Display Style:
Column Style
गण्डकी प्रदेशय् च्यम्हेसित कोरोना संक्रमण पुष्टि
लहनान्युज | ञंलाथ्व ६ ११४०,भाद्र ८ सोमवाः
गण्डकी प्रदेशया न्याःगु जिल्ला् थप ८ म्हेसित कोरोना संक्रमण पुष्टि जूगु दु ।
प्रदेश स्वास्थ्य निर्देशनालयया कथं थौ सोमवाः सुथय् सार्वजनिक याःगु विवरण कथं पूर्वी नवलपरासी (नवलपुर), तनहुँ व बाग्लुङय् निम्ह निम्ह म्याग्दी व स्याङ्जाय् छम्ह छम्हेसित कोरोना पुष्टि जूगु दु ।
नवलपुरय् विनयत्रिवेणी–१ या छम्ह मचा नाप २८ दँया छम्ह मिजंयात न कोरोना संक्रमण खने दुगु दु ।
थ्व नाप गण्डकी प्रदेशय् कोरोना पुष्टि जूपि १ हजार ८८८ म्ह थ्यःगु दु धका गण्डकी प्रदेश कोरोना नियन्त्रण तथा रोकथाम कार्यक्रमया निर्देशकं जानकारी बिःगु खः ।
चितवनय् मेपि १२ म्ह कोरोना पुष्टि
लहनान्युज | ञंलाथ्व ६ ११४०,भाद्र ८ सोमवाः
चितवनय् न्यादँ दुम्ह मचा नाप मेपि १२ म्हेसित कोरोना संक्रमण पुष्टि जूगु दु ।
कोभिड–१९ प्रयोगशालाय् आइतवाः चान्ह्य याःगु परीक्षणय् न्ह्यम्ह मिसा न्याम्ह मिजंपिन्त कोरोना संक्रमण पुष्टि जूगु दु ।
संक्रमितपि जूपि भरतपुर महानगरपालिकाय् च्वपि खः ।
भरतपुर अस्पतालया कोभिड–१९ प्रयोगशालाय् आइतवाः २०९म्हसिगु नमुना परीक्षण याःगु खः ।
२० हजार पिसिआर परीक्षण स्थानीय तह न याइगु
नृपेन्द्रलाल श्रेष्ठ | ञंलाथ्व ६ ११४०,भाद्र ८ सोमवाः
उपत्यका नगरपालिका फोरमं दक्को पालिकाय् कन्ट्याक्ट ट्रेसिङ व टेस्टिङया दायरया तब्या यायेगु लागि स्वनिगलया स्थानीय तह यायेगु क्वःछिउगु दु । थगु ज्याया लागि स्थानीय तह न पिसिआर परीक्षण व कन्ट्याक्ट ट्रसिङया दायर अप्वयेकीगु जूगु दु ।
स्वनिगलय् समुदायस्तरय् हे कोरोना संक्रमण जुइफुगु खतरायात कया उपत्यका नगरपालिका फोरमं फुक्कं पालिकाय् कन्ट्याक्ट ट्रेसिङ व टेस्टिङया दायरया तब्या यायेगु क्वःछिउगु दु ।
फोरमया अधक्ष्य येँ महानगरपालिकाया मेयर विद्यासुन्दर शाक्य, उपाधक्ष्य यल महानगरपालिकाया मेयर चिरिबाबु महर्जन व सचिव थिमि नगरपालिकाया मेयर मदनसुन्दर श्रेष्ठं छगु सहलह यासे स्वनिगया फुक्कं पालिकाय् कन्ट्याक्ट ट्रेसिङ तब्याका यंकाः २० हजार पिसिआर परीक्षण यायेगु क्वःछिउगु खः ।
थौंकन्ह्य स्वनिगलय् कोरोना संक्रमितपि न्हियान्हिथं अप्वया वनाच्वंगु खँ धासें येँ महानगरपालिकाया मेयर शाक्यं धयादिल, ‘स्वनिगः घनाबस्ती जूगुलिं थन समुदायस्तरय् कोरोना संक्रमण न्यनावन धाःसा भयावह स्थिति वयेफु । उकिं इलय् हे नियन्त्रणया निंतिं फुक्कं पालिकातय्सं एकीकृत योजना दयेकाः न्ह्याः वनेत्यनागु खः ।’
