Display Style:
Column Style
गण्डकी कोरोना संक्रमितपि झीस्वसः स्वया अप्वल
लहनान्युज | दिल्लागा चतुर्दशी ११४०,श्रावण ४ आइतवाः
गण्डकी कोरोना संक्रमितपि झीस्वसः स्वया अप्वःगु दु ।
आइतवाः प्रदेश यकं २४ म्हसित कोरोना संक्रमण पुष्टि जूगु दु अन संक्रमितपिनिगु ल्याः १३२०म्ह थ्यःगु दु ।
गण्डकी स्वास्थ्य निर्देशनालयं आइतवाः जक गण्डकीया खुगु जिल्लाय् कोरोना संक्रमित थपे जूगु दु ।
५७ म्हेसित कोरोना संक्रमण पुष्टि
लहनान्युज | दिल्लागा त्रयोदशी ११४०,श्रावण ३ शनिवाः
वःगु २४ घण्टाय् थप १०३म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकं जूगु प्रयोगशालाय् ३३३१म्हेसिगु यागु नमुना परीक्षणय् थौं १०३म्हसित संक्रमण पुष्टि जूगु खः ।
भौतिक पूर्वाधारमन्त्री नेम्वाङ्गं किपू नगरपालिकाय् निरीक्षण
नृपेन्द्रलाल श्रेष्ठ | दिल्लागा त्रयोदशी ११४०,श्रावण ३ शनिवाः
संघीय सरकारया भौतिक पूर्वाधार तथा यातायात मन्त्री माननीय वसन्त कुमार नेम्वाङ्गं किपू नगरपालिकाया निरीक्षण भ्रमण यानादिगु दु ।
माननीय मन्त्री नेवाङ्गयात किपू नगरपालिकाया न्हुगु भवन अमल्सिय् नगरपालिकाया मेयर रमेश महर्जन, उप–मेयर सरस्वती खड्का, पूर्व राज्यमन्त्री दिलिप महर्जनपिन्स लसकुस यानादिगु खः ।
लसकुस यायेगु झ्वलय् र महर्जनं सिंहदरवार (संघीय सरकार) व हेटौंडा (प्रदेश सरकार) नं किपू नगरपालिकायात स्वयेगु दृष्टिकोणय् ह्यूपा हयेमाःगु धका धयादिसे मन्त्री नेम्वाङ्ग थुकिया ह्यूपाः किपूली विकास व ग्वाहालि याइगु भलसा कयादिगु खः । नाप किपूलि दयेके त्यःगु स्मार्ट स्ट्रीट लाइट (नगर उज्यालो कार्यक्रम) या अवधारणा पत्र –डिपिआर) न हस्तान्तरण यानादिगु खः ।
लकडाउनया ई सदुपयोग याना येँया अधिंकाश सतक दयेका रंग रोगन ज्या यानादिम्ह मन्त्री नेम्वाङ्गं थौं कन्ह्य शुक्रवाः व शनिवाः स्थानीय स्तरय् जुया च्वंगु भौतिक निर्माण ज्याया निरीक्षण यायेगु योजना दयेका च्वनादिम्ह मन्त्री नेम्वाङ्ग किपू नगरपालिका सुरु यानादिगु खः धका धयादिगु खः ।
उगु ज्याझ्वलय् किपूलि सरकारं ग्वाहालि यायेगु बचं बियादिसे स्मार्ट स्ट्रीट लाइट (नगर उज्यालो कार्यक्रम) माःगु ग्वाहालि यायेगु धयादिसे मन्त्री नेम्वाङ्ग बिकासय् माःगु डिपिआर तक दयेके धुकुगुलि मेगु नगरपालिका स्वया न्ह्यने लागुलि प्रशंसा तक वयल यानादिगु खः ।
मन्त्री नेम्वाङ्ग किपू नगरपालिकाया भवन, अमल्सि नं नगाउँ, चम्पादेवी वना नेपाल कम्यूनिष्ट पार्टीया संस्थापक महासचिव क.पुष्पलालया झ्वाताय् स्वां न देछानादिगु खः । अथेहे वडा नं. ९ नगाउँलय् दयेका च्वंगु रिटेलिङ्ग वाल तथा ढल निकासया योजना स्थलगत निरीक्षण न यानादिगु खः । मन्त्री नेम्वाङ्गयात किपूया दकलय् तःजागुे ऐतिहासिक तथा पर्यटकीय स्थल क्वाःच्व (उमा महेश्वर देगः) य् न झायादिगु खः ।
उगु ज्याझ्वलय् संघीय सांसद् कृष्णगोपाल श्रेष्ठ, विना श्रेष्ठपिं न झायादिगु खः ।
थौ गन गन पिहा वल संक्रमितपि
लहनान्युज | दिल्लागा द्धादशी ११४०,श्रावण २ शुक्रवाः
वःगु २४ घण्टाय् थप १०१म्ह कोरोना भाइरस (कोभिड (१९) या संक्रमण पुष्टि जूगु दु । उकि मध्ये छम्ह सीगु दु ।
मन्त्रालयया कथ सप्तरीया ७३ दँ दुम्ह छम्ह मिजंम्ह वीपी कोइराला स्वास्थ्य विज्ञान प्रतिष्ठानय् सी गु दु । वयात मंगलवाः अस्पताल भर्ना याःगु खः सा वयागु बुधवाः स्वाब संकलन याःगु खः ।
वयागु बिहीवाः बहनि कोरोना संक्रमण जूगु रिपोर्ट वःगु खःसा वयागु छू घण्टाय् सी गु खः ।
थौ गन गन जूल संक्रमित ?
