Display Style:
Column Style
अवैधरुपं कोरोना परीक्षण शुल्क कापिं निजी अस्पतालयात छानबिन यायेत समिति गठन
लहनान्युज | दिल्लागा नवमी ११४०,असार ३० मंगलवाः
स्वगू अस्पताल ग्राण्डी, ह्याम्स अस्पताल व जोरपाटीको अत्तरखेलया नेपाल मेडिकल कलेजं स्वीकृति मकासे कोरोना भाइरस (कोभिड(१९) या परीक्षण याःगु विषयय् अनुसन्धान यायेत स्वास्थ्य तथा जनसंख्या मन्त्रालयं छानबिन याये त्यःगु दु ।
मन्त्रालयं गुणस्तर मापन तथा अनुगमन महाशाखा न मन्त्रालयया वरिष्ठ औषधि व्यवस्थापक पानबहादुर क्षेत्रीया संयोजकत्वय् असार २८ गते स्वम्ह सदस्यीय छानबिन समिति गठन याःगु दु ।
थुगु स्वगू अस्पतालं सरकारी निर्देशिका विपरीत स्वाब संकलन याना परीक्षणया लागि सरकारी प्रयोगशालाय् छ्वःगु व सेवाग्राही नाप थः यः थे शुल्क उठे याःगु सूचं वःगुलि छानबिन याये त्यःगु खः । स्वगू अस्पतालयात कोभिड(१९ या परीक्षण याना च्वंगू धयागु बारे छानबिन याना निन्हुया दुने प्रतिवेदन बुझे यायेत निर्देशन बिःगु दु ।
उगू समिति राष्ट्रिय जनस्वास्थ्य प्रयोगशालाया प्याथोलोजिस्ट डा शंकर काफ्ले व स्वास्थ्य मन्त्रालयया जनस्वास्थ्य अधिकृत रवीकान्त मिश्र सदस्यपि खः ।
कोरोना संक्रमणया महामारीे तसक स्यनिगु विश्व स्वास्थ्य संगठन धका चेतावनी
लहनान्युज | दिल्लागा नवमी ११४०,असार ३० मंगलवाः
यक्को देशं निर्णायक कदम मल्ह्वःगुलि कोरोना संक्रमणया महामारीे तसक स्यनिगु धका चेतावनी विश्व स्वास्थ्य संगठन (डब्ल्यूएचओ) नं बिःगु दु ।
डब्ल्यूएचओ प्रमुख डा. टेड्रोस एड्हानोम गेहब्रेयससं यक्को देशं गलत दिशाय् न्ह्यने वना च्वंगु धका उगु चेतावनी बिःगु दु ।
डब्ल्यूएचओ प्रमुख डा.गेहब्रेयससं ‘गु देशय् कोरोनाका संक्रमण रोक्के यायेगु प्रावधान ठीक ढंगं लागु मया, अन खतरनाक ढंगं संक्रमण अप्वया वना च्वंगु दु धयादिसे अझ स्पष्ट रुप धाये खः सा गुलि देश गलत लँय् वना च्वंगु दु धका धयादिगु खः ।’
यक्को देशय् भौतिक दुरी कायम यायेगु, ल्हाःसिलेगु, मास्क तयेगु थे सामान्य सतर्कता तक अपने मयागु धका धयादिसे डब्ल्यूएचओ व स्वास्थ्य विज्ञपिन्स सावधानीया उपाय अपने मयाःगु विश्व सामान्य अवस्थाय् लिहा मवइगु चेतावनी बिःगु दु ।
डब्ल्यूएचओ प्रमुख डा.गेहब्रेयससं गन नेतापिन्स अःखःत विश्व स्वास्थ्य संगठनयात कोरोना भाइरसको संक्रमण रोक्के याये मफुगु आरोप बिःगु धका धयादिगु दु ।
१४४ म्ह कोरोना संक्रमण
लहनान्युज | दिल्लागा अष्टमी ११४०,असार २९ सोमवाः
थौं सोमवाः नेपालय् कोरोना भाइरस १४४म्हेसित संक्रमित जूगु दु ।