येँ महानगरपालिकाया मेयर शाक्यं आः जारी जुयाच्वंगु निषेधाज्ञाया ईयात सदुपयोग यानाः व्यापक रुपं कन्ट्याक्ट ट्रेसिङ यानाः परीक्षणया दायरया तब्याकेगु निर्णय यासे व पोजिटिभ जूपिंत वासः यायेगु व्यवस्थाया बारे सहलह जूगु दु धका धयादिगु दु । मेयर शाक्य थुकिया बारे निर्णय यायेगु निंतिं थौं छगू मुँज्या च्वनेगु धका धयादिगु खः ।
फोरमया सचिव मदनसुन्दर श्रेष्ठं १५ निसें २० हजार कन्ट्याक्ट ट्रेसिङ यायेगु योजना दुगु धका धयादिसे पालिकाय् गुबलय्, गुगु क्षेत्रय्, गुलि कन्ट्याक्ट ट्रेसिङ यायेगु माःगु स्वया ज्या न्ह्याकेगु जुइगु खँ कनादिल ।
उगु फोरमया पदाधिकारीपि नाप बैठक च्वने न्ह्यः विज्ञतलिसे नं सहलह यायेगु धका न धयादिगु दु । सहलहय् स्वास्थ्य मन्त्रालयया जनस्वास्थ्य सल्लाहकार डा. खेम कार्की, मन्त्रालयया हे प्रमुख विशेषज्ञ महेन्द्रप्रसाद श्रेष्ठ, स्वास्थ्य सेवा विभागया इपिडिमियोलोजी तथा रोग नियन्त्रण महाशाखाया निर्देशक डा. बासुदेव पाण्डेपिं दुथ्याःगु खः ।
खाद्यान्न व तरकारी पसः सुथ ९ बज तक चायेके दइ
लहनान्युज | ञंलाथ्व ५ ११४०,भाद्र ७ आइतवाः
कन्ह्यनिसे येँ, यल व ख्वपय् खाद्यान्न तथा तरकारी पसः सुथसिया ९ः१५ बजे तक चायेके दइगु जूगु दु । न्हिन्हि मनूत तरकारी व खाद्यान्न न्यायेगु लागि धका पिहा वयेगु यागुलि थथे निर्णय याःगु खः ।
थुगु निर्णय यायेगु लागि स्वनिगः दुनेया स्वम्हं प्रमुख जिल्ला अधिकारीया मंकाः बैठक याःगु खः ।
अत्यावश्यक वस्तु मध्ये खाद्यान्न, फलफूल, तरकारी, लामाछामासु लग न्यायेगु लागि जक थुगु निर्णय यानागु खः धका धाःगु दु ।
वासः, लः नाप स्वास्थ्य सामग्री पसः न्ह्याःगु इलय् न चाइ धका न धाःगु दु ।
येँय् समुदाय स्तरय् सङ्क्रमण थ्यनकि नियन्त्रण याये थाकुइ : प्रवक्ता गौतम
लहनान्युज | ञंलाथ्व ५ ११४०,भाद्र ७ आइतवाः
स्वनिगः दुने कोरोना भाइरसका सङ्क्रमितपि नाप सम्पर्कय् दुपिन्त कन्ट्याक्ट ट्रेसिङ तीव्र गतिइ न्ह्याना च्वंगु दु ।
स्वास्थ्य तथा जनसङ्ख्या मन्त्रालयं सङ्घीय सरकार, प्रदेश सरकार व पालिका नाप समन्वय याना कन्ट्याक्ट ट्रेसिङयात तीव्र गति न्ह्याना च्वंगु व सङ्क्रमित नपा सम्भावित सङ्क्रमितपिन्त प्रयोगशालाय् फोन यायेगु स्वास्थ्य मन्त्रालयया प्रवक्ता डाक्टर जागेश्वर गौतमं थौं जानकारी बिःगु दु ।
प्रवक्ता गौतमं ५० लाख जनसंख्या दुगु येँय् समुदाय स्तरय् कोरोना भाइरसया सङ्क्रमण थ्यनकि नियन्त्रण यायेत तसकं थाकुइ धका धयादिसे लकडाउनयात कडाइया साथ मापदण्ड पालना यायेत इनाप यानादिगु खः ।
मास्क मतस्ये पिहाँ वनेगु, बैठक भेला याःगु कारण येँ जोखिम अप्वया वःगु धका प्रवक्ता गौतमं धयादिगु खः ।
