Display Style:
Column Style
थप ८५५ जनामा कोरोना संक्रमण पुष्टि
लहनान्युज | ञंलाथ्व ७ ११४०,भाद्र ९मंगलवाः
वःगु २४ घण्टाय् थप ८५५ म्हेसित कोरोना संक्रमण पुष्टि जुगु दु ।
स्वास्थ्य तथा जनसंख्या मन्त्रालयया कथं ११ हजार ३२७म्हेसिगु स्वाब परीक्षण याःगुलि ८५५ म्हेसित कोरोना संक्रमण पुष्टि जूगु दु ।
थ्व नाप थौं मंगलवाः तक संक्रमितपि ३३ हजार ५३३ म्ह थ्यःगु दु ।
वःगु २४ घण्टाय् जक कोरोना संक्रमणपि वासः याका छेँय् लिहावःपि ३१३ म्ह थ्यःगु दु ।
थ्व नाप आःतक डिस्चार्ज जूपि १९ हजार ११९ म्ह थ्यःगु दु ।
महोत्तरी निम्ह कोरोना संक्रमितपि मन्त
लहनान्युज | ञंलाथ्व ७ ११४०,भाद्र ९मंगलवाः
महोत्तरी थौं मंगलवाः निम्ह कोरोना संक्रमितपि मदुगु दु । जिल्लाया मनरा सिस्वा नगरपालिका ३ या ७५दँ दुम्हव बलवा नगरपालिका ३ या ७७ दँ दुम्ह मदुगु खः ।
मनरा सिस्वाय् च्वम्ह जलेश्वर अस्पतालय् थौं सुथय् ११ः३० बजे मदुगु खः ।
अथेहे, बलबा नगरपालिकाया ७७ दँया मनू जनकपुरधामया प्रादेशिक अस्पतालय् वासः याका वयाच्वम्ह थौं सुथया ११ः३० बजे हे मदुगु खः । उम्ह मनू सोमवाः बहनि प्रादेशिक अस्पतालय् भर्ना जूम्ह खः ।
थ्व नाप महोत्तरी जिल्लाय् कोरोना संक्रमण पुष्टि जूया मदुपि प्यम्ह थ्यःगु दु ।
कोरोनां येँ छम्ह मन्त
ञंलाथ्व ७ ११४०,भाद्र ९मंगलवाः
सशस्त्र प्रहरी बलया कोभिड विशेष अस्पतालय् वासः याका वयाच्वम्ह कोरोना संक्रमित छम्ह सीगु दु ।
अस्पतालया कथं येँया छम्ह मिजंम्ह ६६ दँय् मन्त धका धाःगु दु ।
मदुम्ह निमोनियापाखे पिडितम्ह खः धका चिकित्सक धाःगु खः ।
नाप मदुपि कोरोनापाखे १५८ म्ह थ्यःगु दु ।
पोखराय् छम्ह पत्रकार, सुरक्षाकःमि नाप ११म्ह सक्रमण पिहावल
लहनान्युज | ञंलाथ्व ७ ११४०,भाद्र ९मंगलवाः
गण्डकी प्रदेशय् थौं मंगलवाः सुथय् १७ म्हेसित कोरोना संक्रमण पुष्टि जूगु दु । उकि मध्ये ११ म्ह पोखरा महानगरपालिकाय् च्वपि जूगु दु ।
पोखराय् छम्ह पत्रकार, निम्ह सुरक्षाकर्मी व छम्ह दुबई न लिहावम्ह नाप ११म्हेसित कोरोना संक्रमणपि पिहावःगु धका प्रदेश स्वास्थ्य निर्देशकं जानकारी बिःगु खः ।
अथेतु मंगलवाः हे तनहुँया भानु नगरपालिकाय् खुम्हेसित संक्रमण पुष्टि जूगु दु ।
थ्व नाप गण्डकी प्रदेशय् कोरोना संक्रमितपि द्धःछि व ८०८म्ह थ्यःगु दु । १ हजार ६३९ म्ह वासः याका छेँय् लिहा वने धुकुगु दु ।
अथेतु च्याम्ह सी धुकुगु दु ।
इन्धन आपूर्ति ‘लाइफलाइन’य् गुम्हेसित कोरोना
लहनान्युज | ञंलाथ्व ७ ११४०,भाद्र ९मंगलवाः
देय् या यक्को थासय् पेट्रोलियम पदार्थ आपूर्ति याइगु अमलेखगञ्ज डिपो व वया मातहतया वीरगञ्ज कार्यालयया कर्मचारीपिन्त कोरोना संक्रमण खने दुगु दु ।
म्हिगः सोमवाःया रिपोर्ट कथं अमलेखगञ्ज डिपोय् ज्या याइपि खुम्ह व उकिया मातहतय् वीरगञ्ज कार्यालयय् स्वम्हेसित कोरोना संक्रमण पुष्टि जुगु दु धका नेपाल आयल निगमया प्रवक्तां धाःगु दु ।
संक्रमण लिपा दुई नम्बर प्रादेशिक डिपो अमलेखगञ्ज व वीरगञ्ज कार्यालय स्वन्हुया लागि बन्द जुगु दु धका प्रवक्तां धाःगु दु ।
संक्रमित कर्मचारीपिन्त वासः याकेगु लागि आसोलेसनय् व संक्रमितपि नाप सम्पर्कय् दुपि सकसित पीसीआर परीक्षण लिपा ज्याय् लिहा वइ धका प्रवक्तां धाःगु दु ।