स्वास्थ्य तथा जनसंख्या मन्त्रालयया कथं न्याद्धः व ८५६म्हेसिगु पीसीआर विधिपाखे कोरोना संक्रमण परीक्षण यागुलि १४४म्हेसित संक्रमण खने दुगु दु ।
सोमवाः दकलय् अप्व सुर्खेतय् ४१म्ह खने दुगु खः । अथेहे धनुषाय् २७ म्ह, कैलालीइ ११म्ह, रौतहटय् गुम्ह कपिलवस्तुइ च्याम्ह, यलय् न्याम्ह, झापा व महोत्तरीइ प्यम्ह प्यम्ह, येँ स्वम्ह, बागलुङ, म्याग्दी, तनहुँ, बर्दिया, दाङ, रुकुम पश्चिम, दैलेख, बझाङ व बैतडीइ निम्ह निम्हसित संक्रमित जूगु दु ।
मोरङ, सुनसरी, सप्तरी, भक्तपुर, काभ्रे, दोलखा, सिन्धुली, मकवानपुर, पर्वत, स्याङ्जा, कपिलवस्तु, बाँके, जाजरकोट, अछामय् छम्ह छम्हेसित संक्रमण जूगु दु ।
नेपालय् आःतक कोरोना संक्रमितपिनिगु ल्याः १६द्धः व ९४५म्ह थ्यःगु दु ।
कोरोना संक्रमण उपचार लिपा छेँय् लिहा वःपि १०२९४म्ह थ्यःगु दु । वःगु २४ घण्टाय् १०७५ म्ह डिस्चार्ज जूगु धका स्वास्थ्य मन्त्रालयया प्रवक्ता डा. जागेश्वर गौतमं जानकारी बिगु दु ।
स्वनिगलय् गुम्हेसित कोरोना जुल
शोभा श्रेष्ठ | दिल्लागा अष्टमी ११४०,असार २९ सोमवाः
थौं सोमवाः स्वनिगलय् थप गुम्हेसित कोरोना संक्रमण जूगु दु ।
वःगु २४ घण्टाया दुने स्वनिगलय् गुम्हेसित कोरोना संक्रमित जूगु दु ।
थौं येँ स्वम्ह, यलय् न्याम्ह व ख्वपय् छम्हेसित कोरोना संक्रमण पुष्टि जूगु धका स्वास्थ्य तथा जनसंख्या मन्त्रालयं धाःगु दु ।
गन गन संक्रमितपि पिहा वःगु धका मन्त्रालयं धाःगु मदु ।
कोरोना परीक्षण यायेत खुगु निजी प्रयोगशालाय् अनुमति
दिल्लागा अष्टमी ११४०,असार २९ सोमवाः | दिल्लागा अष्टमी ११४०,असार २९ सोमवाः
स्वनिगलय् प्यंगू नाप खुगु निजी प्रयोगशालायात सरकारं कोरोना भाइरस (कोभिड (१९) या पीसीआर विधिपाखे जाँच यायेगु अनुमति बिःगु दु ।
स्वास्थ्य तथा जनसंख्या मन्त्रालयया नीति कथं राष्ट्रिय जनस्वास्थ्य प्रयोगशाला (एनपीएचएल), टेकुं मापदण्ड गाःगु येँ प्यंगू व बुटवल नाप नेपालगञ्जय् याना खुगु निजी प्रयोगशालायात
कोभिड १९ पीसीआर परीक्षण यायेगु अनुमति बिःगु दु ।
स्वनिगलय् स्वकृति बिःगु यल सानेपाया स्टार अस्पताल, सिनामंगलय् काठमाडौँ मेडिकल कलेज शिक्षण अस्पताल, नयाँ बानेश्वरया सेन्ट्रल डाईग्नोस्टिक ल्याव (सीडीएल) व लाजिम्पाटया सूर्या हेल्थ कियरयात अनुमति बिःगु दु ।
स्वनिगल पिने बुटवलया नेशनल प्याथ ल्याव व नेपालगञ्जया बागेश्वरी प्रयोगशालायात पीसीआर परीक्षण यायेगु अनुमति बिःगु खः ।
मापदण्ड कथं थुगु प्रयोगशालाय् सरकारं संकलन याना बिःगु नमूना जक परीक्षण याये दइ । कोरोना परीक्षण यायेत आः २५ गू प्रयोगशालाय् सञ्चालन जुया च्वंगु दु ।
