Display Style:
Column Style
बिहीवाःनिसे सार्वजनिक गाडी चले याइगु
लहनान्युज | गुंलाथ्व पारु ११४०,साउन ६ गते
यातायात व्यवसायीपिन्स थ्व हे वइगु बिहीवाः निसे सार्वजनिक गाडी चले यायेगु निर्णय याःगु दु ।
थौं मंगलवाः येँ छगू मंकाः पत्रकार सम्मेलन यासे नेपाल यातायात व्यवसायी राष्ट्रिय महासङ्घ व यातायात मजदुरया स्वगू ट्रेड युनियनं बिहीवाः निसे गाडी चले यायेगु घोषणा याःगु खः ।
महासङ्घया महासचिव सरोज सिटौलां जोर–बिजोर प्रणालीइ गाडी चले यायेगु निर्णय यानागु धका जानकारी बिःगु दु ।
थ्व नाप यातायात व्यवसायीं तहाकःगु रुटय् न गाडी चले यायेगु तयारी दु धका धाःगु दु । तर थुकियाःगु विषयय् सरकारं छू न निर्णय यागू मदुनि ।
चिहाकःगु रुटय् सुरक्षा मापदण्ड अपने याना सार्वजनिक गाडी चले यायेगु सरकारं निर्णय याःगु नेपाल यातायात व्यवसायी राष्ट्रिय महासङ्घ व यातायात मजदुरका ट्रेड युनियनं गाडी चले यायेगु माने मजूगु खः । अय्न मेगू सार्वजनिक गाडी धाःसा वःगु असार २९ गते निसे चले याये धूकुगु दु ।
थप १५०म्ह कोरोना संक्रमण
लहनान्युज | गुंलाथ्व पारु ११४०,साउन ६ गते
थौं मंगलवाः थप १५०म्ह कोरोना संक्रमण खने दुगु दु ।
स्वास्थ्य तथा जनसंख्या मन्त्रालयया कथं थौंतक कोरोना भाइरस संक्रमितपि १७ द्धः व ९९४म्ह थ्यःगु दु ।
अथेहे मंगलवाः ६०९म्ह डिस्चार्ज जूगु दु ।
डिस्चार्ज जूपि थौं तक १२ द्धः व ४७७म्ह थ्यःगु दु ।
येँ ८म्ह व यलय् छम्ह सक्रमण
लहनान्युज | गुंलाथ्व पारु ११४०,साउन ६ गते
थौं येँ च्याम्ह व यलय् छम्ह नाप गुम्हेसित संक्रमित पिहा वःगु दु ।
स्वास्थ्य तथा जनसंख्या मन्त्रालयय् बिःगु जानकारी थं येँ ८ म्ह व यलय् छम्ह नाप स्वनिगलय् गुम्हेसित संक्रमित जूगु धका धाःगु दु ।
उपि छु थासय् यापि धका धाःसा मन्त्रालयं धाःगु मदु ।
गण्डकी प्रदेशय् १६म्ह कोरोना संक्रमित
लहनान्युज | गुंलाथ्व पारु ११४०,साउन ६ गते
गण्डकी प्रदेशय् थौं मंगलवाः १६म्हेसित कोरोना भाइरस (कोभिड(१९) संक्रमित थपे जूगु दु ।
क्षयरोग उपचार केन्द्र पोखराय् याःग् परीक्षणय् थौं थप १६म्हेसित कोरोना संक्रमण पुष्टि गण्डकी प्रदेशया स्वास्थ्य निर्देशनालयं धाःगु दु ।
निर्देशनालयया कथं १६म्ह मध्ये ७ म्हस्याङजाया पुतलीबजारय् ७ म्ह खः ।
स्वम्ह न्हुपि पुष्टि जूगु दुसा प्यम्ह गणना छुटे जूपि गल्याङ व वालिङयापि खः ।
थ्वनाप गण्डकी २५ म्हेसित संक्रमण पुष्टि जूगु खःसा आःतक संक्रमितपि १३४५म्ह थ्यःगु दु ।
स्कूलय् विद्यार्थी भर्ना यायेगु तयारी
लहनान्युज | गुंलाथ्व पारु ११४०,साउन ६ गते
सरकार ंसाउन ८ लिपा विद्यार्थी भर्ना यायेगु तयारी याःगु दु । मन्त्रिपरिषदया सोमवाः च्वंगु बैठकं स्कूल तत्काल खोल्ले मयोगु तर अभिलेखिकरणया प्रक्रिया न्ह्यने यकंकेगु निर्णय याःगु दु ।
शिक्षामन्त्री गिरिराजमणि पोखरेलं आः याकहे स्कुल चाइ मखु तर अभिमुखीकरण सुरु यायेत लःचायेके बिइगु जुइ धका धाःगु दु ।
शक्षामन्त्री पोखरेलं सामुदायिक स्कुलया शिक्षकपिन्त साउन ८ निसे १५ गते तक स्कूलय् थ्यकि धका धाःगु दु ।
नाप क्वारेन्टिन दुगु थासय् निर्मलीकरण यायेगु लगायतया विषयय् निर्णय जूगु धका धाःगु दु ।
