २६ गते कोरोना पोजेटिभ खने दुगुलि साउन ३१ गते कोरोना अस्पतालय् भर्ना जूगु खः ।
उच्च रक्तचापया समस्या दुम्ह उम्ह मिसा स्वास्थ्य अवस्था तच्वये वः प्यन्हु निसे भेन्टिलेटरय् तया वासः याका वया च्वम्ह खः ।
लुँया भाः च्यासः थहा वन
लहनान्युज | ञंलाथ्व ९ ११४०,भाद्र ११ बिहीवाः
नेपाःया लुँ वहः बजारय् लुँया भाः च्यासः थहा वःगु दु ।
थौं बिहीवाः लुँ तोलां च्यासः थहा वना ९७ हजार व खुसः थ्यःगु दु धका नेपाल सुनचाँदी व्यवसायी महासंघं धाःगु दु ।
छापावाल लुँ न च्यासः थहा वःगु दु । छगु तोलाया थौं ९७ हजार सच्छिं कारोबार जूगु दु ।
म्हि छापावाल लुँ तोलां ९६ हजार च्यासः व छापावाल लुँ ९६ हजार स्वसः न कारोवार जुगु खः ।
अथेहे वहः छगु तोला स्वीन्यातका थहा वना १३४५ तका कायम जूगु दु धका महासंघ धाःगु दु ।
कोरोना संक्रमणम्ह छम्ह पोखराय् मन्त
लहनान्युज | ञंलाथ्व ९ ११४०,भाद्र ११ बिहीवाः
पोखरा महानगरपालिका १२ य् च्वम्ह ३२ दँया छम्ह मिसा कोरोना संक्रमण जूया थौं बिहीवाः सुथय् वासः याकेगु झ्वलय् मदुगु दु ।
कोरोना संक्रमण पुष्टि जुइवं भदौ ७ गते निसे पोखरा स्वास्थ्य विज्ञान प्रतिष्ठानया आईसीयूलय् वासः याका च्वम्ह उम्ह मनू थौं सुथय् ८ बजे मदुगु खः ।
वयात पोखरा कास्की सेवा हस्पिटलपाखे ७ गते प्रतिष्ठानय् हःगु खः । उम्ह मनूयात बुधवाःनिसे स्वास्थ्य समस्या वये वः भेन्टिलेटरय् तया वासः याका वयाच्वंगु खः ।
पोखरा स्वास्थ्य विज्ञान प्रतिष्ठानय् सीपि थ्व नाप न्याम्ह व गण्डकी प्रदेशय् कोरोना संक्रमणं सीपि गुम्ह थ्यःगु दु ।
