नेपालय् कोरोना भाइरस संक्रमणं थौं १७ म्ह मन्त। \

स्वास्थ्य तथा जनसंख्या मन्त्रालयया कथं थीथी जिल्लाय् याना कोरोना संक्रमणपि १७ म्ह मदुगु खः।

थ्व नाप नेपालय् कोरोना संक्रमणं सीपि १२७६ म्ह थ्यःगु दु। वःगु २४ घन्टाय् संक्रमितपि २१०३ म्ह थपे जुगु खः।

अथेहे वःगु २४ घन्टाया दुने २८५८ म्ह कोरोनामुक्त जुया छेँय् लिहा वःगु दु।

थ्व नाप आःतक कोरोनामुक्त जूपि १ लाख ८५ हजार ६३८ म्ह थ्यःगु दु।

वःगु २४ घन्टाया दुने स्वनिगलय् थप १२२९म्हेसित कोरोना संक्रमण जुगु दु धका स्वास्थ्य तथा जनसंख्या मन्त्रालयं धाःगु दु।

बिहीवाः येँ जक ९६५म्हेसित कोरोेना पुष्टि जूगु दु।अथेहे ख्वपय् ७५ म्ह व यलय् १८९ म्हेसित कोरोना संक्रमण खने दुगु दु।

थौं थपे जूपि संक्रमित मध्ये ५१३ म्ह मिसा व ७१६ म्ह मिजंपि खः। अथेहे, येँ १२४४१म्ह, ख्वपय् ९८९ म्ह व यलय् २२४४ म्ह सक्रिय संक्रमितपि दु।

अथेतु, कोरोना सक्रमण जुया येँ ३१२म्ह, ख्वपय् ८१म्ह व यलय् ८९ म्ह सी धुकुगु दु धका मन्त्रालयं धाःगु दु।

नेपालय् थौं देय्यकं २१०३ म्हेसित कोरोना संक्रमित पुष्टि जूगु दु।

वःगु २४ घन्टाया दुने देय् यकंया थीथी प्रयोगशाला परीक्षण यागुलि २१०३ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

मन्त्रालयया कथं थौं बिहीवाः थपे जुपि नाप नेपालय् आःतक कोरोना संक्रमितपि २ लाख १५ हजार २० म्ह थ्यःगु दु।

आःतक पीसीआर विधिपाखे १६ लाख ३३ हजार ५५९ म्हेसिगु परीक्षण याये धुकुगु दु धका मन्त्रालयं धाःगु दु।

धनुषाय् कोरोना संक्रमणपाखे छम्ह वडाध्यक्ष मन्त।

धनुषाधाम नगरपालिका ६ या वडाध्यक्ष बन्देबहादुर मोक्तान थौं बिहीवाः जनकपुरया प्रादेशिक अस्पतालया आइसोलेसनय् वासः यायेगु झ्वलय् मन्त।

७० दँ दुम्ह मोक्तान आइसोलेसनय् भर्ना जुगु प्यंन्हु लिपा मदुगु खः। वःगु सोमवाः ज्वरो वयेवं पुष्पवलपुरया स्वास्थ्य क्लिनिकय् वास याःगु खः। शारीरिक अवस्था कमजोर जुया वनेवं मंगलवाः प्रादेशिक अस्पतालमा जूगु खः।

अन स्वाब संकलन यागु इलय् कोरोना संक्रमित खने दुगु व म्हय् अक्सिजन कम जुया वनेवं आइसोलेसनय् तया वासः यायेगु झ्वलय् थौं बिहीवाः मदुगु खः।

पूर्वएमालेपाखे वडा अध्यक्षय् निर्वाचित जुम्ह मोक्तानया शव नेपाली सेनाया टोलीं स्वास्थ्य सुरक्षाया विधि पालनायासे अन्त्येष्टि याःगु खः।

लुँ तोला न्ह्यसः क्वहावल लुँ तोलां थौं बिहीवाः छन्हु हे न्ह्यस क्वहा वःगु दु।

नेपाल सुनचाँदी व्यवसायी महासंघं थौं बिहीवाःया लागि छापावाल लुँया भाः तोलां ९४ हजार ४ सय तोके याःगु दु।

म्हिगः बुधवाः तोलाया ९५ हजार एक सय रुपैयाँ कायम जूगु खः।

अथेहे तेजाबी लुँ तोलाय् न्ह्यसः क्वहा वया ९३ हजार ९ सय कायम जुगु दु। म्हिगः बुधवाः तेजाबी लुँ तोलाया ९४ हजार ६ सय कायम जूगु खः

। अथेहे वहः तोलां झींन्यातका क्वहा वया १२१५ तका कायम जुगु दु। म्हिगः तोलाया १२३० रुपैयाँ कायम जूगु खः।