Display Style:
Column Style
वीरगञ्जय् कोरोना संक्रमण छम्ह मन्त
लहनान्युज | गुंलाथ्व १२ ११४०,साउन १७ शनिवाः
वीरगञ्जय् कोरोना भाइरस (कोभिड(१९) या संक्रमणं थौं छम्ह मन्त । थ्व नाप वःगु झीन्हुया दुने कोरोना संक्रमणया कारण पर्साय् सीपिनिगु ल्याः झीम्ह थ्यःगु दु ।
नारायणी वयोधा अस्पतालय् मदुम्ह वीरगञ्ज १६ नगवाया ५० दँ दुम्ह मिसा कोरोना संक्रमण पुष्टि जूगु दु ।
बयोधा अस्पतालय् वःगु साउन १४ गते बुधवाः भर्ना जूम्ह शुक्रवाः वयाःगु स्वाबया नमुना संकलन याना पीसीआर परीक्षणया लागि नारायणी अस्पतालय् पीसीआर ल्याबय् छ्वःगु खः । तर रिपोर्ट मवयेवः थौं सुथय् बिहान १०ः१२ बजे मदुगु खः ।
चिनी ल्वय्, निमोनिया व हाईपर टेनसनया वासः याकेगु झ्वलय् नारायणी अस्पतालय् भर्ना जूवःगु खः ।
बझाङय् क्वारेन्टिनं छेँ वःपि ६६म्हेसित कोरोना पुष्टि
लहनान्युज | गुंलाथ्व १२ ११४०,साउन १७ शनिवाः
क्वारेन्टिनय् च्वना छेँय् वःपि बझाङया केदारस्यूँ गाउँपालिकाया ६६म्हेसित कोरोना भाइरस (कोभिड(१९) या संक्रमण पुष्टि जूगु दु ।उपि असार लिपागु वाःय् भारत बेंलोरं वया अन क्वारेन्टिनय् च्वःगु खः ।
छथाय् स हे ६६ म्ह नाप १२५ म्ह साउन ७ गते स्वाब संकलन याःगु खः धका स्वास्थ्य शाखा प्रमुख कैलाश बलायरं जानकारी बिःगु खः ।
भारत वया १४ दि थ्यःगु इलय् वःगु ९ गते उपि छेँय् लिहा वःगु खः । छेँय् वःगु छवाः लिपा ६६ म्हेसित संक्रमण पुष्टि जूगु खः । छेँ वःपि मध्ये शुक्रवाः २५ म्ह व शनिवाः ४१म्हेसित याना ६६म्हेसित संक्रमण पुष्टि जूगु धका स्वास्थ्य शाखा प्रमुखं धाःगु खः ।
क्वारेन्टिनय् च्वना छेँय् लिहा वःपि संक्रमितपि केदारस्यूँ गाउँपालिका ६ व ७ या बासिन्दा धका धाःगु खः । आः निगु हे वडा सिल यायेगु निर्णय गाउँपालिका याःगु दु । ‘शनिवाः च्वंगु गाउँ कार्यपालिकाया बैठकं निगू हे वडा सिल यायेगु व गाउँपालिकाय् लकडाउन कडा यायेगु तयारी न याःगु दु ।
थप ३१५म्हेसित कोरोना संक्रमण पुष्टि
लहनान्युज | गुंलाथ्व १२ ११४०,साउन १७ शनिवाः
देय्यकं थप ३१५म्हेसित कोरोना संक्रमण पुष्टि जुगु दु ।
स्वास्थ्य तथा जनसंख्या मन्त्रालयं थौं शनिवाः नियमित कोभिड १९ प्रेस ब्रिफिङमा प्रवक्ता डा जागेश्वर गौतमं वःगु २४ घन्टाय् ३१५ म्हेसित संक्रमित जूगु दु धका जानकारी बिःगु दु ।
आः देय् यकं संक्रमितपिनिगु ल्याः २० द्धः व ८६म्ह थ्यःगु दु ।
२४ घन्टाय् दुने ९३ म्ह डिस्चार्ज जूगु दु धका प्रवक्ता गौतमं धाःगु दु ।
थ्व नाप देय् यकं डिस्चार्ज जूपि आः १४ द्धः व ४९२म्ह थ्यःगु दु ।
२४ घन्टाय् ६३०४म्हेसिगु परीक्षण याःगु खः ।
प्रवक्ता गौतमया कथं क्वारेन्टाइनय् १३ द्धः व २०१म्ह दु धका धाःगु दु ।
सभामुख निवासया सुरक्षाकःमियात कोरोना भाइरसया सङ्क्रमण पुष्टि
लहनान्युज | गुंलाथ्व १२ ११४०,साउन १७ शनिवाः
सभामुख अग्निप्रसाद सापकोटाया निवासय् ज्या याइम्ह छम्ह सुरक्षाकःमियात कोरोना भाइरसया सङ्क्रमण पुष्टि जूगु दु ।
उम्ह सुरक्षाकर्मी साउन ६ गते निसे सभामुख निवास मवःगु धका सभामुख सापकोटाया सचिवालय धाःगु दु ।
सभामुख सुरक्षाया लागि न्ह्यनेगु गाडीइ च्वनेगु व प्रहरी हेडक्वाटरय् च्वनिम्ह प्रहरीयात कोरोना सङ्क्रमण पुष्टि जूगु दु ।
उम्ह सुरक्षाकर्मीयात कोरोना पुष्टि जुइवं सभामुख सापकोटाया निवासय् च्वपि सुरक्षाकर्मी व मेपि मनू तयेगु न स्वाब सङ्कलन याःगु दु ।
मुस्लिमपिनिगु बकर ईद छेँ च्वना नमाज ब्बनेत इनाप
लहनान्युज | गुंलाथ्व १२ ११४०,साउन १७ शनिवाः
इस्लाम धर्मावलम्बीपिनिगु तजिगु नखः बकर ईद थौं माने यायेत्यःगु दु ।
इदुल फित्र अर्थात् रमजान पर्वया ७० दिं बकर ईद माने यायेगु धार्मिक विधि दु । स्वन्हुु तक माने याइगु थुगु नखः ‘इद–उल–जुहा’ न धायेगु याः । बलिदानीया नखःया रुपमा कया तःगु थुगु नखः बकर इद मुस्लिम महिना जुल हिज्जाया झीन्हुया दिं माने याइ ।
हिजरी संवत् कथं १४३५ दँ न्हापा अल्लाहया आदेश कथ इब्राहिमं थः काय् इस्माएल अलेह सलामयात बलिदान याःगु तयार जुगु लुँमन्तिं थुगु नखः न्यायेका वया च्वंगु खः ।
थौंया दिं मस्जिदय् जम्मा जुया विशेष नमाज ब्बनेगु याइ । तर कोरोना भाइरस संक्रमणया जोखिम याना छेँय् च्वना नमाज ब्बनेत राष्ट्रिय मुस्लिम आयोगं सकसित इनाप याःगु खः ।
नमाज ब्बने धुका छेँ वना बली बिइगु व छम्ह मेपिन्त भिंतुना बिइगु प्रचलन दु । इस्लाम धर्मावलम्बीपिन्स थीथी जनावरया बली बिइगुु व वयात स्वगू ब्बय् तया छगु ब्बः परिवार नइ, छगू ब्बः पाँहायात बिइगु व छगू ब्वः गरीब एवं दीन दुःखीयात इनेगु मुस्लिम धार्मिक विधानय् दु ।
