Display Style:
Column Style
राष्ट्रिय युवा महासंघ, यलया अध्यक्षय् राजन
नृपेन्द्रलाल श्रेष्ठ | दिल्लागा आमै ११४०, श्रावण ५ सोमवाः
राष्ट्रिय युवा महासंघ नेपाल, यल कचाया प्यक्वःगु वार्षिक साधारणसभापाखें राजन महर्जनया नेतृत्वय् न्हूगु ज्यासना पुचः ल्यःगु दु ।
निदँया नितिं ल्यःगु उगु न्हूगु ज्यासना पुचलय् प्रनीता शाक्य न्वकू, सुरज खड्का छ्याञ्जे, प्रत्येक शाक्य दांभरिकथं ल्यःगु दुसा ल्यू–छ्याञ्जेय् सुवास बराइली व सनिल डंगोल, अथे हे ल्यू दांभरिइ अनिस महर्जन व सायरा महर्जनयात ल्यःगु दु । ज्यासना पुचःया दुजलय् रोहण महर्जन व सदिका महर्जन च्वनादीगु दु ।
महासंघया केन्द्रीय नायः सुजन घलेया उपस्थितिइ निर्वाचित जुयादीपिं पदाधिकारी व दुजःपिन्त यल कचाया निवर्तमान नायः राजेश बज्राचार्य पद लःल्हानादिसें सपथ ग्रहण याकादिल । थ्व हे झ्वलय् कचाया नवनिर्वाचित नायः राजन महर्जनं ल्याय्म्हतय्गु अधिकार व युवावर्गया ह्यूपाःया नितिं फुक्कलिसे जानाः न्ह्याःवनेगु प्रतिबद्धता प्वंकादिल ।
थ्व हे झ्वलय् यल क्षेत्र नं. ३या संघीय सांसद् नवराज सिलवाल, पूर्व प्रहरी नायब महानिरीक्षक पिताम्बर अधिकारी, नेपाल प्रहरी लागू औषध दुव्र्यसन ब्युरोया प्रहरी वरिष्ठ उपरीक्षक दीलिप चौधरी, अरनिको साँस्कृतिक तथा व्यावसायिक प्रर्वद्धन समाजया नायः अजरमान जोशी, ललितपुर महानगरपालिकाया विपद् शाखा प्रमुख हरिश्चन्द्र लामिछाने, महानगरपालिका समाजकल्याण महाशाखाया अधिकृत सरिता महर्जनपिन्सं न्हूगु कार्यकाल सुथांलाक्क न्ह्याकेफय्मा धकाः भिन्तुना देछानादिल ।
येँ महानगरपाखें प्रसुति गृह व वीरयात मेसिन ग्वाहालि
नृपेन्द्रलाल श्रेष्ठ | दिल्लागा चतुर्दशी ११४० (श्रावण ४) आइतवाः
येँ महानगरपालिकां चिकित्सा विज्ञान राष्ट्रिय प्रतिष्ठान वीर अस्पताल व प्रसुति तथा स्त्री रोग अस्पताल थापाथलीयात स्वास्थ्य ज्वलंत ग्वाहालि याःगु दु ।
भगिनी स्वापू स्थापित जनवादी गणतन्त्र चीनया तिब्बत स्वशाशित क्षेत्रय् लाःगु ल्हासा नगरं महानगरपालिकायात अनुदान कथं ब्यूगु छुं स्वास्थ्य ज्वलं निगू अस्पतालयात थौं लःल्हाःगु खः ।
१४ लख ९९द्वः ३सः व ७५ चिनियाँ युआन अर्थात करीब २ करोड ५७ लख २९द्वः २सः व ७५ तका ज्वलिंज्वःया स्वास्थ्य ज्वलंमध्ये थौं वीर अस्पतालयात स्वचालित न्युक्लेइक एसिड एट्राक्सन मेसिन छगः, न्युक्लेइक एसिड एट्राक्सन रिएजेन्ट ३द्वः थान, भिटिएम १५ सः थान, आरडीटी १५ सः थान व पर्सनल प्रोटेक्टिभ इक्युप्मेन्ट (पीपीइ) ५सः थान लःल्हाःगु खः ।
अथे हे, प्रसुती गृहयात पीसीआर मेसिन छगः, भिटिएम १५सः थान, आरडीटी १५सः थान व पीपीइ ५सः थान लःल्हानागु येँ महानगरपालिका शहरी स्वास्थ्य महाशाखाया प्रमुख नरेन्द्र विलास बज्राचार्यं जानकारी बियादिल ।
प्रसुती गृहयात लःल्हाःगु पीसीआर मेसिनया भाः ४ लख ४०द्वः युआन व वीर अस्पतालयात लःल्हाःगु स्वचालित न्युक्लेइक एसिड एट्राक्सन मेसिनया भाः १ लख युआन तूगु महानगरपालिकां जानकारी ब्यूगु दु ।
उगु इलय् येँ महानगरपालिकाया प्रमुख विद्यासुन्दर शाक्यं अस्पतालयात ग्वाहालि यायेखनाः लयताःगु धयादिल ।
