Display Style:
Column Style
कोरोना संक्रमण निम्ह रुपन्देही मन्त
लहनान्युज | ञंलाथ्व ५ ११४०,भाद्र ७ आइतवाः
कोरोना भाइरस संक्रमणया कारण रुपन्देहीया बुटवलय् निम्ह मनू मदुगु दु ।
बुटवल उपमहानगरपालिका– १ या ६७ दँया छम्ह मिसा थौं आइतवाः न्हिनसिया १ बजे व समरीमाई गाउँपालिका– २ या ३८ दँ दुम्ह मिजं न्हिनसिया सवा १ बजे मदुगु प्रदेश ५ या स्वास्थ्य निर्देशनालयं धाःगु दु ।
उमिगु लुम्बिनी प्रादेशिक अस्पतालया कोरोना विशेष अस्पतालय् भेन्टिलेटरया ग्वाहालि वासः याकेगु झ्वलय् मदुगु खः ।
दीर्घरोगी, उच्च रक्तचाप व मिर्गौला ल्वय्या समस्यां पीडितम्ह बुटवलया मिसाम्ह सासः ल्हायेगु समस्या जूया अस्पतालय् वासः याकेत वःगु खः ।
वयात साउन ३१ गते कोरोना संक्रमण पुष्टि जुइवं कोरोना विशेष अस्पतालय् वासः याका वयाच्वंगु खः ।
अथेहे मेम्ह मिजंम्ह कोरोना संक्रमण पुष्टि जुया सासः ल्हायेगु समस्या जूया भदौ १ गते कोरोना विशेष अस्पतालय् हःगु खः ।
थ्व नाप कोरोना संक्रमणया कारण रुपन्देही सीपिनिगु ल्याः थ्यःगु दु ।
स्वनिगलय् १६६म्ह ८१८म्ह कोरोना संक्रमण पुष्टि
शोभा श्रेष्ठ | ञंलाथ्व ५ ११४०,भाद्र ७ आइतवाः
वःगु २४ घण्टाय् देय् यकं ८१८ म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं थौं आइतवाः तक ३१ हजार ९३५म्हेसित कोरोना संक्रमण पुष्टि जुइ धुकुगु दु ।
वःगु २४ घण्टाय् स्वनिगः दुने १६६ म्हेसित कोरोना संक्रमण खने दुगु खः ।
मन्त्रालयया कथं थौं येँ जक १२६म्हेसित कोरोना संक्रमण पुष्टि जूगु दु । अथेहे यलय् १२म्ह व ख्वपय् २८ म्हेसित कोरोना संक्रमण पुष्टि जुगु खः । संक्रमित गन च्वपि धका धाःगु मदुनि ।
कोरोना संक्रमण वासः यका छेँय् लिहावःपि १८ हजार ६३१म्ह छेँय् लिहा वःगु दु । देय् यकं ३ हजार ९४३ म्ह होम आइसोलेसनय् च्वना च्वःगु दु ।
लुँया भाः प्यसः क्वहाः वल
लहनान्युज | ञंलाथ्व ५ ११४०,भाद्र ७ आइतवाः
नेपाःया लुँ बजारय् प्यसः क्वहा वःगु दु धका नेपाल सुनचाँदी व्यवसायी महासङ्घं धाःगु दु ।
थौं महासङ्घं छापावाला लुँया भाः छगू तोलाया ९८ हजार प्यसः तोके याःगु दु ।
अथेहे तेजाबी लुँ छगु तोलाया ९७ हजार गुसः तका निर्धारण याःगु दु ।
शुक्रवाः स्थानीय बजारय् छापावाला लुँ छगु तोला ९८ हजार च्यासः व तेजाबी लुँ ९८ हजार व स्वसः भाः कायम जूगु खः ।
अथेहे वहः तोला नीन्यातका क्वहा वःगु दु । वहः छगू तोलाया १३४५ तका थ्यःगु दु धका महासङ्घं धकाःगु दु ।
महाराजगञ्ज वृत्तय् न्याम्ह प्रहरी नाप छम्ह थुनुवा कोरोना पुष्टि
लहनान्युज | ञंलाथ्व ५ ११४०,भाद्र ७ आइतवाः
महानगरीय प्रहरी वृत्त महाराजगञ्जय् छम्ह थुनुवा नाप न्याम्हेसित प्रहरीयात कोरोना भाइरसया सङ्क्रमण पुष्टि दु ।
वःगु साउन ३० गते मनमैजुइ छम्ह मनू स्यागु द्धपनय् ज्वनातम्ह छम्ह मनू नाप न्याम्हेसित कोरोना पुष्टि जूगु दु धका महानगरीय प्रहरी परिसर टेकुं धाःगु दु ।
अन कोरोना सङ्क्रमण खने दयेवः मेपिन्त न पनि परीक्षण जुया च्वंगु दु धका धाःगु दु ।
सङ्क्रमण पुष्टि जुइ वं इमित आइसोलेशनय् छ्वये धुकुगु दु ।
सङ्क्रमण पुष्टि जूपि प्रहरी उम्ह मनू स्याःगु द्धपनय् ज्वनातःम्ह थुनुवाया सम्पर्कय् वःपि खः ।
वीरगञ्जय् निम्ह कोरोना संक्रमित बिस्यू वन
लहनान्युज | ञंलाथ्व ५ ११४०,भाद्र ७ आइतवाः
वीरगञ्जय् निम्ह कोरोना संक्रमित वीरगञ्ज हेल्थ केयर कोरोना विशेष अस्पतालं बिस्यू वःगु दु ।
चान्ह्यः २ बजे राउण्डय् वःपि स्वास्थ्यकःमिपिन्स संक्रमितपि मखने वः प्रहरीयात खबर याःगु खः ।
डिलक्स क्याबिनय् च्वना वया च्वपि गये याना बिस्यू वन धइगुलि प्रहरीं अनुसन्धान न्ह्याके धुकुगु दु ।
अस्पतालं ल्यूनें तिन्हुया बिस्यू वःगु धइगु प्रहरी आशंका याःगु दु ।
उमित माला च्वनागु दु धका जिल्ला प्रहरी कार्यालय पर्सां जानकारी बिःगु दु ।
