Display Style:
Column Style
कोरोना येँ निम्ह नाप गुम्ह मन्त
लहनान्युज | ञंलाथ्व ७ ११४०,भाद्र ९ मंगलवाः
कोरोना भाइरस (कोभिड–१९) या संक्रमणं थप ९ म्ह मदुगु पुष्टि जुगु दु ।
मदुपि येँ, महोत्तरी व बाराय् निम्ह निम्ह व पर्सा, रुपन्देही व कैलाली छम्ह छम्ह मदुग खः ।
थ्व नाप कोरोना संक्रमण सीपि आः १७२ म्ह थ्यःगु दु ।
येँया चाबहिलया ७१ दँ दुम्ह मिसाम्ह छम्ह मदुगु खःसा मेम्ह येँ २१ वडाय् च्वम्ह ६६ दँ दुम्ह सशस्त्र प्रहरी अस्पताल, बलम्बु मदुगु खः ।
निषेधाज्ञा छवाःया लागि थपे याइगु
लहनान्युज | ञंलाथ्व ७ ११४०,भाद्र ९ मंगलवाः
जिल्ला कोभिड–१९ संकट व्यवस्थापन केन्द्रया पदाधिकारी व स्वनिगःया मेयरपि दथुइ च्वगु बैठकं येँ, ख्वप व यलय् मेगु छवाः निषेधाज्ञा जारी यायेगु सिफारिस याःगु दु ।
जिल्ला प्रशासन कार्यालय, काठमाडौं थौं मंगलवाः च्वंगु बैठक छवाःया लागि निषेधाज्ञा तयेगु सिफारिस याःगु दु ।
स्वनिगया सीडीआपिन्स वःगु भदौ ३ गते चान्ह्यनिसे लागू जुइ कथं छवाःया लागि निषेधाज्ञा लागू याःगु खः ।
उगु निषेधाज्ञा कन्ह्य बुधवाः निसे सिधये त्यःगु दु ।
सुनसरी २१ म्ह थुनुवायात कोरोना संक्रमण
लहनान्युज | ञंलाथ्व ७ ११४०,भाद्र ९ मंगलवाः
जिल्ला प्रहरी कार्यालय सुनसरीइ हिरासतय् तयातपि २१ म्ह थुनुवायात कोरोना संक्रमण पुष्टि जूग दु ।
संक्रमण पुष्टि जूपि हत्या, बलात्कार, लागू वासः, सवारी ज्यान लगायत मुद्धाय् द्धपनय् लापि खः ।
उमित कूनात तःथाय् हे कोरोना सरे जूगु आशंका याःगु दु ।
थौं मंगलवाः प्रदेश १ य् १०९ म्हेसित कोरोना संक्रमित जूगु खः । थ्व नाप प्रदेश १ य् कोरोना संक्रमितपि २ हजार ८३२ म्ह थ्यःगु दु ।
अथहे अन १ हजार ३३२ म्ह संक्रमणमुक्त जुइ धुकुगु दु ।
बाराय् निम्ह कोरोना संक्रमण मन्त
लहनान्युज | ञंलाथ्व ७ ११४०,भाद्र ९ मंगलवाः
कोरोना भाइरस संक्रमणया कारण मंगलवाः बाराय् निम्ह सीगु दु । वीरगञ्जया गण्डक कोभिड अस्पतालय् वासः याका वयाच्वपि निम्ह मनू मदुगु खः ।
मदुपि सुवर्ण गाउँपालिका–४ परशुरामपुरया ७२ दँ दुम्ह व महागढीमाई नगरपालिका ४ दहियार त्वालय् च्वम्ह ५९ दँ दुम्ह खः धका गण्डक कोभिड अस्पतालया संयोजकं जानकारी बिःगु खः ।
वःगु ६ गते कोरोना संक्रमण पुष्टि जूम्ह ७२ दँ दुम्ह मनू छेँय् आइसोलेसनय् च्वना च्वम्ह खः । वयात स्वास्थ्यय् समस्या वये वः ८ गते गण्डक कोभिड अस्पतालय् वासः यायेत हःगु खःसा थौं मंगलवाः मदुगु खः ।
अथेहे मेम्ह ४ गते कोरोना संक्रमण पुष्टि जुम्ह महागढीमाई नगरपालिकाया ५९ दँ दुम्ह ५ गते गण्डक कोभिड अस्पतालय् भर्ना जुगु खः ।
थौं ७ म्ह सीत, ८५५ म्ह कोरोना सङ्क्रमण
लहनान्युज | ञंलाथ्व ७ ११४०,भाद्र ९ मंगलवाः
थौं वःगु २४ घण्टाय् ८५५ म्ह कोरोना सङ्क्रमण जुगु दु सा न्ह्यम्ह सीगु दु ।
थ्व नाप आः नेपालय् कोरोना सङ्क्रमितपि ल्याः ३३ हजार ५३३ म्ह थ्यःगु दु । वःगु २४ घण्टाय् जक ८५५ म्हेसित कोरोना सङ्क्रमण पुष्टि जूगु दु धका स्वास्थ्य तथा जनसङ्ख्या मन्त्रालयं धाःगु दु ।
अथेहे, वःगु २४ घण्टाय् कोरोना सङ्क्रमितपि न्ह्यम्ह सीगु दु ।
आः सनेपालय् १२ हजार २५० म्ह सक्रिय सङ्क्रमितपि दु । उकि मध्ये न्याद्धः व ६६९म्ह होम आइसोलेशन व च्याद्धः व ५८१ म्ह आइसोलेशनय् च्वना च्वःगु दु ।
अथेतु, १० हजार ४५३ म्ह क्वरेण्टीनय् च्वना च्वंगु दु धका मन्त्रालयं धाःगु द ।
थ्व नाप कोरोना सङ्क्रमण जुया मदुपि आः १६४ म्ह थ्यःगु दु धका मन्त्रालयया प्रवक्ता डाक्टर जागेश्वर गौतमं जानकारी बिःगु दु ।