‘आःया अवस्थाय् थ्व ग्वाहालि मगाः । छिकपिन्सं फक्व आपाः सेवा बियादिसँ व थुकिया फक्व सदुपयोग यानादिसँ’ शाक्यं धयादिल । ‘वइगु दिनय् मेगु ग्वाहालि नं यानावनेत जिपिं तयार दु ।’
ज्याझ्वलय् नवासें वीर अस्पतालया निर्देशक डाक्टर केदार प्रसाद सेन्चुरीं वइगु दिनय् नं महानरपालिकाया ग्वाहालि दयाच्वनीगु अपेक्षा दुगु धयादिल ।
प्रसुती गृहया निमित्त निर्देशक डाक्टर सन्दिप पौडेलं नं महानगरपालिकां थज्याःगु अवस्थाय् याःगु ग्वाहालियात च्वछानादिल ।
येँ महानगरपालिकाया अन्तर्राष्ट्रिय सम्बन्ध सचिवालयया अधिकृत यम वस्यालं ल्हासापाखें स्वचालित न्युक्लेइक एसिड एट्राक्सन मेसिन १ थान, थुकी छ्यलीगु रिएजेन्ट ३द्वः थान, पिसिआर मेसिन छगः, भिटिएम ३द्वः थान प्राप्त जूगु जानकारी बियादिल ।
अथे हे, आरडीटी किट ३द्वः थान, डिस्पोजेबल सर्जिकल पञ्जा २५सः थान, मेडिकल मास्क ३द्वः थान, इन्फ्रारेड थर्मोमिटर ३सः व ७५ थान अले पर्सनल प्रोटेक्टिभ इक्युप्मेन्ट (पीपीइ) २६सः थान दु ।
मेगु ज्वलंत महानगर थम्हं हे छ्यलेगु जनस्वास्थ्य महाशाखां न्ह्यथंगु दु ।
येँ छम्ह व यलय् निम्ह कोरोना संक्रमित थपे जुल
लहनान्युज | दिल्लागा चतुर्दशी ११४०,श्रावण ४ आइतवाः
थौं आइतवाः येँ छम्ह व यलय् निम्ह नाप स्वनिगलय् स्वम्हेसित कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया प्रवक्ता जागेश्वर गौतमं थौं आइतवाः स्वनिगः मध्ये येँ छम्ह व यलय् निम्ह कोरोना संक्रमितपि थपे जुगु धका धाःगु खः ।
येँया शुक्रराज ट्रपिकल तथा सरुवा रोग अस्पतालय् याःगु परीक्षणय् स्वनिगलय् स्वम्हसित कोरोना खने दुगु धका धाःगु खः ।
थौं आइतवाः देय् यक १५६म्हेसित कोरोना संक्रमितपि थपे जूगु धका धाःगु खः ।
थ्व नाप देय् यकं कोरोना संक्रमितपि १६०६५८म्ह थ्यःगु दु ।
थप १५६ जनामा कोरोना संक्रमण, ५८ जना डिस्चार्ज
लहनान्युज | दिल्लागा चतुर्दशी ११४०,श्रावण ४ आइतवाः
आइतबार नेपालमा थप १५६ जनामा कोरोना संक्रमण देखिएको छ ।
तथा जनसंख्या मन्त्रालयका अुनसार हालसम्म कोरोना संक्रमितको संख्या १७ हजार ६५८ पुगेको छ ।
विगत २४ घण्टामा देशभरका २७ वटा प्रयोगशालाबाट ३ हजार ७४१ जनाको पीसीआर विधिबाट कोरोना संक्रमण परीक्षण गरिएको थियो ।
आइतबार कोरोना संक्रमण निको भएर ५८ जना डिस्चार्ज भएका छन् । हालसम्म ११ हजार ६९५ जना डिस्चार्ज भएका छन् ।
च्वमि सुजन बिलास बज्राचार्यया अवु मन्त
लहनान्युज | दिल्लागा चतुर्दशी ११४०,श्रावण ४ आइतवाः
नेपालभाषाया कार्यकर्ता लिसें च्वमि सुजन बिलास बज्राचार्यया अवु पटेलबिलास बज्राचार्य मन्त ।
निमोनिया ल्वचं कयाच्वंम्ह वय्कः वंगु चान्हय् वासः यायेगु झ्वलय् मदुगु खः ।
७४ दँयाम्ह बज्राचार्य स्वास्थ्यय् समस्या खनेदय्वं छवाः न्ह्यः बयोधा अस्पतालय् भर्ना जुयादीगु खः ।
उगु हे अस्पतालय् वासः यायेगु झ्वलय् म्हिगः चान्हय् ११ः४५ताः इलय् वय्कः मदुगु खः ।
वय्कःया थौं हे शोभाभगवती अन्तिम संस्कार याःगु दु ।
मदुम्ह बज्राचार्यया तिरीमय्जु, छम्ह काय् नाप निम्ह म्ह्याय् दी ।
