स्वनिगलय् थप १०३८ म्हेसित कोरोना संक्रमित जूगु दु धका स्वास्थ्य तथा जनसंख्या मन्त्रालयं धाःगु दु।

वःगु २४ घण्टाया दुने ४०३ म्ह मिसापि व ६३५ म्ह मिजंपिन्त कोरोना पुष्टि जुगु खः।

थौं न्हुपि थपे जुपि संक्रमितपि मध्ये येँ जक ८२२म्ह खः।

अथेहे ख्वप ४८ म्ह व यलय् १६८ म्हेसित कोरोना पुष्टि जुगु दु। थौं देय् यकं १४४२ म्हेसित कोरोना संक्रमण पुष्टि जुगु दु।

वःगु २४ घण्टाया दुने थौं मंगलवाः थप ५०२ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

आःतक  थ्व नाप नेपालय् कोरोना संक्रमितपि २ लाख ११ हजार ४७५ म्ह थ्यःगु दु। अथेहे वःगु २४ घण्टाय् २ हजार ८७८ म्ह कोरोना संक्रमणमुक्त जुया छेँय् लिहा वःगु दु। थ्व नाप कोरोनामुक्त जूपि १ लाख ७९ हजार २४२ म्ह थ्यःगु दु

अथेहे देय् यकं सक्रिय संक्रमितपि आःतक ३० हजार ९८६ म्ह थ्यःगु दु।

मन्त्रालयया कथं आःतक पीसीआर विधिपाखे १६ लाख १७ हजार २३ म्हेसित परीक्षण याःगु दु। २४ घण्टाय् जम्मा ३ हजार ११२ पीसीआर परीक्षण याःगु खः।

वःगु २४ घण्टाया दुने स्वनिगलय् थप ३३९ म्हेसित कोरोना संक्रमित जूगु दु धका स्वास्थ्य तथा जनसंख्या मन्त्रालयं धाःगु दु।

थौं मंगलवाः संक्रमित जूपि १४६ म्ह मिसा व १९३ म्ह मिजं पिन्त संक्रमण जूगु दु धका धाःगु दु। थौं येँ जक २८९म्हेसित कोरोना सक्रमण जूगु दु धका मन्त्रालय् जानकारी बिःगु दु ।

अथेहे ख्वपय् १२ म्हेसित व यलय् ३८ म्हेसित कोरोना सक्रमण जूगु दु। वःगु २४ घण्टाय् ३ हजार ११२ म्हेसिगु पीसीआर परीक्षण याःगु खः।

नेवाः गुथि टोखाया ग्वसालय् छगु न्हुदँ हनेयेगु ज्याझ्वः जुगु दु।

उगु ज्याझ्वलय् परम्परागत बाँसुरी खलः व दापा खलःपिन्स ब्बति काःगु खः। ज्याझ्वःया मूपाहाँ टोखा नगरपालिकाया मेयर प्रकाश अधिकारीं स्वन्ति नाप न्हुदँ ११४१ या सकिसित भिंतुना बियादीसे टोखाया जिवित द्यः गणेश व कुमारीयात दँच्छि छगु छगु लाख बिइगु घोषणा यानादीगु दु।

अथेहे तलेजु द्यःया थाय् छगु लाख व ५० हजार बिइगु धका धयादिगु खः। टोखा नगर दुने जात्रा पर्व नाप संस्कृतिया लागि छगु करोडया अक्षयकोषया घोषणा यानादीगु दु। उगु अक्षयकोषया लागि गजराज ट्रष्ट, ज्ञानवीर स्मृति, भाइलाल व जमराज स्मृतिपाखे निगु निगु लाख ग्वाहालि यायेगु बचं बिगु खः।

गुथिया नायः देवनारायण डंगोलया सभाध्यक्षताय् जुगु उगु ज्याझ्वलय् पाँहा कथं नेवाः देय् दबूया सचिव झायादिगु खः।

उगु ज्याझ्वःया समन्वय टोखा संस्कृति संरक्षण बिकास समिति याःगु खः।