Display Style:
Column Style
रियल लिग उपाधिया न्ह्यने
लहनान्युज | दिल्लागा षष्ठी ११४०,असार २७ शनिवाः
स्पेनी ला लिगाय् रियल म्याड्रिडं थौं चान्ह्य जूगु कासाय् एलाभेसयात २—० गोलया अन्तर बुकूगु दु ।
थुगु कासा लिपा रियल लिग उपाधि त्याकिइगुलि आः निगु कासा ल्यःदनि ।
उगु कासाय् रियलया लागि करिम बेन्जेमाया छगू पेनाल्टीं याःगु गोलं न्ह्यने लागु खःसा ।
निगूगु हाफय् बेन्जेमाया ग्वाहालिं मार्को एसेन्सों मेगु गोल यासे निगु गोलं कासा त्याकेत ताःलागु खः ।
थुगु कासा लिपा रियल बार्सिलोनासिबें प्यंगु ल्याखं न्ह्यने लाःगुु दु ।
बार्सिलोना थौं शनिवाः रियल भालाडोलिडनाप म्हितिगु दु ।
भाषासेवी कुलभक्त शाक्यया सफल अपरेशन
लहनान्युज | दिल्लागा षष्ठी ११४०,असार २७ शनिवाः
नेपालभाषा आन्दोलनया न्ह्यलुवाः कुलभक्त शाक्य अस्पताल भर्ना जुयादीगु दु ।
शाक्यया मेडिसिटी अस्पतालय् शुक्रवाः वय्कःया हर्निया व खाइप्वचिया सफल अपरेशन डा. सुनिल कुमार शर्मां वय्कःया अपरेशन यानादीगु खः जूगु खः ।
अपरेशन लिपा स्वास्थ्यलाभया लागिं वयकः छुं न्हि अस्पतालय् हे च्वनादीगु खँ वयकःया छेँःपिंसं धाःगु दु ।
किपू नगरपालिकां अनलाइन चिकित्सा परामर्श सेवा सुरु
लहनान्युज | दिल्लागा षष्ठी ११४०,असार २७ शनिवाः
किपू नगरपालिकां अनलाइन चिकित्सा परामर्श सेवा मोबाइल एप्लिकेसन सञ्चालनय् हःगु दु ।
छगू ज्याझ्वः दथुइ कीर्तिपुर अस्पताल उगु एप्स किपू नगरपालिका स्वास्थ्य समितिया संयोजक नाप वडा नं. १ या अध्यक्ष हर्ष महर्जनं मोवाइलं उलेज्या यानादिगु खः ।
थौंकन्ह्य फैले जुयाच्वंगु कोभिड १९ या महामारीया इलय् स्वास्थ्यमा समस्या जूपिनिगु लागि अस्पताल तक वने म्वायेक व वासः न्यायेत पसलय् वने म्वायेक छेँ छेँय् थ्यकिगु कथं किपू नगरपालिकं उगु जीभी कम्पनी नाप jeevee नांया एप्स निर्माण यासे ग्वाहालि याःगु खः । थुगु एप्स मोबाइलय् निःशुल्क डाउनलोड याये फइ धका धाःगु खः ।
स्वास्थ्य शाखाया प्रमुख सन्तमान मानन्धरं लसकुस याना न्ह्याःगु उगु ज्याझ्वलय किपू वडा २ या वडाध्यक्ष लक्ष्मण डंगोल, जीभी कम्पनीपाखे आभुषण कसाकारपिन्स थःथःगु खँतयादिगु खः ।
उगु एप्सं प्रत्यक्षरुपं सितिक परामर्श बियादिपि स्वम्ह डाक्टरपिन्त दसिपौ लःल्हायेगु ज्या जुगु खः ।
हलियकं छन्हु निगु लाख २८द्धः संक्रमित
लहनान्युज | दिल्लागा षष्ठी ११४०,असार २७ शनिवाः
विश्व स्वास्थ्य संगठन (डब्ल्यूएचओ) नं कोरोना भाइरस पूर्णरुपं मदयेकत थाकुइ धका धाःगु दु । विश्व स्वास्थ्य संगठनका इमर्जेन्सी प्रोग्राम प्रमुख डा. माइक रायनं शुक्रवाः ग्वसाः ग्वगु
सम्मेलनय् उगु जानकारी बिःगु खः ।
जेनेभाय् जूगु उगु अनलाइन पत्रकार सम्मेलनय् वःगु २४ घण्टाय् कोरोना संक्रमितपिनिगु ल्याः आः तक या दुगु धका धाःगु दु । संगठनया कथं वःगु २४ घण्टाय् कोरोना संक्रमितपि निगु लाख २८१०२म्ह थपे जुगु धका धाःगु खः ।
जोन्स हप्किन्स विश्वविद्यालयया तथ्यांक कथं आः हलियकं कोरोना संक्रमितपि छगू करोड २४ लाख ५९ द्धः व ३६३म्ह थ्यःगु दु । अथेहे कोरोना संक्रमणं सीपिनिगु ल्याः निगु लाख ५९ द्धः व ४३९म्ह थ्यःगु दु ।
अमेरिकाय् जक दकलय् अप्व ३१ लाख ८१ द्धः व ८४६म्हेसित संक्रमण जूगु दु । कोरोनापाखे मेगु प्रभावित देय् ब्राजिलय् १८ लाख स्वया अप्व दुगु धका जोन्स हप्किन्स विश्वविद्यालयं धाःगु दु ।
पेट्रोल, डिजेल व मचिकंया भाः थकाःगु दु
लहनान्युज | दिल्लागा पंचमी ११४०,असार २६ शुक्रवाः
नेपाल आयल निगमं हाकनं पेट्रोलियम पदार्थया भाः थकागु दु ।
निगमं पेट्रोल, डिजेल व मचिकंया भाः छगू लिटर छतका थकाःगु दु ।
सरकारं असार १६ गते न पेट्रोलियम पदार्थया भाः थकाःगु खः ।
झीन्हुया दथुइ पेट्रोल छगू लिटरय् खुतका व डिजेलय् स्वतका थकाःगु दु ।
आः पेट्रोल छगू लिटरय् १०२ तका थ्यःगु दु धका निगम प्रवक्तां धाःगु दु ।
डिजेल व मचिकनय् छगू लिटरया ८८ तक थ्यःगु दु ।
हवाई इनधन व जा थुइगु ग्यासय् भाः यथावत तयातःगु दु ।
