वःगु २४ घन्टाया दुने स्वनिगः दुने थप ८३५ म्हेसित कोरोना संक्रमण पुष्टि जूगु दु।

थौं पुष्टि जुपि ३७९ मिसा व ४५६ म्ह मिजंपि याना ८३५ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।

थौं येँ जक ६४२ म्हेसित कोरोना पुष्टि जुगु दु। अथेतु ख्वपय् ८८ म्ह व यलय् १०५ म्ह याना स्वनिगलय् मुक्क ८३५ म्हेसित कोरोना संक्रमित जुगु दु धका मन्त्रालयं धाःगु दु।

मन्त्रालयया कथं येँ ११ हजार ३ ९३ म्ह, ख्वपय् १०१४ म्ह व यलय् १९३१ म्ह होम आइसोलेशनय् च्वनाच्वंगु दु। अथेहे येँ सक्रिय कोरोना संक्रमितपि १५ हजार ९३७म्ह, ख्वपय् १३०६ म्ह व यलय् २३४६ म्ह दु धका धाःगु दु।

वःगु २४ घण्टाया दुने १९४६ म्हेसित कोरोना भाइरस संक्रमित थपे जुगु दु।

देय् यकं थीथी प्रयोगशालाय् याःगु परीक्षणय् १९४६ म्हेसित कोरोना संक्रमण पुष्टि जुग दु धका स्वास्थ्य तथा जनसंख्या मन्त्रालयं जानकारी बिःगु दु।

थ्व नाप नेपालय् कोरोना संक्रमितपि २ लाख ८ हजार २९९ म्ह थ्यःगु दु। अथेहे २४ घण्टाया दुने २५०३ म्ह संक्रमणमुक्त जुगु दु धका धाःगु दु।

मन्त्रालयया कथं थ्व नाप कोरोनामुक्त जुपि १ लाख ७० हजार ६३२ म्ह थ्यःगु दु। आःतक देय् यकं संक्रमितपि ३६ हजार ४५२म्ह थ्यःगु।

वःगु २४ घण्टाया दुने १३ म्हेसित कोरोना संक्रमितपि सीगु दु धका स्वास्थ्य तथा जनसंख्या मन्त्रालयं जानकारी बिःगु दु।

कोरोनाया कारण थौं सीपि याना आःतक नेपालय् १२१५ म्ह थ्यःगु दु।

सुर्खेतया वीरेन्द्रनगरय् वासः याना वयाच्वम्ह छम्ह कोरोना संक्रमितपि मिजं सीगु दु।

वीरेन्द्रनगर नगरपालिका वडा नं. ८ या ६० दँ दुम्ह सुथया साढे ४ बजेय् प्रदेश अस्पताल सुर्खेतय् मदुगु खः।

सामाजिक विकास मन्त्रालयया स्वास्थ्य सेवा महाशाखाया जनस्वास्थ्य शाखा प्रमुखं वयात कात्तिक २३ गते कोरोना संक्रमण पुष्टि जुगु खः धका धाःगु खः। होम आइसोलेसनय् च्वना च्वम्ह वयात सासः ल्हायेगु समस्या वयेवं कात्तिक २४ गते चान्ह्य साढे १० बजे प्रदेश अस्पताल सुर्खेतय् भर्ना याःगु खः। म्हय् अक्सिजनया मात्रा कम जुयावया थौं सुथय् ४ बजे बेहोस जुगु खः।

थ्व नाप कर्णाली प्रदेशय् कोरोना संक्रमण पुष्टि जुया सीपि १७ म्ह थ्यःगु दु धका जनस्वास्थ्य शाखा प्रमुखं जानकारी बिःगु दु।

शहरी विकास मन्त्रालयं दक्को शहरी सतकय् अनिवार्य रुपं साइकल लेन जुइमाः धका धयादिगु खः।

शहरी सतक निर्माण याये वलय् साइकल लेन दयेकेगु व्यवस्था जुसा शहरया निर्माण जुयाच्वंसा सतकया साइकल लेन मदु। अधिकांस निर्माण कम्पनीं साइकल लेन दयेका च्वंगु मदु। मन्त्रालयं आः दयकिइ व आः दक्को शहरी सतकय् साईकल लेन दइ धका धयादिगु खः। शहरी विकास मन्त्री कृष्ण गोपाल श्रेष्ठं दक्को शहरी सतकय् साइकल लेन दयेकेगु धका धयादिगु दु।

वयकलं साइकल लेन सहित सडक निर्माण यायेगु जिम्मा काःपि ठेकेदारं साइकल लेन तत्काल दयेकेत निर्देशन बियादिगु दु। साइकल प्रेमी अभियन्ताया पाखे नेपाल साइकल सोसाइटीं मन्त्री श्रेष्ठयात दक्को शहरी सतकय् साइकल लेन दयकेत माग यासे अनुरोधपत्र बुझे याःगु खः।

मन्त्री श्रेष्ठयात १० बुदे अनुरोधपत्र लल्हासे शहर विकास नाप साइकल लेनया विस्तार याये माःगु धका धाःगु खः। मन्त्रालयं शहरी विकास मन्त्रालयया संयोजनय् सरोकारवाला मन्त्रालय, सोसाइटीया अधिकारी, वातावरणविद् लगायतया अधिकारीपिनिगु कार्यदल दयेका ज्या न्ह्याइ धका धयादिगु खः।

सोसाइटीया अध्यक्ष रत्न श्रेष्ठं नेपालमय् साइकल गइीप अप्वोया वनाच्वंगु दु धका धयादिसे शहरी सतकय् साइकल लेनया अभाव दुगु खँ कनादिगु खः। सोसाइटीया सल्लाहकार वन्त, सृष्टीना श्रेष्ठ, सरिता मास्के, शैल श्रेष्ठ, राजेश महर्जन ,मधुकर महर्जन, रुबिन सिंह महर्जनपि मन्त्री श्रेष्ठ व सचिव सिहयात उगु मागपत्र पेश याःगु खः।