Display Style:
Column Style
अत्यावश्यक बाहेकया सेवा प्रवाह १५ गते तक स्थगन
सुरेन्द्रभक्त श्रेष्ठ | ञंलाथ्व ६ ११४०,भाद्र ८ सोमवा
उपत्यका नगरपालिका फोरमं स्वनिगःया दुने दक्को नगरपालिकाय् कन्ट्राक्ट ट्रेसिङ व टेस्टिङया दायरा तब्याका यंकिगु निर्णय याःगु दु ।
थौं च्वंगु उपत्यका नगरपालिका फोरमया बैठकं थथे निर्णय याःगु खः । उपत्यका दुने समूदाय स्तरय् हे कोभिड—१९ या संक्रमण फैलै जुइ फइगु खतरा जुया वःगुलि आः थुकिया रोकथाम व नियन्त्रणया लागि याकन हे स्वास्थ्य मन्त्रालय नाप समन्वय याना कन्ट्राक्ट ट्रेसिङ व टेस्टिङया दायरा तब्याका यकेगु निर्णय यानागु धका उपत्यका नगरपालिका फोरमया अध्यक्ष नाप येँ महानगरपालिकाया मेयर विद्यासुन्दर शाक्यं थौं जूगु पत्रकार सम्मेलनय् धयादिगु खः ।
‘स्वास्थ्य मन्त्रालयया टीम नाप कन्ह्य निसे उपत्यकाया १८ गु नगरपालिकाय् तालिका दयेका कन्ट्राक्ट ट्रेसिङ व टेस्टिङया ज्या न्ह्याइ धका धयादिगु खः’,
थौ बैठक लिपा ग्वसाः ग्वगु पत्रकार सम्मेलनय् मेयर शाक्यं ‘जिमिसं उपत्यकाया दक्को पालिकाय् कन्ट्राक्ट ट्रेसिङया दायराय् लापि मनू तयेगु टेस्टिङ यायेगु जुइ धका धयादिगु खः । थुकिइ स्वास्थ्य मन्त्रालयया अनुभवी टीम नाप दइगु धका धयादिगु खः ।
मेयर शाक्यले आःतक उपत्यकाया १८ गु पालिकाया तथ्याङ्क कथं २७४६ म्ह संक्रमित पिहा वःगुलि उकिया आधारय् करीब २८५००म्हेसित कन्ट्राक्ट ट्रेसिङ याये मालिगु खँ कनादिगु खः । थुगु ज्याया लागि थ्व हे १५ गते तक परीक्षण याये सिधइगु जानकारी बियादिगु दु ।
‘पीसीआर वासः मखु रहरं परीक्षण याइपिनिगु लागि मखु कन्ट्राक्ट ट्रेसिङया दायराय् लागि नाप सुलाच्वपि मनू तयेत माःला परीक्षण यायेगुलि सञ्चार ख्यलं न ग्वाहालि यायेत इनाप याःगु दु ।
अथेहे उगु बैठकं उपत्यकाया स्थानीय तहपाखे प्रवाहित जुया वयाच्वंगु दक्को सेवा मध्ये मजिमगाःगु सेवा बाहेक भदौ ९ गते तक कायम जूसा भदौ १५ गते तकया लागि स्थगन यायेगु निर्णय याःगु दु ।
७४३ म्हेसित कोरोना संक्रमण पुष्टि
लहनान्युज | ञंलाथ्व ६ ११४०,भाद्र ८ सोमवाः
थौं वःगु २४ घण्टाय् देय् यकं ७४३ म्हेसित कोरोना संक्रमित जूगु दु ।
स्वास्थ्य तथा जनसंख्या मन्त्रालयया कथं १० हजार २३४ म्हेसिगु पीसीआर परीक्षणय् ७४३ म्हेसित संक्रमण पुष्टि जुगु दु ।
थौं सोमवाः तक संक्रमितपि ३२ हजार ६७८ म्ह थ्यःगु दु ।
वःगु २४ घण्टाय् १७५म्ह कोरोना संक्रमणपि डिस्चार्ज जूगु दु । सोमवाः तक डिस्चार्ज जूपि १८ हजार ८०६ म्ह थ्यःगु दु ।
वःगु २४ घण्टाय् स्वनिगलय् जक २२४म्हेसित कोरोना संक्रमण पुष्टि जुगु धका मन्त्रालयं धाःगु खः।
स्वनिगल दुने २२४म्ह संक्रमित
लहनान्युज | ञंलाथ्व ६ ११४०, भदौ ८ सोमवाः
थौं वःगु २४ घण्टाय् दुने स्वनिगः दुने २२४ म्ह कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं येँ जक १७७म्ह कोराना सकमित जुगु दु ।
अथेहे यलय् ३३ म्ह व ख्वपय् १४ म्हेसित संक्रमण पुष्टि जूगु दु ।
लुँ वहःया भाः न्यासः क्वहा वल
लहनान्युज | ञंललाथ्व ६ ११४०,भाद्र ८ सोमवाः
लुँया भाः थौं तोला न्यासः क्वहा वःगु दु ।
म्हिगः तोलाया ९८ हजार व प्यसः जुगुलि थौं तोलाया ९७ हजार व गुसः जूगु दु ।
अथेहे वहः तोलाया १३४५ तका जूगु दु । वह तोला थौं नी न्यातका क्वहा वःगु खः ।
विराटनगर व धरानय् कोरोना सङ्क्रमितपि निम्ह मन्त
लहनान्युज | ञंलाथ्व ६ ११४०,भाद्र ८ सोमवाः
विराटनगर व धरानय् कोरोना सङ्क्रमितपि निम्ह मनू मदुगु दु ।
विराटनगर महानगरपालिका वडा नम्बर ८ हरिहर चोकय् च्वम्ह छम्ह ६५ दँया मिजं मदुगु दु । न्हिनय् वयाके छु लक्षण व समस्या मदुगु खःसा बहनि ६ बजे विराटनगरया कोभिड १९
उपचार केन्द्रय् यकूगु खः । उम्ह मनू केन्द्रय् चान्ह्य हे मदु खः ।
मोरङय् आःतक कोरोना भाइरसया संक्रमणया कारण १४ म्हेसिगु ज्यान वने धुकुगु दु ।
अथेहे बीपी कोइराला स्वास्थ्य विज्ञान प्रतिष्ठान धरानय् न्हापागु पटक प्लाज्मा थेरापी याम्ह कोरोना सङ्क्रमितसिगु ज्यान वःगु दु । धरान उपमहानगरपालिका– ८ या ६८ दँया सङ्क्रमितम्ह आइतवाः बहनि मदुगु धका प्रतिष्ठानया प्रवक्तां जानकारी बिःगु खः ।
थ्व स्वया न्ह्यः प्लाज्मा थेरापी याम्ह निम्हम्ह न शनिवाः मदुगु खः।
