Display Style:
Column Style
कोरोना २१म्ह मन्त
लहानान्युज | कौलागा अष्टमी ११४०,कार्तिक २३ आइतवाः
वःगु २४ घन्टाया दुने नेपालय् थप २१ म्ह कोरोना संक्रमणं सीगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप कोरोना सक्रमण मदुपि ११०८ म्ह थ्यःगु दु।
वःगु २४ घन्टाया दुने नेपालय् थप २ हजार ८१७ म्हेसित कोरोना संक्रमण पुष्टि जुगु धका स्वास्थ्य तथा जनसंख्या मन्त्रालयं धाःगु खः।
न्याक्वःगु नेवाः हाइकु वाचन ज्याझ्वः जुल
लहानान्युज | कौलागा अष्टमी ११४०,कार्तिक २३ आइतवाः
लच्छि छकः जुया वयाच्वंग् नेवाः हाइकु भर्चुयल पाखे नेवाः हाइकु वाचन क्वचाःगु दु।
ध्रुव मधिकःमिं समिक्षाया झ्वलय् हाइकु विधाया विकास नेपालभाषा ख्यलय् बुलुहुं व नियमित न्ह्यानाच्वंगु न्ह्यथनादिगु खः।
नापं प्रविधियात छ्यला नेवाः हाइकु ख्यलं यानाच्वंगु योगदान च्वछाये बहः जूगु धयादिल । अथेहे ज्याझ्वलय् डा.पुष्पराज राजकर्णिकार, प्रेमशन्ति तुलाधर, दिलबहदुर चित्रकार व मेमेपिं सहभागिपिसं नं थःथःगु खँ ब्याका दिइगु खः ।
थुगु संस्करणया ज्याझ्वलय प्यम्ह हाइजिनपिं प्रदीप तुलाधरं, “नुगलय थ्वसगु सः“, किशोर धूस नं “बुद्ध व कोरोना“, मोतिशान्ति शाक्यं “जिगु झिपु हाइकु“, व मंगल नारायण जोशीं “लकदाउन“, झीपु झीपु हाइकु वाचन याःगु खः।
ज्याझ्वः नेवाः हाइकुया कजि, सुरेश प्रधानं न्ह्याका दिइगु खःसा प्राविधिक ग्वाहालि केशरमान ताम्राकार यानादिइगु खः।
देय् यकं २८१२म्ह कोरोनामुक्त
लहानान्युज | कौलागा अष्टमी ११४०,कार्तिक २३ आइतवाः
थौं वःगु २४ घन्टाया दुने कोरोनामुक्त जूपि २८१२ म्ह डिस्चार्ज जूया छेँय् लिहावःगु दु।
थ्व नाप आःतक नेपालय् आःतक कोरोनामुक्त जुपि १ लाख ५७ हजार ९२६ म्ह थ्यःगु दु । आःतक देय् यकं सक्रिय कोरोना संक्रमितपि ३५ हजार ४१९ म्ह थ्यःगु दु।
मन्त्रालयया कथं वःगु २४ घण्टाय् १२ हजार ३११ म्हेसिगु पीसीआर परीक्षण याःगु दु। थ्व नाप आःतक पीसीआर विधिपाखे १५ लाख ४० हजार ७७ म्हेसिगु परीक्षण याःगु खः।
मन्त्रालयया प्रवक्ता डा जागेश्वर गौतमया कथं आइसोलेसनय् च्वना च्वपि ३५ हजार ४१९ म्ह व ११४९ म्ह क्वारेन्टाइनय् च्वनाच्वपि दु।
थौं देय् यकं २८१७म्ह कोरोना सक्रमित
लहानान्युज | कौलागा अष्टमी ११४०,कार्तिक २३ आइतवाः
वःगु २४ घन्टाया दुने नेपालय् थप २ हजार ८१७ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया प्रवक्ता डा जागेश्वर गौतमया कथं थौं आइतवाः थपे जुगु याना आःतक कोरोना संक्रमितपि नेपालय् १ लाख ९४ हजार ४५३ म्ह थ्यःगु दु धका जानकारी बिःगु दु।
येँ १२९४ म्ह नाप स्वनिगलय् १५३३म्हेसित कोरोना सक्रमित
लहानान्युज | कौलागा अष्टमी ११४०,कार्तिक २३ आइतवाः
वःगु २४ घण्टाया दुने स्वनिगलय् थप १ हजार ५३३ म्हेसित कोरोना संक्रमित पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
थौं संक्रमित पुष्टि जुपि ७१० मिसा व ८२३ म्ह मिजंपि खः।
थौं येँ जक १२९४ म्हेसित कोरोना सक्रमण जुगु दु धका मन्त्रालयय् धाःगु दु।
अथेहे, ख्वपय् ७७ म्ह व यलय् १६२ म्हेसित कोरोना संक्रमित थपे जुगु दु।