स्वास्थ्य तथा जनसंख्या मन्त्रालयया कथं दकलय् अप्व लमजुङय् २२म्हेसित संक्रमित जूगु दु ।
अथेहे रोल्पाय् १३म्ह, बर्दियाय् १०म्ह, रौतहट व धनुषाय् च्याम्ह च्याम्ह, तनहुँय् न्हयम्ह, दाङय् न्याम्ह नवलपुर व बाराय स्वम्ह स्वम्हेसित संक्रमण पुष्टि जूगु दु ।
झापा, मोरङ, पर्सा, नुवाकोट व ख्वय् िनिम्ह निम्ह नाप सप्तरी, मकवानपुर, सिन्धुली, काभ्रे, येँ, पाल्पा, रुपन्देही, सल्यान, रुकुम पश्चिम, डडेलधुरा, बझाङ व डोटीइ छम्ह छम्हेसित कोरोना संक्रमण जूगु दु ।
थ्व नाप नेपालय् संक्रमित पिनिगु ल्याः १७४४५म्ह थ्यःगु दु । उकि मध्ये ४०म्ह सी धूकुगु दु सा वास याका छेँ लिहा वःपि ११५३४म्ह थ्यःगु दु ।
वःगु २४ घण्टाय् जक २८५म्ह डिस्चार्ज जूगु दु ।
स्वनिगलय् समुदायय् कोरोना भाइरसया सङ्क्रमण जुगु मदुनि
लहनान्युज | दिल्लागा द्धादशी ११४०,श्रावण २ शुक्रवाः
स्वास्थ्य तथा जनसङ्ख्या मन्त्रालयं स्वनिगलय् आःतक समुदायय् कोरोना भाइरसया सङ्क्रमण जुगु मदुनि धका धाःगु दु ।
वःगु २४ घण्टाय् स्वनिगः दुने ख्वपय् निम्ह व येँ छम्हेसित कोरोना सङ्क्रमण पुष्टि जूगु दु । सङ्क्रमित स्वम्ह मध्ये निम्ह विदेशं लिहा वःपि खः सा छम्ह ब्युटी पार्लर व्यवसायय् याना वयाच्वम्ह खः धका मन्त्रालयया प्रवक्ता डाक्टर जागेश्वर गौतमं धाःगु दु ।
मेगु नाप थीथी प्रमाणं स्वनिगलय् समुदाय स्तरय् सङ्क्रमण फैलै मजूगु पुष्टि जूगुु धका न वयकलं धाःगु दु । सङ्क्रमणया जोखिम धाःसा अझ न दुगुलि सतर्कता अपने यायेत सुझाव बिःगु दु ।
वःगु २४ घण्टाय् सच्छि व छम्ह कोरोना भाइरसया सङ्क्रमण पुष्टि जूगु दुु । थ्व नाप याना आः तक नेपालय् कोरोना सङ्क्रमितपि १७ द्धः व ४४५ थ्यःगु दु पुगेको छ । सङ्क्रमित मध्ये ११ द्धः व ५३४म्ह वासः याका छेँय् लिहा वःगु दु धका स्वास्थ्य तथा जनसङ्ख् मन्त्रालयं धाःगु दु ।
आःतक प्रदेश १ ७४४म्ह, प्रदेश २ २५८८म्ह, वाग्मती प्रदेशय् ४१३म्ह, गण्डकी ९४६म्ह, प्रदेश ५ ३६९२म्ह, कर्णाली प्रदेशय् १४९२म्ह व सुदूरपश्चिमय् १६५९म्ह डिस्चार्ज जूगु धका स्वास्थ्य तथा जनसङ्ख्या मन्त्रालयया प्रवक्ता डाक्टर गौतमं जानकारी बिःगु दु ।
अथेहे नेपालय् कोरोना सङ्क्रमणया कारण मदुपि ४०म्ह थ्यःगु दु ।
